19/05/2024
ئەو هۆکارە باوانە کامەنەن کەدەبنە یارمەتیدەر بۆ هەستیاری و ئازاری ددانەکان؟
۱-کلۆربوونی ددان:
ئەو بەکتریایەی کە پێکهاتەی ددان دەخوات ترشێک دروست دەکات بۆ هێرش کردنە سەر چینی رەق و پارێزەری ددان کە چینی مینای ددانە بەرەو چینەکانی تریش هەنگاو دەنێت وە دەبێتە هۆی هەستیاری ددان و ئازاری ددانەکە...
۲- برۆکسیزم واتە لێکخشان و بەریەککەوتنی ددانەکان لەشەوان بەبێ ئاگاداری چارەخوازەکە بەمەش چینی مینای ددانەکە دەڕوات...
۳- داخوران و پوکانەوەی پوک و ئێسکی پاڵپشتیکاری ددان:
جۆرێکە لە نەخۆشی بەمەش ڕەگی ددانەکە بەدیاردەکەوێت کەپێویستە لەژێر پووک یان ئێسکی پووک بێت وە لەبەرئەوەی ڕەگی ددان چینی مینای نیە بۆ پاراستنی...
٤- خواردەمەنی ترش و تفت:
لەکاتی زۆر خواردنی ترشی و تفتی چینی یەکەمی ددانەکە (مینا) لەناودەچێت کە هەرچەندە رەقترین و بەهێزترین مادەیە لەلەشی مرۆڤ دا وە چینی دووەمی ددان بەدیاردەکەوێت کە لەڕووی پێکهاتەکەیەوە نەرمە و هەستیارە...
٥- درزی نەبینراو یان کڕاکی ددان:
بەنموونە لەکاتی خواردنەوەی شتێکی زۆر گەرم یان زۆر سارد روودەداتن کەدەبێتەهۆی خێرا بەرزبوونەوە یان نزمبوونەوی پلەی گەرمی ناو دەم...
٦- بەکارهێنانی فڵچەی ددانی ڕەق و پەستانی زۆر لە کاتی ددان شوشتن:
بەم ڕێگایەش زەبر و زیان بەر پێکهاتەی پارێزەری ددانەکە دەکەوێت و دەبێتەهۆی هەستیاری و ئازاری ددانەکان...
۷- زۆرجار هەستیاری ددان روودەدات لەحاڵەتی دوای پڕکردنەوەی ددان و سپیکردنەوەی ددان بەلەیزەر(بلیچینگ) و دروستکردنی کیفی ددان و شوشتن و سپیکردنەوەی ددانی ئاسایی بەمەرجێک بۆ ماوەیەکی کورتخایەن بێت وەکاتێک تەمەنی پڕکردنەوەی ددانەکەت زۆربوو یان شکان و لیکی هەبێت بەم ڕێگایەش بەکتریایی بەرپرس لەکلۆربوونی ددان دەبێتەهۆی دروستبوونەوەی کلۆری لەژێرەوەی پڕکردنەوەکە بەمەش هەستیاری و ئازاری ددان روودەدات لەکاتی جوین و خواردن و خواردنەوەی سارد و گەرم...
لەکۆتاییدا ئەگەر تۆی چارەخواز هەر یەکێک لەم هۆکارانەت هەیە بەزووترین کات سەردانی پزیشکەکەت بکە بۆ وەرگرتنی ڕێنمایی و چارەسەری پێویست...
پزیشکی ددانی پسپۆڕ:
د. رێژاو عمر حسن مرۆ
هەڵگری بڕوانامەی ماستەری ئەوروپی لە ووڵاتی فەڕەنسا
BDS, GP, D.U.O.L.A, E.M.D.O.L.A-France
ژمارەی نۆڕینگە: ٠۷٥٠٤٥٦٥٠٥۹
ناونیشان:
سەنتەری سەدەف، شەقامی برایەتی- بەرامبەر مزگەوتی باقلان
