حذيفة الحديثي

31/12/2025

💙🫂

31/12/2025

كانت سنة مليئة بكشف الوجوه على حقيقتها وتمييز الصديق من العدو على المستوى الشخصي .

ومليئة بعلاج المئات من الحالات الصعبة من كافة مدن العراق بفضل الله على المستوى المهني .

أمنياتي لمراجعيني الاعزاء ومتابعيني الطيبين وعوائلهم الكريمة بسنةٍ قادمة مليئةٍ بالخير والعافية وأسأل الله أن يأخذ بيدي لأتمكن من تقديم الأفضل لكم .

31/12/2025

31/12/2025

ثقة متجددة
عابرة للمسافات

31/12/2025

قصة بائعة الكبريت

31/12/2025

شايفين من نكون معصبين شنسوي ؟
نگز على أسنانا
نرص قبضة إيدنا
نعض على شفايفنا
هاي كلها طرق
نفرّغ بيها الضغط اللي بداخلنا .

طفل التوحد شيسوي ؟
يتمدد بالگاع داخل الصف !!
مو عناد ولا قلّة تربية
هاي آلية تفريغ للضغط العصبي .

ليش هيج يسوي وشنو راح يستفاد ؟
راح يذب ثگله على الگاع ويفرغ بيها الضغط اللي بداخله فيضغط بجسمه على الگاع .

• تنويه : لانستقبل اي حالة دون ١٤ سنة لكن من باب التوعية الصحيّة .

د.حذيفة الحديثي
دكتوراه في الطب الباطني
عضو الجمعية الأمريكية لأطباء الغدد الصماء

30/12/2025

(فَاسْتَخَفَّ قَوْمَهُ فَأَطَاعُوهُ)

30/12/2025

المساحة الآمنة

وما أعرف مدى صحة الصورة ..
لكن هي صورة شفتها على الفيسبوك لطفل مضروب راجدي .
إن صحت ..
فالموضوع كارثة إنسانية قبل لا تكون تربوية .
اللي يمد إيده على طفل
إنسان خالي من الرجولة وما يگدر يواجه رجل انما يذب شعوره بنقص الرجوله على المساحة الامنه اللي ما راح يگدر يدافع عم نفسه وهو الطفل .
وهذا يحتاج علاج نفسي بعد المحاسبة القانونية .

هل تعلم أن هذا الطفل قد يكون عنده استعداد وراثي لأمراض مناعية ذاتية ؟

الضرب والخوف الشديد مو شي عابر ..
الضغط النفسي العنيف يفعّل هرمونات التوتر ويخلخل جهاز المناعة والغدد الصماء .
تجي وانت رجال تضربه !

شنو ممكن يصير بيه ؟
قد يحفز السكري من النوع الأول
قد يحفز مرض الروماتيزم الرثوي
أو قصور الغدة الكظرية
أو قصور الغدة الدرقية
أو البهاق
وقائمة لاتنتهي من الامراض المناعية الذاتية !

مو لأن الضربة تخلق المرض !
لكن لأنها تشعل الشرارة عند طفل جسمه أصلاً هش !

أي تربية تبدأ بالضرب ..
تنتهي بأمراض وعقد نفسية وأجيال مكسورة فلا تسمحوا لاحد باعتبار موضوع ضرب الاطفال محل نقاش اصلاً .

د.حذيفة الحديثي
دكتوراه في الطب الباطني
عضو الجمعية الأمريكية لأطباء الغدد الصماء

30/12/2025

من محافظة الديوانية العزيزة على القلب 🤍

وصلتني هذه الهدية الرائعة ..

هدية تذكرني بالمسؤولية الكبيرة التي اسأل الله ان يجعلني دوماً على قدرها وأن يأخذ بيدي لأكون دائماً مع القادمين من هذه المحافظة أفضل وأفضل .

فـ الى مراجعني من محافظة الديوانية واهلها الطيبين ..
أسأل الله أن يحفظكم وينعم علي دوماً بثقتكم فهي وسام فخر اعتز به .

نعم ..
أنتم الأهل الحقيقيون 🤲🏻

30/12/2025

الاكل الحار
يفعل مستقبلات الحرارة بالفم والمعدة
وهاي تنطي اشارات عصبية للعصب اللي يروح للقلب
يهدي دگات القلب وبنفس الوقت تنطي اشارات عصبية توسع الشرايين فتنطي راحه للصدر او على گولة ريما : تدفي الگلب 🫂💙

30/12/2025

من فترة شفت ڤديو لواحد يحذر من جرعة الفولك اسد اثناء الحمل ولازم ننطي للحوامل فولك اسد ابو ٤٠٠ مايكرو

مو ابو ٥ ملغرام

كلام لطيف ولكن هاي نصف معلومة
او نصف العلم ..

المعلومة الكاملة هي :

اللي عدهم سابقاً سكر حمل .
او عدهم سكري من قبل الحمل .
او ياخذون بعض ادوية الصرع .
او عدهم مرضي لتشوهات ولادية سابقة .

هذوله لااااازم ياخذون فولك اسد ابو ٥ ملغرام طوال الاسابيع الـ ١٢ الاولى من الحمل .
ليش لازم ؟
لوقاية الجنين من تشوهات الحبل الشوكي والدماغ .
فبالتالي هاي الجرعة مهمة جداً جداً لهذه الفئة من النساء الحوامل لغرض وقاية الجنين حسب المصادر الطبية البريطانية .

رجاء اخوي ..
مو كل شي ينشر على مواقع التواصل معناه صحيح وينوخذ كلامه راس مال .
خذ المعلومة الدقيقة من الاطباء الاختصاص .

د.حذيفة الحديثي
دكتوراه في الطب الباطني
عضو الجمعية الأمريكية لأطباء الغدد الصماء