تاقیگەی پزیشکی سارێژ

04/08/2023

What does the troponin test detect?

🔷🔹تــرۆپۆنین تێست چی دیاریدەکات کەی ئەم تێستە دەکرێت؟

#چەند زانیاریەکی کورت لەبارەی ئەم تێستەوە ....

💠ئــەم تێستە لەڕێگەی پێوانەکردنی ڕێژەی تــرۆپۆنین(Troponin) کەپڕۆتینێکە لەناو ماسولکەکاندا هەن بۆ دیاریکردنی جەڵتەی دڵ دەکرێت👈 Heart attack
کاتێک کەسێک توشی جەڵتەی دڵ ئەبێ دڵ دوای 3-4
سەعات پڕۆتینی تڕۆپۆنین دەردەداتە ناو ڕێڕەوەکانی خوێن🩸
هەرکاتێک ماسولکەکانی دڵ زیانیان بەربکەوێ ئەم پڕۆتینە دەردەدرێتە ناو خوێن....

0-0.4ng/mLڕێژەی ئاسایی تێستەکە لەنێوانی🔶

#ئەم هۆکارانە وادەکەن ڕێژەی ترۆپۆنین بەرزتربێ لەئاستی ئاسایی...
①Congestive heart failure
②Kidney disease
③Blood clot in your lungs

💢ئەم تێستە ئەوکاتانە دەکرێت کە پزیشک گوماندەکات نەخۆش توشی جەڵتەی دڵبووبێ کاتێک نەخۆشەکە تووشی سەرئێشەو ئازاری سنگ و ڕشانەوەو هێڵنجدان هەناسەتەنگی و زۆر ئارەقەکردنەوە دەبێ
ئەم نیشانانە دەریدەخەن کە کەسەکە ئەگەری هەیە توشی جەڵتەی دڵبووبێ بەلایەنی کەمەوە دەبێ سێ سەعات یان چوار سەعات بەسەر ئەم نیشانانەدا تێپەڕیبێ تابتوانی ئەم تێستەی بۆبکەی ....

🔶🔸 #ئەم تێستە لەڕێگەی وەرگرتنی خوێنەوە دەکرێت💉
و بیخەیتە سەر ئەو شوێنەی کە پیتی S واتە Sample
لێ نوسراوە بۆماوەی چارەگێک چاوەڕێدەکەی
ئەو شوێنەی کەلێی نوسراوە T,C
ئەگەر بووبە دوو خەت پۆزەتیڤە ئەگەرنا نێگەتڤە

💢 #هەوکردنی زۆر و وەرزشی 🚴 زۆر و سوتاوی زۆر وە هەر damage تر لەدڵــدا ئەگەری هەیە ئەم پڕۆتینە بەرزکاتەوە
جگە لەمە چەندین تێستی ترهەن کەدەریدەخەن نەخۆش توشی Heart attack بووە یان نا
بەڵام ئەم تێستە بۆئەوەدەکرێ دکتۆر چارەسەری خێرا بۆنەخۆشبکات و زوتر حاڵەتەکە دەستنیشان بکات .

29/11/2022

02/11/2022

تاقیکردنەوەی دژە CCP:
ئەوە بەکاردێت لە دەستنیشانکردنی روماتیزمی جومگە یان هەوکردنی جومگە. ئەم نەخۆشییە دەتوانێت کاریگەری لەسەر هەر بەشێکی لەشی هەبێت، بەڵام جومگە بچووکەکانی وەک دەست زیاتر لە هەر ئەندامێکی تری لەشدا تووشی دەبن. لەم حاڵەتەدا نەخۆشەکە ئازاری جومگە و هەڵئاوسانی بەخۆیەوە دەچێژێت

ئەو تاقیکردنەوەی کە تەواوکەرن و پەیوەستن بە تاقیکردنەوەی ئەنتی سی سی پی لە خوارەوە هاتووە:
1. تاقیکردنەوەی سی ئاڕ پی ئەم تاقیکردنەوەیە هەبوونی هەوکردن لە جەستەدا تاقی دەکاتەوە.
تاقیکردنەوەی 2.RF ئەم تاقیکردنەوەیە بۆ دەستنیشانکردنی هەوکردنی ئارترۆسی رۆماتۆید دانراوە.
3. تاقیکردنەوەی ANA ئەم تاقیکردنەوەیە بەکاردێت بۆ دەستنیشانکردنی نەخۆشیەکانی گرێدانی خۆکار.
4. تاقیکردنەوەی ESR. ئەم تاقیکردنەوەیە هەروەها پشکنینی هەبوونی هەوکردن و هەوکردن لە لەشدا دەکات

#تاقیگەی سارێژ -دەربەندیخان -کۆڵانی عیادەکان

17/10/2022

✅نەخۆشی Gout یان دەردە شاھانە (داء الملوك)

⬅️◀️ئەم نەخۆشیە لە ئەنجامی کۆبونەوەی یوریک ئەسیدەوە دەبێت لە جومگەکاندا بەتایبەت جومگەی پەنجە گەورەی قاچ بەھۆی تێکچوونەوە لە زیندەچالاکی لەشدا(کاتێک کەسێک پرۆتین دەخوات .ئەم پرۆتینە لە کۆتایدا دەبێت بە یوریک ئەسید کە پێویستە بکرێتە دەرەوە )

⬅️◀️کاتێک رێژەی یوریک ئەسید لە لەشدا زۆر دەبێت یاخود ناتوانرێ ئەم یوریک ئەسید لە لەشدا بکرێتەوە دەرەوە ئەوا ئەم نەخۆشیە دروست دەبێت
-ئەو کەسانەی ئەم نەخۆشیەیان ھەیە پێویستە دوربکەونەوە لە خواردنی گۆشت سور و مریشک چونکە ئەم خواردنانە رێژەیەکی زۆری پرۆتینیان تێدایە بەمەش رێژەی یوریک ئەسید بەرز دەبێتەوە و نەخۆشیەکە زیاتر پەرەدەسێنێ

⬅️◀️ئەم نەخۆشیە زیاتر لە پیاواندا دەردەکەوێ تا ئافرەتان

❎ئەو کەسانەی کە قەلەون یان رێژەی زۆری کحول دەخۆنەوە ئەگەری توشبوونیان بەم نەخۆشیە زۆرە

✅✅نیشانەکانی ئەم نەخۆشیە ؟؟؟؟
١-ئازاری زۆری جومگە
٢-ھەلئاوسان و سوربوونەوە
٣-ھەوکردن

#تاقیگەی سارێژ -دەربەندیخان -کۆڵانی عیادەکان

09/10/2022

Leukemia

بریتیە لە گروپێک لە شێرپەنجە کە دەست پێ ئەکات لە مۆخی ئێسک ،ئەبێتە هۆی دروستبونی ژمارەیەکی زۆر لە خرۆکەی سپی نائاسای.

•خرۆکە سپیەکانی خوێن(leukocyte ):
بریتین لە خانەی بەرگری کە پێویستن لە پاراستنی لەش دژی هەوکردن و مادە و زیندەوەری نامۆ، خرۆکە سپیەکان لە هەموو لەشدا بونیان هەیە بە رێژەیەکی زۆر لە خوێن و کۆئەندامی لیمفاوی، هەموو خرۆکە سپیەکان لە مۆخی ئێسک دروست ئەبن لەخانەکانی (HSC).

•نیشانەکان leukemia :
-لەوانەیە خوێن بەربون بەهۆی کەمی پەڕەکانی خوێن
-کێشەی شین هەڵگەران لە روکاری پێست
- هەستکردن بە ماندویەتی
-تا لێهاتن
-کەمخوێنی بەهۆی کەمبونەوەی ڕێژەی خرۆکە سورەکانی خوێن
-گەورەبونی سپل و جگەر
-ئارەقکردنەوەی شەوانە
-هەستکردن بە بێتاقەتی
-لە هەندێ نەخۆش هەست کردن بە دڵ تێکەڵ هاتن بەهۆی گەورەبونی سپڵ و جگەر
- خۆنەویستانە دابەزینی کێش

•چوار جۆرە سەرەکیەکەی سپیبونەوەی خوێن :
‏_acute lymphoblastic leukemia (ALL)
Acute myeloid leukemia (AML)-
Chronic lymphocytic leukemia (CLL)-
Chronic myeloid leukemia(CML)-

هۆکارەکان :
هیچ تاکە هۆکارێکی زانراو بونی نیە بۆ هەر جۆرێکی سپیبونەوەی خوێن ،
سپیبونەوەی خوێن وەکو هەموو شێرپەنجەکانی تر لە ئەنجامی بازدان لە DNA ڕوودەدات بەهۆی ناچالاکی جینی کۆنتڕۆڵکردنی شێرپەنجە

•هەندئ هۆکار کار دەکەنە سەر زیادکردنی مەترسی توشبون بە شێرپەنجە لەوانە:
_ ڤایرۆسی وەک (human T-lymphotropic virus)
_ تیشک لێدانی دەستکرد یان سروشتی (radiation)
_هەندێ مادەی کیمیای لەوانە بەنزین
_بەکارهێنانی چارەسەری کیمیای لە پێشودا
_جگەرە کێشان خواردن کاریگەری کەمی هەیە لە توشبون بە سپیبونەوەی خوێن ، بەڵام خواردنی سەوزەو میوە لەوانەیە پارێزگاریت پێ ببەخشێ.

دەستنیشانکردنی نەخۆشیەکە:
دەستنیشانکردنی نەخۆشی سپیبونەوەی خوێن زۆربەی کات پشت دەبەستێ بە چەند جار دوبارەکردنەوەی CBC، یان تێستکردنی مۆخی ئێسک، هەروەها وەرگرتنی نمونە لە گرێ لیمفاویەکان ئەتوانرێ ئەنجامبدرئ ،
_فەحسی مادە کیمیایەکانی خوێن ئەتوانرێ بەکار بهێندرێت بۆ دیاری کردنی ڕێژەی تێکچونی جگەر و گورچیلە یان کاریگەری مادەی کیمیای لەسەر نەخۆش
_هەروەها ئەتوانرێت x-ray , MRI, ultrasound بەکار بهێندرێت لە پشاندانی کاریگەری سپیبونەوەی خوێن لەسەر بەشەکانی جەستە

#تاقیگەی سارێژ -دەربەندیخان -کۆڵانی عیادەکان

02/10/2022

نەخۆشی شەکرە چییە ؟
نەخۆشی شەکرە بریتییە لە بەرزبوونەوەی ڕێژەی شەکر لە خوێندا بەهۆی کەمبوونی ڕێژەی ئەنسۆلین لەناو خوێن .
ئەنسۆلین بریتییە لەو هۆرمۆنەی کە فەرمابی سەرەکی گواستنەوەی شەکرە لە ناو خوێنەوە بۆناو خانەکانی لەش بۆ هەڵگرتنی و بەکارهێنانی بۆ دەستکەوتنی وزە. بۆیە بە کەمبوونی ڕێژەی ئەنسۆلین لەناو خوێندا شەکر بەرز دەبێتەوە و دەبێتە هۆی زیان گەیاندن بە چاو و گوێ و گورچیلەکان .

جۆرەکانی نەخۆشی شەکرە چین ؟
چەند جۆرێکی جیاوازی هەیە لەوانە ؛
1. نەخۆشی شەکرەی جۆری یەکەم : ئەم جۆرە لە منداڵان باوترە کە روودەدات کاتێک بەرگری لەش خانەکانی بەرهەمهێنانی ئینسۆلین لە پەنکریاس لەناو دەبەن بەمەش ڕێژەی بەرهەمهێنانی ئینسۆلین کەم دەبێتەوە ٪٥ ی نەخۆشەکان لەجۆری یەکەمن.
2. نەخۆشی شەکرەی جۆری دووەم : ئەم جۆرە لە کەسانی بەتەمەن و قەڵەو زیاتر روودەدات بەتایبەت لە کەسانی سەروو تەمەنی ٤٥ ساڵ و کەسانی نەچالاک ، کاتێک خانەکانی لەش کاردانەوەیان بۆ ئینسۆلین نییە و بەکاری ناهێنن ٪٩٠ بۆ ٪٩٥ ی نەخۆشەکان بەو جۆرەن .
3. نەخۆشی شەکرەی دووگیانی : ئەم جۆرە لەکاتی دووگیانیدا توشی دەبێت بەهۆی گۆڕانی هۆرمۆنەکانی لەش و زۆربەی کات دوای منداڵبوون نامێنێت .

نیشانەکانی هەبوونی نەخۆشی شەکرە :
1. زوو ماندووبوون
2. درەنگ سارێژبوونەوەی برین
3. زوو تینووبوون
4. زۆرمیز کردن
5. دابەزینی کێش
6. لێڵی چاو

باشترین ڕێگە هەمیشە خۆپاراستنە
بۆخۆپاراستن لەنەخۆشی شەکرە :
پێویستە بەردەوام ئاگاداری کێشی لەشت بیت چونکە قەڵەوی مەترسی تووشبوون زیاد دەکات
پێویستە بەردەوام رۆژانە وەرزش بکەیت
هەرکاتێک نیشانەکانی بەدەرکەوتن پێویستە سەردانی پزیشک بکەیت .

چارەسەرەکان پێویستە پزیشکی پسپۆر بۆت بنووسێت ؛
1. جۆری یەکەم ؛ چارەسەری بەکارهێنانی ئینسۆلینە هەروەها پارێزی خۆراکی و وەرزش کردن .
2. جۆری دووەم ؛ ئەمەشیان ئەتوانرێ لەرێگەی پارێزی خۆراکی و وەرزش کردن چارەسەر بکرێت وە هەندێک جار پێویست بە بەکارهێنانی دەرمان یان دەرزی ئینسۆلین دەکات .
3. جۆری دووگیانی ؛ لەرێگەی پارێزی خۆراکی و وەرزش کردن ئەتوانرێت چارەسەر بکرێت ، وە ئەگەر پێویستی کرد دەکرێت ئینسۆلین بەکاربهێنرێ

#تاقیگەی سارێژ -دەربەندیخان -کۆڵانی عیادەکان

27/09/2022

پشکنینی ESR ( ئەو فەحسەی کە خەڵک پێی دەڵێت فەحسی ڕۆماتیزمە ) چیە؟ ئەگەر ئەمە بەرز بێت مانای چیە؟
وەڵام : ئی ئێس ئاڕ ESR تێستێکی تایبەتی خوێنەکە بۆ خروکە سورەکان دەکرێت، وەک هەمو فەحسەکانی تر سودی یارمەتیدانی پزیشکە بۆ تەشخیس و دیاریکردنی باری تەندروستی نەخۆش.
ئەگەر ئەم فەحسە بەرزبێت مانای چیە؟
زۆربەی خەڵک کاتێک ئەم فەحسەدەکات و بەرز دەبێت ئیتر پێی دەڵێن ڕۆماتیزمەت بەرزە و وادەزانێ نەخۆشی ڕۆماتیزمەی هەیە !!!
ئەمە زۆر هەڵەیە چونکە ئەم فەحسە بەتەنها پەیوەندی بە نەخۆشیە ڕۆماتیزمیەکانەوە نیە ( هەرچەند نەخۆشیە ڕۆماتیزمیەکانیش چەندین جۆر و شیوازی هەیە )
بەڵام ئەم فەحسە شتێکی فراوانە و لە زۆر حاڵەتدا بەرز دەبێتەوە
ئەو حاڵەتانەی کە وادەکەن فەحسی ئی ئێس ئاڕ ESR بەرز ببێتەوە ئەمانەن:ـ
۱ـ کەمخوێنی
۲ـ نەخۆشیەکانی گورچیلە
۳ـ lymphomaشێرپەنجەی لیمفاوی
٤ـ نەخۆشی multiple myeloma
٥ـ تەمەنی زۆر ( پیری )
٦ـ حەمل ( سکپڕی)
۷ـ نەخۆشی temporal arteritis
۸ـ نەخۆشیەکانی غودە
ـ نەخۆشیەکانی سیستەمی بەرگری خۆی وەک :ـ
۱٠ـ ئێس ئێڵ ئی SLE
۱۱ـ ڕۆماتیزمەی جومگەکانRA
۱۲ـ Giant cell arteritis
۱۳ـ polymyalgia reumatica
۱٤ـ حەساسیەکان یان ڤاسکولایتس
ـ هەندێ لە نەخۆشیەکانی میکرۆب و هەوکردن وەک
۱٥ـ هەوکردنی ئێسک
۱٦ـ هەوکردنی دڵ
۱۷ـ هەوکردنی پێست
۱۸ـ هەوکردنی سیستەمی
۱۹ـ سیل
وە چەندین شتی تر کە دەبێتە هۆی بەرزبومەوەی ئەم فەحسە
کەواتە کاتێ ئەم فەحسەت بەرز دەبێت وامەزانە ڕۆماتیزمەت هەیە!بەڵکو ئەو هەمو هۆکارەی سەرەوەی هەیە و ئەگونجێ شتێکی بەسیتیش بێت
واتە ئەم فەحسە بەتەنها مانای نیە و ناتوانرێت لێکبدرێتەوە ..لەوکاتەدا دەبێ پزیشکەکەی خۆت بەپێی حاڵەتی خۆت و فەحس و زانیاریەکانی تر لێکدانەوەی ئەو فەحسەت بۆ بکات.

#تاقیگەی سارێژ —دەربەندیخان -کۆڵانی عیادەکان

22/09/2022

Rheumatoid factor (RF)
یەکێکە لەو فەحسانەی کە سەر بە immunology کە فەحسی رۆماتیزمی دەناسرێت

رۆماتیزم :ھەوکردنێکە کە لە جومگەکان رودەدات کە تێیدا سیستەمی بەرگری پەلاماری لەش دەدات

ئەم فەحسە مەرج نیە تەنھا نەخۆشی رۆماتیزم دیاری کات بۆ زۆر نەخۆشی تریش ئەنجام دەدرێت وەک و

1-نەخۆشی درێژخایەن
2-شێرپەنجە
3-رەقبونی پێست
4-ھەوکردنی سیەکان
5-ریشاڵ بونی جگەر

#تاقیگەی سارێژ —دەربەندیخان -کۆڵانی عیادەکان

18/09/2022

پشکنینی CRP Test CellReactive Protein.
پشکنینێکی خوێنە بەکاردێت بۆ دیاریکردنی ئیتیهاباتی ناو لەش.
CRPپرۆتینێکە لە لایەن جگەرەوە دروست دەکرێت ودەر دەدرێتە ناو خوێن.
بەرزبوونەوەی ئەم پرۆتینە بۆ سەروی 3mg/dl ئەوە دەردەخات کە ئەو کەسە توشی ئلتیهابات بووە لە شوێنێکی لەشیدا بەلام ناتوانین لە رێگەی ئەم پشکنینەوە شوێن و هۆکاری تووشبونەکە دیاری بکەین.

ئەم پشکنینە بۆچی ئەنجامدەدرێت؟
ئەم پشکنینە ئەنجامدەدرێت بۆ دیاریکردنی بوونی ئلتیهابات و هەوکردن لە ناو لەشدا ، بەلام شوێن و هۆکاری ئلتیهاباتەکە دیاری ناکات.

هۆکارەکانی بەرز بوونەوەی رێژەی CRP:
1_هەوکردنی درێژخایەن وەك رۆماتیزمە.
2_کۆستی دەرونی.
3_ئلتیهابات.
4_سەکتەی دل.
5_ئلتیهاباتی ریخۆلەکان.
6_شێرپەنجە.
7_سوتان.

#تاقیگەی سارێژ -دەربەندیخان -کۆڵانی عیادەکان

13/09/2022

ھۆرمۆنی گەشە Growth hormone

ناونیشان //تاقیگەی سارێژ -دەربەندیخان -کۆڵانی عیادەکان

07/09/2022

چەوری سیانی چیە؟
چەوری سیانی جۆرێکی چەوریە لە لەشدا پێی دەوترێت (Triglyceride) کە لە کاتی خواردنی بڕێکی زۆر لە وزە کە لە پێویستی لەش زیاتر بێت ئەم وزەیە (کالۆری) دەگۆڕێت بۆ چەوری سیانی و لە جگەر کۆ دەبێتەوە کە لە دوایی بەکار دەهێنرێت کاتێک لەشمان پێویستی بە وزە بێت.لە هەندێک کاتدا ڕێژەی ئەم چەوریە زیاد دەکات کە مەترسی تووشبوون بە نەخۆشیەکانی دڵ و جەڵتەی دەماغ زیاد دەکات.

فەحسی چەوری سیانی Trygliceride لە گرووپی فەحسی چەورییەکانە لە خوێندا (lipid profile) ، لەم گروپە فەحسەدا جۆرە جیاوازەکانی چەوری پێوانە دەکرێت وەک کۆلیسترۆل ، هەروەها (HDL) کە بریتییە لە چەوری سوودبەخش ، هەروەها (LDL) کە ئەمەیان بریتییە لە چەوری زیان بەخش ، ئەگەر لە فەحسدا ڕێژەی چەوری (LDL) و ڕێژەی چەوری Tryglicerides پێکەوە بەرز بوو ئەوا مەترسی زیاترت لەسەرە بۆ نەخۆشی دڵ و مێشک.
بۆچی پێویستە ئەم فەحسە ئەنجام بدەین ؟ ، کێن ئەو کەسانەی مەترسییان زیاترە بۆ بەرزی لەڕێژەی ئەم جۆرەی چەوری؟
هەرکەسێکی کامڵ و پێگەشتوو پێویستدەکات کە فەحسی کۆلیسترۆل بەگشتی و ئەم جۆرەی چەوری بەتایبەتی (چەوری سیانی) ئەنجام بدات لەماوەی نێوان چوار بۆ شەش ساڵ جارێک ، بەڵام لەهەندێک حاڵەتدا پێویست دەکات بە ماوەیەکی کەمتر ئەم فەحسە دووبارە بکەینەوە چونکە هەندێک هۆکار و فاکتەر مەترسی زیاتر دەکات ، لەوانە :-
- ئەگەر لە خێزانەکەتدا کەسی توشبوی نەخۆشی دڵ هەبێت (هۆکاری جێنەتیک).
- کەسانی جگەرەکێش و خواردنەوە کحولیەکان.
- ئەگەر کێشت زۆر بوو ، یان بەرەو کێش زیادی دەچووی.
- خۆراک و خواردنی نا تەندرووست وەکو زۆر خواردنی ئەو خواردنانەی نیشاستەیان زۆرە وەکو برنج.
- کەمی وەرزشکردن و سستی.
- بەرزی پەستانی خوێن و نەخۆشی شەکرە.
- تەمەن ، پیاوان لە ٤۵ ساڵ و زیاتر ، وە ئافرەتان لە ۵٠ ساڵی و زیاتر مەترسیان زیاترە بۆ توشبون بە نەخۆشییەکانی دڵ.

ئەنجامدانی ئەم فەحسەش وەک زۆربەی فەحسەکانی دیکەی تاقیگە لەڕێگەی وەرگرتنی نمونەیەک لەخوێن دەبێت لە خوێنهێنەر، وا پێویستدەکات ماوەی ۹ بۆ ۱۲ کاتژمێر لە پێش ئەنجامدانی ئەم فەحسە هیچ خواردن و خواردنەوەیەک نەخۆیت ، چونکە خواردن بەماوەیەکی کەم پێش وەرگرتنی نمونەی خوێنەکە لەوانەیە ئەنجامی فەحسەکە بگۆڕێت و ئەنجامێکی ناڕاست دەربچێت.

ڕێژەکان بۆکەسێکی پێگەشتووگ بەم شێوەیەی خوارەوەیە :-
- ئەگەر لە ئەنجامی فەحسەکەدا ڕێژەی Tryglicerides کەمتر بوو لە 150 mg/dL ئەوا ڕێژەکەی ئاساییە (Normal).
- ئەگەر ڕێژەکەی لەنێوان (150 -199 mg/dL) بوو ئەوا لە سنووری بەرزبونەوەدایە.
- ئەگەر ڕێژەکەی لەنێوان (200-499 mg/dL) بوو ئەوا ڕێژەکەی بەرزە.
- ئەگەر ڕێژەکەی لە (500 mg/dL) زیاتر بوو ئەوا ڕێژەکەی زۆر بەرزە و مەترسیدارە.

نیشانەکانی:
ئاستەنگی بۆ هەناسەدانی ئاسایی
خاڵی زەردی چەوری لەسەر سپێنەی چاو و کەمی توانای بیرکردنەوە
لەوانەیە ئازاری بەشی سەرەوەی سک

چارەسەرکردن:
کەم خواردنی شەکر
خواردنی ئەو خواردنانەی کاربۆهایدرایتی کەمن وەکو هێلکە و ماسی و گوێز
بەکارهێنانی ڕۆنی خەستنەکراو وەکو زەیتی زەیتون و ماسی و ئاڤۆگادۆ
خواردنی ماسی هەفتەی ٢ جار
وەرزش کردن
دابەزاندنی کێشی لەش و چاودێری کردنی کێش
خواردنی ڕۆنی ماسی
بەکارهێنانی دەرمان لە کاتی پێویست دا

🧪🧪تاقیگەی سارێژ -دەربەندیخان -کۆڵانی عیادەکان

03/09/2022

»فەحسی عام«

لەڕاستیدا شتێک نی یە بەناوی پشکنینی گشتی (فەحسی عام)
بەڵام
پشکنینی ساڵانە کە بە (فەحسی عام) ناسراوە لەلای هاوڵاتیان ئەوپشکنینانە کامانەن ؟

‏1-CBC پشکنینی گشتی خوێن.
‏2-V.D3 ڤیتامین دی .
‏3-TSH غودە .
‏urea-4 و Creatinine پشکنینەکانی کارکردنی گورچیلە .
‏5- GUE &GSE پشکنینی گشتی میز و پیسایی .
‏lipid profile-7 پشکنینی گشتی چە وریە کان پێک دێت لە :-
‏▫️cholesterol
‏▫️TG
‏▫️HDL
‏▫️LDL
‏ESR-8 پشکنینی ھەوکردن یان ناسراو بە ڕۆماتیزم
‏blood suger-9 شەکری لەش
10.پشکنینی گشتی جگەر

باشتر وایە ئەم پشکنینانە پاش 8 بۆ 12 كاتژمێر لە نانخواردن بکرێت
🧪🧪ئێستا لە تاقیگەی سارێژ ھەموو تێستەکان بە ردەستە بە نرخێکی گونجاو و کوالیتی زۆر باش

ناونیشان //تاقیگەی سارێژ -دەربەندیخان -کۆڵانی عیادەکان