29/10/2025
السلام عليكم
اليوم حابين نذكر كم معلومه مهمه تخص أورام الث*ي
-من ياعمر نبدي الفحص الدوري؟؟
الجواب : اذا المرأه ماعدها اي تاريخ عائلي للمرض نبدي من عمر ال٤٠ فحص دوري مع فحص السونار والماموكرام كل سنهً 🌹🌹
بس اذا كانت المرأه الها تاريخ عائلي بااورام الث*ي او أورام المبايض هنا لازم تبدي من عمر مبكر ويفضل من عمر ال٢٥ سنه تفحص ذاتيا معً اجراء فحص السونار
-ليش دكتور تبدي من وقت مبكر؟؟
الجواب : حتى نتجنب العامل الوراثي اللي ممكن يكون السبب في ورم الث*ي ولهذا اكو كم نوع من الاورام بيه الفحص الدوري ضروري من عمر مبكر اذا اكو تاريخ عائلي للمرض مثل اورام الث*ي والقالون وراح نحجي عنها بالتفصيل بالبوستات القادمه ان شاءالله🌹🌹
-دكتور زين شنو هو الماموكرام واكدر اسويه من عمر ال٢٥؟؟
جهاز الماموكرام هو جهازً الكشف عن أورام الث*ي بالاشعه السينيه وحقيقه شافو نسبة الاشعاع كلش بسيطه ومتأثر ابد
ليش نسويه بعد عمر ال٤٠ لان هنا يكون كثافه نسيج الث*ي أقل من عمر العشرينات وبالتالي تكدر أشعه جهاز الماموكرام الكشف عن اي كتله بصوره اوضح🌹
-دكتور اذا عندي تاريخ عائلي بالمرض يصير ارفع الث*ي حتى لو ماعندي كتله؟؟
الجواب: بصراحه أحنه منستعجل بهيجي خطوه لان المرأه راح تعاني من حاله أحباط اذا رفعنه جزء مهم من جسمها فلهذا عدنا هوايه فحوصات جينيه ومختبريه قبل هيجي قرار بس ممكن اذا فحص BRACA الجيني واللي راح احجي عنه بالبوست القادم بااذن الله دليل على ضروره رفع الث*ي للوقايه من مستقبل ورم الث*ي..
حياتج تهمنه فقبل اي خطوه استشيري طبيبج 🌹🌹
ويارب الصحه والعافيه للجميع
أخوكم د.أحمد الاسدي
