21/10/2025
هەندێکجار نەخۆش پێی وایە کە وتت #گەشکە :واتە پێویستە نەخۆشەکە لەهۆش خۆی بچێت و ببێتەهۆی هەڵگەڕانەوەی چاو و ڕاتەکاندنی دەست و قاچەکان و ژێرخۆتەڕکردن و گەستنی زمان.
بەڵام لەڕاستیدا هەندێک جۆری گەشکە هەیە کە تەنها ئەبێتە هۆی جوڵەیەکی نائاسایی کورت خایەن لە بەشێکی دیاریکراوی جەستەدا (وەک دەست و قاچەکان ، یان ڕوخسار).
بۆیە هەر جوڵەیەکی خۆنەویست و نائاسایی کە چەندجارێک دووبارە ببێتەوە، پێویستە بەهەند وەربگیرێت و پشکنینی تەواوی بۆ بکرێت بۆ دڵنیابوون لەوەی کە ئایا گەشکەیە یان نا.؟
#وێنەکان چیرۆکی نەخۆشێکە، ماوەیەکە ناوبەناو دەستەکانی بۆ چەند چرکەیەک دەلەرزین و بێهێزدەبوون و لە چەند دەقەیەکدا هەموو شتێک ئاسایی دەبووەوە.
پاش پشکنین و وێنەی موگناتیسی ، دەرکەوت کە #گرێیەکی گەورەی #مێشک و ژێر کاسەی سەری هەیە، ئەوەش بووبووە هۆی فشار لەسەر مێشک و دروستبوونی گەشکەکەی.
گرێکە نوسابوو بە دوو خوێنبەری سەرەکی مێشکەوە، و بەهۆی قوڵی شوێنی گرێکە و هەستیاری ئەو ناوچەیەی مێشکەوە، لابردنی گرێیەکی لەو شێوەیە بە تەواوی و بە سەلامەتی کارێکی سەخت و دژوارە.
پاش نەشتەرگەریی و لابردنی هەموو گرێکە بەسەلامەتی، سوپاس بۆخوا هەمان ڕۆژ نەخۆشەکە لەسەر پێی خۆی گەڕا و پاش دوو ڕۆژ بەتەندروستیەکی زۆر باشەوە نەخۆشخانەی بەجێهێشت.
د.نەشئەدین عزیز :: پسپۆڕی نەشتەرگەریی مێشک و فەقەرات و دەمارەکان
سلێمانی - نەخۆشخانەی ئینتەرناشناڵ
جادەی تویمەلیک - نزیک فلکەی کاوەی ئاسنگەر
07703110404
07740876001
07502302621
