05/10/2022
پێش چهند رۆژێك دكتۆر عهلی جهباری، لهناو فرِۆكهیهك دهبێت و بهرهو سلێمانی دهگهڕێتهوه، لهپڕ له فڕۆكهكهدا داوای دكتۆرێك دهكرێت، باری تهندروستی سهرنشینێكی فڕۆكهكه لهمهترسیدایه، دكتۆر عهلی بهدهنگیانهوه دهچێت و دهتوانێت سهرلهنوێ دڵی ببووژێنێتهوهو بهئاسانی دهكهوێتهوه ههناسهدان، پاشان ئۆكسجین بۆ دهبهستن.
ههر له فڕۆكهكهدا جارێكی دیكه ژنه گهنجهكه، دووباره دڵی له لیدان دهكهوێتهوه ، دكتۆر عهلی جارێكی دیكهش دهستبهرداری نابێتهوه . بۆ جاری دووهم دڵی دهبووژێنێتهوهو ههر یهكسهریش داوا له تیمی فڕۆكهكه دهكات ، له فڕۆكهخانهكهی نێودهوڵهتی سلێمانی ، ئهمبوڵانس ئاماده بكرێت، بۆ ئهوهی بهزووترین كات ، ههر یهكسهر له فڕۆكهخانهوه بۆ نهخۆشخانهی بووژانهوهی دڵ بگوازرێتهوه .
پاش دابهزینی فڕۆكهكه، ژنه گهنجهكه ههڵدهستێتهوهو دهستی كیژه چكۆلانهكهی دهگرێت و بهرهو دهرگای فڕۆكهكه دهڕوات، وهك دكتۆر عهلی دهڵێت، ئهم دیمهنه، به گهورهترین خهڵات دهزانم، كاتێك دایك دهبینێت دهستی خستۆته ناو دهستی كیژه بچكۆلانهكهیهوه.
