26/11/2025
❄️ الشتاء اجه !
و شنو يجي ويه الشتا؟
مو بس الانفلونزا !!! لا لا
طفح الحفاظات جاي وياه
و راح يبدي كل سنة نفس المشهد…
طفح حفاظات فظيع
و تسلخات شديده
وكلها بسبب أخطاء بسيطة بسيطه بسيطه نكدر نتجنبها.
شنو علاقة الشتاء بطفح الحفاظات؟
1️⃣ قلة غسل الطفل بحجة الجو بارد
بس النظافة ما بيها فصول، المنطقة تحتاج غسيل مستمر...
2️⃣ استخدام كلينس مرطب مهيج
مو كل المناديل تنفع… أكو أنواع تنشف البشرة وتخليها تلتهب أسرع.
استخدمي الامينه المكتوب عليها
بس ماء
3️⃣ البجامات المبطنه و الضيقه و اللي تضغط على الحفاظه ويجي وياها تعرق للمنطقه المحصوره اصلا بحفاظ و تخيلوا النتيجه
4️⃣ أكل بعض الفواكه الشتوية مثل البرتقال والفراولة واللالنكي
تزيد الحساسية والطفح عند بعض الأطفال
5️⃣ نسيان الكريم الواقي كل تبديل حفاظ
هذا خط الدفاع الأول ضد التهيج
و اهم شي ما نستخدم مراهم كورتزيونيه و نستخدم الامينات منهن اللي بيهن زنك و كومه نوعيات امينه و كومه شركات تتنافس بينها
6️⃣ انعدام التهوية نهائيًا بحجة البرد
لازم على الأقل خمس دقايق هوى خفيف بين حفاظ و اخر
7️⃣ استخدام حفاظات رديئة و هذه موضوع اختيار الحفاظه أصعب من اختيار الحليب للطفل لان مو كل طفل يرهمله كل الحفاظات
بس اللي شفته كاقل حفاظات تسوي طفح هي حفاظات بايولاين تجي وراها هجيز
💡 شنو نسوي حتى نمنع تكرر الكارثة؟
✨ غسل وتنشيف المنطقة زين
✨ تهوية بسيطة بكل تبديل
✨ اختيار حفاظة نوعية زينة تمتص وما تسرب
✨ كريم واقٍ آمن مع كل تغيير
✋ وهنا نقطة مهمة أحب أوضحها…
الملاحظ هو فرق كبير عند الأطفال اللي استخدموا حفاظات نوعية زينة و مرهم حفاظات زين و كلينس مرطب زين و تغسيل مستمر
🙏 الخلاصة:
منطقة الحفاظ صيف وشتا تحتاج نفس الاهتمام
لا ننتظر يصير التهاب حتى نفكر بالعلاج…
أخصائي طب الأطفال
الدكتور محمد نوري
