Dr.Azad M. Xoshnaw :: دکتۆر ئازاد خۆشناو

03/01/2026

سەیرە لەو سەردەمی بەناو پێشکەوتنی جیهاندا هەر بەیانیەک لەخەو هەڵدەستی ئەبینیت ئەو ووڵاتانە دوو دوو و سێ سێ بەربونەتە گیانی یەکتر…
سەیرتر ئەوەیە کە هەمووی باسی ئازادی و مافی مرۆڤ و یاسا ئەکا!

31/12/2025

ساڵی نوێتان پیرۆز بێ، بەو هیوایەی 2026 ببێتە ساڵی ئارامی و ئاسوودەیی زیاتر لۆ هەموو لایەک.

29/12/2025

یەکێک لەوشتانەی زۆربەی ئەوانەی سەرکەوتوو بوونە لە بوارە جیاجیاکانی ژیان و دواتر لێی پەشیمانن پێنەدانی کاتی پێویستە بە منداڵەکان.

29/12/2025

ئەخیری لە پیرە هەولێرۆکەی بەفر باری و گەورە و گچکەش دڵخۆش بوون❄️

لەو سەردەمی پەتای نەخۆشی خەمۆکی و کەئابەیەی لەنێو خەڵک بڵاوبوەتەوە ئەگەر دیاردەیەکی سروشتی لەم شێوەیەش دڵی خەڵک خۆش بکا دڵم پێخۆشە، بەو هیوایەی کەس زیانی پێنەگا و هەموو لایەک سەلامەت بن بەتایبەت ئەوایەی لە ڕێگاکان ماونەتەوە.

دکتۆر ئازاد خۆشناو

29/12/2025

21/12/2025

إِنَّا لِلّهِ وَإِنَّـا إِلَيْهِ رَاجِعونَ…

بەڕاستی بەداخەوەم بۆ کۆچی دوایی جوانەمەرگ دکتۆر شاڵاو کە بە ڕووداوێکی دڵتەزێن خوای گەورە بۆلای خۆی بردوە ئیشەڵا جێگە و مەکانی بەهەشت بێت

دوایی نەهامەتی و دابڕانی زۆر بە چەرمەسەری کۆلێژی پزیشکی تەواو بکەی بەڵام زۆر بە ئاسانی وەفاتی کرد

سێ پەیامی گرنگ لە کۆچی دوایی خوالێخۆشبوو هەیە
یەکەم ئەم دنیایه زۆر لەوە هیچترە ڕاکەڕاکی بۆ بکەی و هەتا ئەتوانن دڵی کەس لە خۆتان مەڕەنجێنن

دووەم بەڕاستی ئەو ڕێگایەی کەلار ڕێگای مەرگە و خەڵکانێکی زۆر لەو ڕێییا تیاچوون بەڵام حکومەت و دەسەڵاتی زاڵ بێباکە و چواردەساڵە خەریکی ئەو جادەیەن و بەخێرایی کیسەڵ ئیشی تیا ئەکەن بۆیە خەڵکی کەلار و گەرمیان ئەبێ بە خۆیانا بێنەوە یا بە زووترین کات ئەبێ هەنگاوەکان بۆ چارەسەر توند بکرێتەوە
یان سزای حیزب و کەسانی بەرپرس بدەن

تێبینی / هیچ حیزبێک نیم و هەموو حیزبەکان قوربانی هەناسەیەکی ساردی دکتۆر شاڵاو بێت بەڵام ناکرێ ئەو هەموو تانکەرە نەوتە ئاودیو ئەکرێ بە بەرچاو خەڵکی دەربەن و کەلار کەچی خەڵک هەر مردنی بۆ بمێنێتەوە

سێیەم / تکایە تکایە لە خێرایی جادە لێبخوڕن و ڕێنماییەکانی هاتووچۆ جێبەجێ بکەن با کەسی تر جەرگ سووتاو نەبێ

انالله واناالیه راجعون

11/12/2025

11/12/2025

🟢 دواجار ژیری دەستکردن (AI) بڕیارە دروست و پێویستەکەی دا بە سنوردارکردنی تەواوەتی لە پێدانی زانیاری پزیشکی بەشێوەی ئۆنڵاین لەنێواندا (دەستنیشان کردنی نەخۆشی Diagnosis، نوسینی دەرمان Prescription) وەک ژیری دەستکرد خۆی ئەیڵێ هەموو ئەوانە دوای ئەوە هاتووە کە بینراوە دەستنیشانکردنی نەخۆشی تەنها بە ئۆنڵاین و بێ بینینی پزیشکی پسپۆڕ لە چەندین ووڵات بووەتە هۆکاری ڕودانی حاڵەتی نەخوازراو و زیان بە بەکاربەران…

✉️جێی بیرهێنانەوەیە بەداخەوە لە ماوەکانی ڕابردوو لە کوردستان گەنجێک بەم هۆیەوە گیانی لەدەستدا دوای ئەوەی بە ڕێنمایی ژیری دەستکرد دەرمانی وەرگرتبوو.

دکتۆر ئازاد خۆشناو

10/12/2025

لەگەڵ پۆڵێک لە فێرخوازەئازیزەکانم و پزیشکانی دوارۆژ لە قۆناغی پێنجی کۆلێژی پزیشکی…
وەک هەمیشە ئەڵێین تێڕوانینی تەواو جیاوازم هەیە لۆ توانا و لێهاتووییەکانی ئەم جیلە و پێموایە بە پێچەوانەی بۆچوونی بەشێکی زۆری کۆمەڵگا وای ئەبینم کە تواناکانی ئەم جیلە نوێیە زۆر زێدەتر لە جیلەکانی پێش خۆیانە، هیوادارم لەبڕی لێشکاندنیان بەهەموومان هانیان بدەین، ئەگەر بەشێکمان پێمانوایە پێوەرەکانی وەک گوێڕایەڵی کوێرانە و هەرچی گەورە ووتی بچوک جێبەجێی بکا ئاستی جیلەکان دیاری ئەکا تێگەیشتنێکی هەڵەیە و ئەصڵەن ئەم گوێڕایەڵیە خۆی لە خۆیدا لێکەمکردنەوە و ڕەنگە کپکردنی هەندێ توانای شاراوە بێ کە گەورەکان پێی ئاشنانین…

دکتۆر ئازاد خۆشناو

08/12/2025

چ مەعقولیەتیەکی تێدایە لە دوێنێ شەوەوە شەش ملیۆن کەس سەرقاڵکرایە و سەدان دەزگای میدیایی دەیان لایڤ و ڤی تی و ئەزلاڤ وبەپەلە و هات و هوتیان کردووە لەسەر بابەتێک (کە تەواو کەسیی و خێزانیە و پەیوەندی بە من و تۆ وهیچ کەسێکی دەرەوەی ئەم خێزانەوە نیە) و بەپێی هەموو یاسا و ڕێسا بەرکارەکانی ئەم کوردستانەی خۆشمان کە (یاسای ژمارە 4ی سالێ 2020 کە لە پەڕلەمانی کوردستان دەرچووە) بڵاوکردنەوە و سەوداپێکردنی هەر زانیاریەک و تایبەتمەندیەکی تەندروستی کەسی نەخۆش تاوانە دەرحەق بە کەسەکە، ئەمە جگەلەوەی هەموو کتێب و پەیڕەوە زانستیە پزیشکیەکانیش زۆر جەخت لەسەر (confidentiality) پاراستنی تایبەتمەندی نەخۆش و (privacy)نهێنی پارێزی دەرد و مەینەتیەکانی نەخۆش ئەکەنەوە و بڵاوکردنەوەی هەر بابەتێکی لەم شێوەیە لادانە لە یاسا ئینجا لە سلوکیات و پیشەیی بوونی پزیشکی …

ڕێزی زۆرم
دکتۆر ئازاد خۆشناو
پزیشکی نەخۆشیە دەروونیەکان

05/12/2025

بەشداریمان بە پێشکەشکردنی توێژینەوەیەکی زانستی لە دووەمین کۆنفڕانسی نێودەوڵەتیی کۆمەڵەی پزیشکانی دەروونیی کوردستان کە لە دوو ڕۆژی ڕابردوو لە شاری جوانی سلێمانی بەسەرکەوتوویی بەڕێوەچوو…

05/12/2025

پێشکەشکردنی توێژینەوەیەک لە دووەمین کۆنفرانسی زانستی کۆمەڵەی پزیشکانی دەروونیی کوردستان کە لە دوو ڕۆژی ڕابردوو لە پایتەختی ڕۆشنبیری شاری سلێمانی ئازیز بە سەرکەوتوویی بەڕێوەچوو…