عيادة الدكتورة ندى يوسف الصائغ للامراض الجلدية والليزر
اختصاص بالامراض الجلدية والزهرية
وتجميل وجراحة الجلد
والعلاج بالليزر
شهادة البورد العراقي بالامراض الجلدية
02/11/2025
💫جلسة الفيكورت مكس 💫
✨️المقشر الكيميائي الأول عالميا لمعالجة تصبغات المناطق الحساسة مع الكريم المفتح والمرطب المكمل للجسلة للحصول على افضل النتائج 💯💯
✨️النتيجة من اول جلسة تفتيح وتحسين ملمس الجلد لان يتميز المنتج بتقشير الجلد بلطف وأمان بدون آثار جانبية
✨️احجزي جلستج و ودعي التصبغات 🤍🤍
📍 للحجز الاتصال على رقم العيادة ٠٧٨٢٨٨٢٢٠٩٤
22/10/2025
⚡️التهاب الجلد والليزر ⚡️
🔹️مراجعة تشكي من احمرار وحكة بالجلد بعد الفحص المريضة تعاني من فطريات والنقطة الأهم كانت بحالتها انه الحالة صارت أسوء بعد جلسة ليزر إزالة الشعر .
🔹️طبعا بالسؤال عن مكان اجراء جلسة الليزر والاعراض قبل الجلسة كان الجواب ليس في عيادة طبية والحالة قبل الليزر توصفها المراجعة احمرار بمنطقة صغيرة بالجلد .
⬅️ معناها من البداية المريضة كانت تعاني من الفطريات وبعد الجلسة صارت أسوء .
✳️ زين يصير اسوي جلسة ليزر واني مصابة بفطريات الجلد لان صار موعد الجلسة؟
💢 لا طبعا لان اي التهاب بالجلد (فطري ،بكتيري او فايروسي ) لايجوز اجراء جلسة ليزر ازالة الشعر الا بعد شفاء الجلد .
والسبب انه الليزر يجعل الالتهاب اسوء مع زيادة احتمالية انتشار العدوى .
♦️اي احمرار او ظهور حبوب تظهر على الجلد يجب الجلد يفحص من قبل الطبيب لتشخيص الحالة قبل اجراء جلسة الليزر
✳️ هل جلسات الليزر آمنة 🤔🤔
♦️جلسات الليزر ليست آمنة تماما وبدون مضاعفات في حالة اجراءها من قبل غير الأطباء بالاضافة الحذر من الاماكن الي تقدم خدمات علاجية وتجميلية ولاتراعي إجراءات التعقيم وتبديل الاغطية لكل مريض
💫 الحجز عن طريق الاتصال على رقم العيادة ٠٧٨٢٨٨٢٢٠٩٤
✨️امنياتنا لكم بدوام الصحة والعافية
#ليزر #تجميل
27/06/2025
💫حب الشباب وعلاجاته 💫
اهم نقطة بعلاج حب الشباب هو الالتزام ✅✅💯💯💯
🔥🔥من اجل نحصل استجابة والمريض يبدي يتعافى اقل مدة نبقى على العلاج من ٣ الى ٦ اشهر 💊💊💊وبعض الحالات تحتاج نعيد الكورس العلاجي من جديد او نغيير العلاجات حسب استجابة المريض ( اي مريض ياخذ علاج لمدة قليلة لا يتوقع يحصل نتائج زينة 🙅♀️🙅 لازم يكمل الكورس العلاجي )
🔥🔥🔥السبب بالتأكيد على العلاج للمريض المصاب بحب الشباب لان المرض يترك اثار وندب .
اذا كانت الاثار على شكل تصبغات او احمرار بعد الشفاء ممكن تخف تدريجيا مع الوقت مع اعطاء العلاج المناسب لكل الحالة .
لكن المشكلة الاكبر هي الندب(الحفر) 😭😭🤦♀️🤦♀️ لان المريض يريد يرجع وجه صافي وبدون ندب علاجه يكون جلسات ممكن تقشير كيميائي او سيكرت او ليزر وحسب حالة المريض يكون قرار اختيار التداخل وعدد الجلسات .
🌹🌹🌹 وبالنهاية اذا قريت المنشور وكنت مصاب بحب الشباب التزم بالعلاج او كنت ام او اب وعندك ابن او ابنة مصابة بحب الشباب شجعهم على الالتزام بالعلاج لان الالتزام اسهل واقل تكلفة
(مقارنة بتكلفة الجلسات لعلاج ندب حب الشباب) وافضل لصحة المريض النفسية (خاصة بعض المرضى ينقهر كل ما يشوف نفسه بالمراية وعنده اثار وندب حب الشباب) .
✨️ للحجز الاتصال على رقم العيادة ٠٧٨٢٨٨٢٢٠٩٤ او إرسال رسالة على الواتس أب .
#سيكرت #ليزر #تقشيركيميائي
07/06/2025
✨️عيد الاضحى المبارك ✨️
كل عام وانتم بالف خير
اعاده الله عليكم باليمن والبركات
وقبول الطاعات
وتحقيق الأمنيات 🙏🙏🙏
20/04/2025
💫 مسمار القدم 💫
⚡️تثخن بالجلد يصير نتيجة الاحتكاك او الضغط بمكان معين بالقدم ويسبب الم أثناء المشي🚶♂️ 🚶♂️.
⚡️اهم سبب لحدوثه هو لبس حذاء بمقاس غير مناسب وضيق👠👠 .
⚡️العلاج
✨️ اهم خطوة بالعلاج هو التخلص من السبب ولهذا ضروري جدا لبس احذية مقاسها مناسب ومريحة👟👟🥿🥿 (يعني من اختار حذاء مو فقط شكله حلو اهم شي يكون مريح والا الحالة ممكن تتكرر🥹🥹) .
✨️علاجات موضعية او لصقات مخصصة 🩹🩹لعلاج الحالة .
✨️العلاج التداخلي بازالة مسمار القدم .
✨️احيانا يحدث مسمار القدم بسبب وجود خلل بالعظم ( وجود نتوء عظمي ) وهذا يحتاج علاج تداخلي من قبل الطبيب المختص لعدم تكرار الحالة .
🔺️ نقطة مهمة
فالول القدم مرض فايروسي معدي يشبه مسمار القدم اغلب الاحيان المريض يتركه الا ان ينتشر
( يظن المريض انه مسمار ) وهذي الحالة تحتاج طبيب جلدية مختص لتشخيص الحالة من البداية .
☘️امنياتنا لكم بدوام الصحة والعافية
⬅️ الحجز الاتصال على رقم العيادة ٠٧٨٢٨٨٢٢٠٩٤ او إرسال رسالة على الواتس أب.
31/03/2025
🌙 عيد الفطر المبارك 🌙
كل عام والفرح يطرق أبوابكم كل عام وأنتم ممتلئين بشعور العيد السعيد ونعمة الله وفضله
تقبل الله طاعتكم وكل عام وانتم الى الله أقرب
01/03/2025
🌙 رمضان كريم 🌙
اعاده الله علينا وعليكم بالخير واليمن والبركات وتقبل الله منا ومنكم صالح الأعمال 🙏🙏
02/01/2025
🌟 الخلطات التجارية لمعالجة أمراض الجلد 🌟
✴️ انتشار الترويج لمنتجات معالجة مشاكل الجلد هالفترة على جميع مواقع التواصل الاجتماعي🤳🤳 وكيفية علاجها لكل الامراض ( مع الضمان لبشرة خالية من الحب والتصبغات والبقع وإعطاء النضارة وتبيض وتوريد البشرة و...ومعالجة التجاعيد )🙄🙄🙄
⏪️ كل هذي المنتجات نتائجها❌️ سلبية على البشرة❌️ وتظهر مضاعفاته مثل حب الشباب الدوائي وضمور الجلد وتوسع الأوعية الدموية وداء الوردية الى ان تصل في بعض الحالات التعود والشعور بوخز او حرقة بالوجه بحالة ترك هذي المنتجات .
اما علاج مضاعفات هذي المنتجات راح يستمر مدة مو قليلة😢😢 .
✅️ ماكو منتج يعالج كل مشاكل الجلد وكل مرض يحتاج خط علاجي مختلف .
✅️ حافظوا على صحة بشرتكم والابتعاد عن شراء مثل هذي المنتجات وطلب استشارة طبية من طبيب اختصاص جلدية في حالة وجود مرض .
للحجز الاتصال على رقم العيادة ٠٧٨٢٨٨٢٢٠٩٤ او مراسلة الصفحة .
01/01/2025
🌟 بسمك اللهم نبدأ عام جديد ،نخوض دروبا جديدة
اجعلها يا الله بداية خير ،آملين ان لا نضل ولا نتعثر .
عام احلى من اللذي فات رزق و سعادة ورضى وجبر خواطر يا كريم 🙏🙏🙏
وكل عام وانتم بالف خير 🎉🎉🎉
27/12/2024
⚡️الحيوانات الاليفة سبب اصابتنا بالفطريات ؟!⚡️
🔺️انتشر بالفترة الأخيرة الإصابة بعدوى فطرية تعرف بسعفة الجلد ويكون اكثر من فرد بالعائلة يعاني من هذا المرض.
🔹️ المرض ممكن يحدث بسبب عدوى من الحيوان .
▫️دكتورة ما معقولة بزونته حلوة ونظيفة🐈🐈🐱🐱 وماخذيها ملقحة💉💉(♦️اللقاحات للحيوانات معناها ما تعدي هذا الكلام غير صحيح لان ماكو لقاح مخصص يحمي الحيوان من الإصابة بالفطريات ولهذا تعتبر هي من مصادر العدوى للانسان)
🔹️عيني تريدون تطيبون
▫️طبعا دكتورة والحل شنو ؟
🔹️ التشخيص كلش مهم لان مرات المرضى مايراجعون طبيب اختصاص جلدية من البداية ويستخدمون علاجات هي تسببت بانتشار المرض ولازم نستمر على الفترة الي يوصينا بيها الطبيب وما نكطع العلاج بكيفنا .
▫️زين دكتورة أخذنا العلاج 💊 💊 وصارلنا مدة وبعدنا ماطبنا 😔😔
🔹️اما بسبب اكو حالات معندة (استجابتها غير جيدة للعلاج ) وهذا يحتاج استشارة طبية مرة ثانية لان ممكن الطبيب يغير النا العلاج الى ان نوصل مرحلة الشفاء
⏪️او واريدكم تهتمون بهذا الكلام مصدر العدوى موجود ولهذا المفروض كل أفراد العائلة المصابين يتعالجون ونتخلص من مصدر العدوى .
✴️اذا مصدر العدوى حيوان شلون نتخلص من عنده 😓😓طبعا الاغلب مايرضون والكلام مالت البنات (دكتورة بزونتي لو تشوفيها تخبل 😢😢،دكتورة ما أكدر اعيش بدونها 🫣🫣)
✅️✅️الحل انه الحيوان يتعالج وياكم وتاخذوا على طبيب بيطري .اما اذا حيوان بالشارع فلازم اوصي ابنائي بعد ابد ماكو ملامسة .
⏪️واهتم بنظافة الملابس والاغطية والمشط ما اشاركهم وية الآخرين لان كلها ممكن تكون مصدر للعدوى .
للحجز الاتصال على رقم العيادة ٠٧٨٢٨٨٢٢٠٩٤ او مراسلة الصفحة .
03/11/2024
❌️ مصطلح خبيرة تجميل ❌️
⬅️ قصة المنشور لحالة واتمنى ما تتكرر لشابة عدها مرض وراثي احد الأعراض الي يعاني منها المريض تصبغات بالجلد مراجعة خبيرة تجميل لعلاج الحالة وكان العلاج جلسات لعلاج التصبغات وطبعا ماكو اي نتيجة وبعد ما كملت ٥ جلسات ومبلغ الجلسات كان مبلغ مو طبيعي وما يطلبها اي طبيب اختصاص لعلاج التصبغات والنتيجة ماكو اي فائدة ولا واحد بالمية زين ليش وية هذا المبلغ والجلسات المتكررة وماكو اي نتيجة وليش الوعود باختفاء المرض ما صار ؟
الجواب ببساطة هو مرض وراثي وهذي الجلسات ما
تفيد .
⬅️ من عدنه اي مرض ونحتاج علاج اهم نقطة التشخيص وبعدها نكتب العلاج او نسوي تداخل حتى اما المريض يشفى تماما او تتحسن الحالة هذا من نروح لطبيب اختصاص بغض النظر عن شنو هو المرض .
اما ان نروح لعلاج مرض لشخص يسموها (خبيرة تجميل🤦♀️🤦♀️ )ما دارسة طب وما تعرف المرض شنو واخذ رأيها وتسويلي تداخل لعلاج حالتي لان هي معروفة على السوشيل ميديا ومتابعيها بالالاف او تتواجد بمكان يقال عنه بمركز تجميل هذا الحال الي وصله بعض الناس شنو سببه !!!!؟؟؟؟
✅️ ✅️ اذا عندك مرض وراجعت طبيب وطلبت الاستشارة احيانا اكو مرضى ما يقتنعون بكلام الطبيب او علاجه ولو هو كل طبيب يحاول يقدم افضل ما عنده وحسب علمه لمراجعيه الحل شنو اراجع طبيب ثاني من نفس الاختصاص واكرر نفس الاختصاص واخذ رأيه .
اما ان التجأ لشخص مو طبيب ويسويلي تداخل لعلاج حالتي بأسم التجميل حتى التداخلات التجميلية هي تداخلات طبية يجب أن تكون بإشراف طبيب اختصاص لان بالبداية اعرف شنو الي عندي وهل اني احتاج هذا التداخل او لا واذا احتاجه هل اكو اعراض جانبية بحيث لا سامح الله اذا صارت عندي يكدر الطبيب يعالجني .
✅️ صحتكم خلي تكون غالية عليكم ومو اي شخص بالسوشيل ميديا يطلع اتابعه واثق فيه واخذ كلامه لان اغلب الي يتكلمون بصحة الجلد والأمراض الجلدية اصلا مو أطباء اختصاص .
🔹️ يرجى مشاركة المنشور لزيادة الوعي وهذي مسؤولية مو فقط الأطباء مسؤولية كل شخص عنده فهم و وعي حتى مايخلي شخص ثاني مثل هذي الشابة تكون ضحية .
Be the first to know and let us send you an email when عيادة الدكتورة ندى يوسف الصائغ للامراض الجلدية والليزر posts news and promotions. Your email address will not be used for any other purpose, and you can unsubscribe at any time.
