عيادة الدكتور حسين علاء الدين السامرائي لطب الاطفال وحديثي الولادة

  • Home
  • Iraq
  • ERBIL
  • عيادة الدكتور حسين علاء الدين السامرائي لطب الاطفال وحديثي الولادة

عيادة الدكتور حسين علاء الدين السامرائي لطب الاطفال وحديثي الولادة عيادة طب الاطفال وحديثي الولادة
نناقش هنا كلشي متعلق بصحة وعلاج وتغذية الاطفال pediatrician

مو بله !
21/04/2026

مو بله !

للام المرضعةاحتفظي بكوب من الماء في متناول يدك واشربيه في كل مرة تنتهين فيها من إرضاع طفلك.بالمتوسط، يرضع الطفل من ٨ إلى...
20/04/2026

للام المرضعة
احتفظي بكوب من الماء في متناول يدك واشربيه في كل مرة تنتهين فيها من إرضاع طفلك.
بالمتوسط، يرضع الطفل من ٨ إلى ١٢ مرة باليوم ،وبهذه الطريقة ستستهلكين ما لا يقل عن ٨ أكواب من الماء في اليوم.

اذا إبنج شرب كلور🍶 أو كلوريكس أو صودا كاوية أو أى منظف بالبيت...... شنو الي تسوي بسرعة لحد ما تروحين لأقرب مركز لعلاج...
18/04/2026

اذا إبنج شرب كلور🍶 أو كلوريكس أو صودا كاوية أو أى منظف بالبيت...... شنو الي تسوي بسرعة لحد ما تروحين لأقرب مركز لعلاج السموم أو طواريء المستشفى؟؟؟؟
ركزي... هاي حياة انسان.

اولا : ممنوع‬ منعا باتا تخليه يرجع أو يستفرغ غصب عنه .. يعنى ممنوع تشربي مي و ملح أو حليب و بيض أو تحطين ايدج بفم الطفل حتى يتقيأ او تنطيه فحم او تسويله غسل معدة...
زين ليش؟؟!!؛؛🙆🙆🙆
لان اذا خلينه الطفل يتقيأ رح نعرض المرىء والبلعوم والفم للمادة الكاوية هاي مرة تانيه يعنى رح نضره اكثر ...
ايضا ممكن تدخل المادة الكاوية فى مجرى التنفس وتسبب
إلتهاب رئوى شديد.. (يعنى مثل منكول الي اجه ديكحله عماه☠)

ثانيا : شربيه كلاص حليب صغير🥛 وبس (بدون مي)
زين ليش حليب !!!! مو مي
ما يصير ننطي مي لان المواد الكاوية هاي ممكن تكون حامض "acid" أو قلوى "alkaline" .. وممكن تتفاعل مع الماء داخل المعدة وينتج عن التفاعل حرارة عالية تزيد المشكلة.. وتدمر انسجة المعدة اكثر واكثر ..... يعنى مرة ثانية( اجه ديكحله عماه☠)

وشويه حليب شرح يسوي ؟!!!!🥛
تخفف شوية من تركيز المادة إلي شربه.. واذا اكو شي واكف بالفم او البلعوم او المرئ رح يحركه للمعدة.

زين ليش شوية حليب مو نص لتر حليب مثلا...
حتى ميصير قيئ واستفراغ ..وحجينة كبل شوية ان احداث قيئ بهاي الحالات خطيررررر جدااااا☠....

ثالثا : زين يصير نعادل المادة الي شربه الطفل يعني اذا هو شارب حامض أعطيه اني قلوى أو العكس حتى أقلل مفعوله؟؟؟
طبعا غلط....
لان رح ينتج عن هالشي تفاعل كيميائي وهالتفاعل رح ينتج حرارة عالية 🔥🔥 تعمل على تدمير للانسجة........

رابعاً : نقل الطفل للهواء النقى حتى يقدر يتنفس
خامسا : اذا المادة الكاوية وقعت على ملابسه لازم يغيرها فورا ونغسل جسمه زين ..
سادساً : اذا المادة هاي وكعت على عينه نغسلها كلش زين بالمي لمدة ربع ساعه..
وبسرعة ناخده لأقرب مركز سموم او طواريء لسرعة اتخاذ الاجراءات الطبيه اللازمه للطفل حسب حالته وحسب مدى سمية الماده وحسب الكميه اللى اخذها وحسب المدة اللى اتأخر لحد موصل الطواريء

وطبعا لازم تاخذين وياج العلبه او زجاجه المادة التى شرب منه الطفل....للتعرف على المادة وتحديد كيفية العلاج بسرعة...

والله الكلمتين الي حجيناهن = انقاذ حياة فعلا
وياما سمعنا عن حالات كان ممكن نلحكه بتطبيق هالقواعد هاي ..
لهذا نحاول نوصل هالمعلومات لاكبر عدد
من الاهل والامهات خصوصا🌹🌹🌹

👨‍⚕️عيادة الدكتور/ حسين السامرائي👨‍⚕️
👨‍🎓 اخصائي طب الاطفال وحديثي الولادة
📱تلفون العيادة/07508372573

صباح الخيرهوايه من الناس يحبون يشربون او ينطون لاطفالهم (شاي حليب) .... كحل وسط 😑😑😑خلونه نسولفلكم 👇👇👇...شرب الشاي بالحلي...
17/04/2026

صباح الخير
هوايه من الناس يحبون يشربون او ينطون لاطفالهم
(شاي حليب) .... كحل وسط 😑😑😑

خلونه نسولفلكم 👇👇👇...

شرب الشاي بالحليب رح يضيع فوائد الحليب و الشاي على حدٍ سواء ، يعني اذا حضرتج تشربين شاي حليب ، او تسوين تمويه لطفلج حتى يشرب الحليب فتخلطيه بالشاي رح تكونين غلطانه، تعالي نكلج ليش ...

1- الشاي يحتوي على حمض تانيك(يبطيء امتصاص الحديد) وكافيين ومضادات أكسده.
2-الحليب يحتوي على كالسيوم وفيتامينات و بروتينات

زين شنو الي يصير من حضرتج تخلطين الشاي بالحليب ؟

حمض التانيك اللي موجود بالشاي يرسب الكالسيوم الي موجود بالحليب بالكلى وهيج رح تكونين مستفاديتي من الحليب ، هاي أولا..

ثانياً ، لازم تعرفين إن الكافيين يقلل امتصاص الحديد بنسبة 80 ٪ ...

ثالثاً ، الشاي يحتوي على مادة تساعد على الاسترخاء عن طريق انها توسع الشرايين .. بس أنزيمات الحليب مرح تسكت ورح تمنع هذا التأثير ايضا و مرح تستفيدين من الشاي ايضا
الخلاصة
( من تخلطين الشاي بالحليب لا رح تستفيدين من الشاي و لا من الحليب )😭😭😭😭
لا تشربين و لا تشربين أطفالج شاي حليب من اليوم

👨‍⚕️عيادة الدكتور/ حسين السامرائي👨‍⚕️
👨‍🎓 اخصائي طب الاطفال وحديثي الولادة
👨‍🎓 اخصائي التغذية العلاجية للاطفال
📱تلفون العيادة/07508372573

شكد لازم الطفل يشرب مي ؟ ✅ نبدي ننطي الاطفال مي بين الشهر الرابع والسادس تحديدا من نبدي نوكلهم الأكل الصلب وننطيهم تقريب...
12/04/2026

شكد لازم الطفل يشرب مي ؟
✅ نبدي ننطي الاطفال مي بين الشهر الرابع والسادس تحديدا من نبدي نوكلهم الأكل الصلب وننطيهم تقريبا اربع ملاعق كبيرة بعد كل وجبة طعام .

⛔ ماكو داعي ننطيهم مي قبل منبدي ننطيهم الأكل الصلب.

✅ بالنسبة للأطفال الكبار ، يحتاجون تقريبا 50 مل من المي لكل كيلو من وزنهم ..
مثلا طفل وزنه 10 كيلو ، يحتاج 500 مل ماء

طفل وزنه 15 كيلو ، بيحتاج تقريبا 750 مل ماء

طفل وزنه 20 كيلو ، بيحتاج لتر كامل من الماء يوميا

✅ بايام الصيف و الحرارة القاتلة و المجهود العضلي او الالتهابات او الاسهال نزيد كمية السوائل

✅ لون الأدرار 💦 يعكس طبيعة السوائل في الجسم ،
اذا لون الأدرار مثل اللون رقم 1 و 2 و 3 اللي بالصورة ، هاي معناه أن وضع البيبي تمام

⛔ أما اذا لون الأدرار مثل اللون رقم 4 و 5 و 6 اللي بالصورة هاي معناه انه كمية السوائل الي بالجسم قليلة .

خلو ببالكم نقطة كلش مهمة
لازم الام او الاب يشوفون لون ادرار ابنهم قبل ما ينام 😅😅😅

👨‍⚕️دكتور/ حسين السامرائي👨‍⚕️
👨‍🎓 اخصائي طب الاطفال وحديثي الولادة

🌹🌸أشياء بسيطة تساعد على زيادة ذكاء طفلك:🍀النوم لمدة لا تقل عن ٨ ساعات يوميا أثناء الليل🍀شرب الماء بانتظام ما لا يقل عن ٨...
06/04/2026

🌹🌸أشياء بسيطة تساعد على زيادة ذكاء طفلك:
🍀النوم لمدة لا تقل عن ٨ ساعات يوميا أثناء الليل
🍀شرب الماء بانتظام ما لا يقل عن ٨ أكواب باليوم
🍀العاب الذكاء مثل الشطرنج و الpuzzle
🍀الألعاب الرياضية بأنواعها
🍀أطعمة تحتوي على اوميجا3 مثل الأسماك و المكسرات

👨‍⚕️عيادة الدكتور/ حسين السامرائي👨‍⚕️
👨‍🎓 اخصائي طب الاطفال وحديثي الولادة
👨‍🎓 اخصائي التغذية العلاجية للاطفال
📱تلفون العيادة/07508372573

03/04/2026

جدول اللقاحات شي مهم
جدا جدا جدا
للاطفال
التزمو بي ولا تاخرون بي او تعوفو لاي سبب من الاسباب

مين جاية فكرة ان الاسهال بالنزلات المعوية لازم يوكف من اول يوم او حتى ثاني يوم ... 🤔🤔الاسهال مثل ما نفقد بي سوائل ينزل ب...
01/04/2026

مين جاية فكرة ان الاسهال بالنزلات المعوية لازم يوكف من اول يوم او حتى ثاني يوم ... 🤔🤔
الاسهال مثل ما نفقد بي سوائل ينزل بي الميكروب الي مسبب المشكلة ...
ماكو شي اسمه علاج يوقف الاسهال😐😐😐
اكو محلول جفاف يعوض المفقود وبروبايتك وزنك يقللون من حدته لحد ما يوكف بعد ٣ ل ٧ ايام ..
لكن ان نوكفه بيوم واحد فقط هالشي غير موجود
نهائيا مطلقا⛔️⛔️

ألانستغرام ...
https://instagram.com/dr.hussainaladdin?igshid=YmMyMTA2M2Y=

👨‍⚕️عيادة الدكتور/ حسين السامرائي👨‍⚕️
👨‍🎓 اخصائي طب الاطفال وحديثي الولادة
👨‍🎓 اخصائي التغذية العلاجية للاطفال
📱تلفون العيادة/07508372573

(شوية معلومات )👇👇📥الطفل الرضيع لا يستطيع التمييز بين النهار و الليل.📥أن معدته صغيرة جدا فلا يستطيع أن تمتلئ بكمية من الح...
29/03/2026

(شوية معلومات )👇👇
📥الطفل الرضيع لا يستطيع التمييز بين النهار و الليل.
📥أن معدته صغيرة جدا فلا يستطيع أن تمتلئ بكمية من الحليب ( سواء طبيعي أو صناعي ) تكفيه أن يبقى فترة طويلة دون الحاجة إلى الرضاعة.
📥الرضيع يحتاج كل ساعات قليلة جدا إلى الرضاعة سواء كان الوقت بالنهار أو الليل، فالاثنان بالنسبة له سواء.
📥حاجة الرضيع للغذاء ( الرضاعة ) أكبر من حاجته للنوم.
📥فيجب إرضاع الطفل كل2- 3 ساعات على الأقل و تقل المدة كلما كان الطفل وزنه قليل عند الولادة أو كان الطفل (خدج) .
📥 الطفل المعتمد على الرضاعة الطبيعيةيشعر بالجوع أسرع من الذي يرضع حليب صناعي.
📥لذلك يجب عدم تركه نائم دون رضاعة أكثر من ثلاث ساعات خلال الأسابيع الأولى.

ألانستغرام ...
https://instagram.com/dr.hussainaladdin?igshid=YmMyMTA2M2Y=

👨‍⚕️عيادة الدكتور/ حسين السامرائي👨‍⚕️
👨‍🎓 اخصائي طب الاطفال وحديثي الولادة
👨‍🎓 اخصائي التغذية العلاجية للاطفال
📱تلفون العيادة/07508372573

25/03/2026

صوت طقطقة المفاصل في الرضع طبيعي و غير مقلق لانه صوت انزلاق الاربطة على المفاصل،
و ميحتاج لا كالسيوم و لاعلاج

20/03/2026

عيد سعيد
كل عام وانتو بخير
الله يحفظكم ويحفظ اسركم الكريمة من كل سؤ ومكروه
نصيحه صغيرة وي العيد
الانفلونزا بالاطفال حديثي الولادة والرضع ....

الفتق السري هو انتفاخ في منطقة السرة لدى الطفل الرضيع، ويكون عبارة عن انتفاخ جلدي فقط إذا كان صغيرًا، ويحتوي على جزء من ...
16/03/2026

الفتق السري
هو انتفاخ في منطقة السرة لدى الطفل الرضيع، ويكون عبارة عن انتفاخ جلدي فقط إذا كان صغيرًا، ويحتوي على جزء من الأمعاء الدقيقة إذا كان كبيرا
وهو نوع منتشر جدا نتيجة ضعف عضلات البطن ويزيد مع بكاء الطفل والكحة.

هو الحمد لله مو مثل الفتق الاربي و غالبا متصير وياه مشاكل، بس يحتاج متابعة كل فترة لكن على الاغلب يتم شفاؤه بدون تدخل جراحي .

معظم الحالات تتحسن بالسنة الأولى واحيانا بعض الحالات ممكن تستمر لعمر ٣ سنوات .

اذا الفتق مقفل بعد عمر ال ٣ سنوات رح يحتاج تدخل جراحي بعملية بسيطة جدا عن طريق جراح الأطفال المتخصص .

باخر فترة سمعت عن الحزام او عمل حديدية تنحط على الفتق ونغطي الفتق عود حتى يقفل😑😑😑
الموضوع ما اله اي اساس علمي
وكل هالحجي ما اله اي علاقة بعلاج للفتق بالعكس ...
العملة ممكن تسبب التهاب تحته ومثل موضحت معظم الحالات تتحسن بدون اي علاج

شوكت نقلق من الفتق السري. ؟
نادر جدا أن يحصل اختناق في الفتق السري بس...
اذا حصل تحجر مكان الفتق او التهاب وتغير في لون الجلد
او ان الطفل يصرخ اذا احد لمس الفتق
او الطفل بدا يتقي قيئ أخضر مع امساك البراز
رح نحتاج استشارة جراح الأطفال المتخصص باسرع وقت

ألانستغرام ...
https://instagram.com/dr.hussainaladdin?igshid=YmMyMTA2M2Y=

👨‍⚕️عيادة الدكتور/ حسين السامرائي👨‍⚕️
👨‍🎓 اخصائي طب الاطفال وحديثي الولادة
👨‍🎓 اخصائي التغذية العلاجية للاطفال
📱تلفون العيادة/07508372573

Address

Erbil

Opening Hours

Monday 15:30 - 20:00
Tuesday 15:30 - 20:00
Wednesday 15:30 - 20:00
Thursday 15:30 - 20:00
Saturday 15:30 - 20:00
Sunday 15:30 - 20:00

Telephone

+9647508372573

Website

Alerts

Be the first to know and let us send you an email when عيادة الدكتور حسين علاء الدين السامرائي لطب الاطفال وحديثي الولادة posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to عيادة الدكتور حسين علاء الدين السامرائي لطب الاطفال وحديثي الولادة:

Shortcuts

Share

Category