01/01/2026
چۆنێتی خواردنی ناوكەكان و تۆوەكان و پاقلەمەنی
شێوازی ئامادەكردنی خۆراكی ڕۆژانە زۆر گرنگە بۆ تەندروستی ، چونكە بە هەڵە خواردنی ناوكەكان و ....دەبێتە هۆی دروست بونی ئازار و غازاتی زۆری ناوسك و بەشێوەیەكی كەم لەش دەتوانێت ماددە بەسودەكانی ناو خۆراك هەڵبمژێت.
بوونی كانزاكان و ڤیتامینەكان و ئۆمێگا ٣ لەم بەرهەمانە سودێكی باش بە لەش دەگەیەنێت و دژی كاری زوو پیربونە .
خوساندنی خۆراك لەناو ئاو:
ناوكەكان وەكو ( بادام ، گوێز، ناوكە كولەكە ، گوڵە بەڕۆژە، ناوكی قەیسی) وە تۆوی ( كونجی) وە پاقلەمەنیەكان ( فاسۆلیا ، نۆك، نیسك) دەبێت پێش كوڵاندنیان بخوسێنرێن لەناو ئاودا بۆ ماوەیەك چونكە بەمكارە پڕۆگرامی خودایی بۆ ناوكەكان وادەزانێت كە كاری چاندن و ڕواندن دەستی پێكردوە وە ئەو ماددانەی كە بەرگری لێدەكەن بە چالاك كردنی چەند ئەنزیمێك لە كاریان دەخات و دەری دەكاتە دەرەوە كە خواردنی ئەو ماددانە ڕێگر دەبن لە هەرسكردنی خۆراك و هەڵمژینی كانزاكان لەلایەن ڕیخۆڵەوە و دەبنە هۆی ئازار و غازاتی ناوسك و كەم سودوەرگرتن لە بەرهەمەكانی ڕووەكی .
لەدوای كاری خوساندن دەبێت بەجوانی ناوكەكان بشۆرێتەوە. وە ئاوەكەی بڕژێێنرێت
كاتی پێویست بۆ خوساندن:
ئەم بەرهەمانە بە ووشككاوی پێویستیان بەم كاتەیە بۆ خوساندن بەڵام بە تەڕی بە گشتی ١-٢ كاتژمێر لەناو ئاودا دابنرێن كافیە.
فاسۆلیا ( سپی، سوور، ڕەش) : ٨-١٢ كاتژمێر
نۆك: ٨-١٢ كاتژمێر
نیسك : ٢-٤ كاتژمێر
لۆبیا: ٨-١٢ كاتژمێر
پاقلە: ٨-١٢ كاتژمێر
كونجی : ٢-٤ كاتژمێر
بادام : ٨-١٢ كاتژمێر وە دەبێت توێكڵەكەی پاك بكرێت
گوێز : ٤-٦ كاتژمێر
ناوكە كولەكە : ٤-٨ كاتژمێر
گوڵەبەڕۆژە : ٤-٦ كاتژمێر
تۆوەكانی وورد كە وەكو بەهاراتی خۆراك بەكار دەهێنرێت وەكو ( كەتان ، شیا ، ڕەشكە ...) پێویست ناكات بكرێنە ناو ئاو ، تەنها تۆوی كەتان و ڕەشكە دەبێت وورد بكرێن پێش خواردنیان.
چەند شێوازی یارمەتیدانی كاری خوساندن:
تێكردنی كەمێك (خوێ) بۆ ناو ئاوەكە كاری خوساندنی خۆراك ئاسان دەكات .
زیادكردنی كەمێك (ئاو لیمۆ یا سركە) لەكاتی كوڵاندن ( نەك پێش كوڵاندن) كارێكی باشە.
سوركردنەوە و گەرم كردن و سوێركردن
چەرەزات تۆوەكان بەم كارە تامیان خۆشتر دەبێت بەڵام هەندێك ماددەی سودبەخش لەناو دەچێت وە مەترسی هەیە لە زۆر خوێخواردن و زەیتی خراپ بۆ بەرزكردنەوەی پەستانی خوێن
و نەخۆشی گیرانی بۆریەكانی خوێنی دڵ و مێشك .
