06/12/2025
بۆ شەکرەداران:
ئایا برنج بخۆن یان نا؟
ئەگەر شەکرەی جۆری یەکەمت هەیەو دەرزی ئەنسۆلین لێدەدەیت دەتوانیت کەم کەم برنج بخۆیت، وە داوا ناکرێت بەیەکجاری برنج تەرک بکەیت،.. هەروەها ئەگەر شەکرەی جۆری دووەمت هەیەو پێشتر حەبت بەکار هێناوە، بەڵام ئێستا بە ئەنسۆلین لێدان چارەسەر دەکرێت دەتوانیت جار جارە برنج بخۆیت..
ئەگەر شەکرەت هەیەو کێشی لەشت زۆرەو قەڵەویت ئەوا برنج نەخۆیت باشترە، بتوانی وازی لێ بهێنیت، ئەگەر شەکرەی جۆری دووەمت هەیەو چەندەها حەب بەکار دێنیت و هێشتا بەرزە دو ئەگەر هەیە:
ئەگەر پزیشکی خۆت بۆی کردیت بە دەرزی ئەنسۆلین ئەوا ئەتوانیت کەم کەم برنج بخۆیت، بەڵام ئەگەر لەسەر حەب مایتەوە بۆ چارەسەری شەکرە ئەوا برنج نەخۆیت باشترە بۆ ئەوەی باشتر شەکرەکەت کۆنترۆڵ بێت، .
ئەگەر تازە لەنوێوە شەکرەت گرتووەو زۆر نییە، وەدەتەوێت تەنیا بە پارێز کردن شەکرەکەت کۆنترۆڵ بکرێت ئەوا،برنج نەخۆیت باشترە، ...
کام جۆری برنج؟
1برنجی پارزنراو جیاوازییەکەی لەگەڵ برنجی کۆڵاو بەبێ پارزنین لەوە دایە کە برنجە پارزنراوەکە نەختێک (تەنیا پێنج لەسەدا 5%) هێواشتر هەڵدەمژرێت بۆ ناو خوێن، وە تەنیا لەسەدا پێنج بێ زیانترە لە برنجی کوڵاوی بێ پارزنین
2 برنجی شەکرە کە ڕەنگی قاوەییە باشترە بۆ شەکرەدار لە برنجی سپی ئاسایی چونکە بڕی ڕیشاڵە خۆراکییەکانی زیاترە.
3 برنجی کوردی (قوت، دەنک خڕ) پڕ شەکرترەو خێراتر هەڵدەمژرێت لە برنجی دنک درێژ (بەسمەتی)، چونکە دنک درێژەکە ڕیشاڵی خۆراکی زیاترە و تەندروستترە.
4 برنج بەسرکە ئامادە بکرێت یان بە سپیەتی هیچ جیاوازیەکی وەهای نییە، سرکەو ساس و بەهارات بەڕێی خۆی و برنجیش بەڕێی خۆی ...
ئەگەر شەکرەدار برنج لەبیر خۆی بباتەوە باشترە بۆ تەندروستیەکەی.
