22/10/2025
دەزانم ئەم سێ پرسیارەت لەبارەی ڤاکسینی ئەنفلەوەنزاوە هەیە
کەواتە وەڵامەکان بخوێنەرەوە
✅ 1- كێن ئەوانەی دەتوانن و گرنگە ساڵانە ڤاکسینی ئەنفلەوەنزای وەرزی وەربگرن؟
- هەموو کەسێک دەتوانێت وەری بگرێت بەتایبەت؛
* کەسانی سەروو 65 ساڵ.
* خانمانی دووگیان.
* تووشبووانی شەکرە، بەرزەپەستانی خوێن، سستیی دڵ و گورچیلە، لاوازیی بەرگریی جەستە و رەبۆ.
* تووشبووانی شێرپەنجە (بە راوێژ بە پزیشک).
* ئەوانەی بەرکەوتەیان لەگەڵ کەسی تووشبوودا هەیە.
* پزیشک و کارمەندانی تەندروستی.
✅ 2- کێ ناتوانێت ڤاکسینی ئەنفلەوەنزا وەربگرێت؟
- ئەوانەی هەستییارییان هەیە بە هەندێک جۆری پڕۆتین وەکو هێلکە.
- ئەوانەی تووشبوون پەتا و هەڵامەت بوون و بوەستن تا چاک دەبنەوە.
- تووشبووانی نەخۆشیی Guillain Barre syndrome کە پێویستە راوێژ بە پزیشک بکەن.
✅ 3- کە ڤاکسینی ئەنفلەوەنزام وەرگرت، ئیتر پەتا ناگرم؟
وەرگرتنی ڤاکسینی ئەنفلەوەنزا (فڵو ڤاکسین) رەنگە بۆماوەی 6 بۆ 12 مانگ دوورت بخاتەوە لە تووشبوون بە پەتای وەرزی و ئەنفلەوەنزا، بەڵام دەکرێت هێشتا تووشی نەخۆشییەکە ببیت، بەڵام نیشانەکان سووک و سەلامەتترن و بە کاتێکی خێراتریش چاک دەبیتەوە.
دکتۆر شاهۆ حەوێزی
پزیشک و خوێندکاری بۆردی نەخۆشی و نەشتەرگەرییەکانی قوڕگ، لووت و گوێ
