https://www.facebook.com/494186490663992/

بەڕێوەبەرایەتی گشتی تەندروستی ڕاپەڕین

Home
Iraq
Rania
بەڕێوەبەرایەتی گشتی تەندروستی ڕاپەڕین

Formal page of General Health Directorate of Raparin

11/04/2026

ئاگاداریەک لەخۆپاراستنی تەندروستیەوە بۆ سەرجەم فرۆشگای خوێندنگاکانی سنورەکەمان.

وەک چاودێری تەندروستی ڕاپەڕین لەپێناو تەندروستی قوتابیان وخوێندکاران بەپێویستی دەزانین سەرجەم خاوەن فرۆشگای ناوەندەکانی خوێندن ئاگاداربکەینەوە، پێویستە سبەینێ لەدەسپێکی دەوام سەرجەم کاڵاوخواردن و خواردنەوەکانیان چێک بکەنەوەو ئەوانەی لەرووی بەروار بەسەرچوون یاخود تام و بۆن و شێوەیان گۆڕاوە لەفرۆشگاکان نەیفرۆشن و جیای بکەنەوەو ڕادەستی ئێدارەی ناوەندەکانی خوێندن بکرێن بەپێچەوانەوە خۆیان بەرپرسن لەکاتی چوونی لیژنەکانمان .
لەگەڵ ڕێزدا..

بەڕێوبەریەتی خۆپاراستنی تەندروستی ڕاپەڕین

10/04/2026

سوپاس و پێزانین ئاراستەی دووکارمەندی سەنتەری گورچیلەی دەستکرد دەکرێت.

بەڕێوەبەری گشتی تەندروستی ڕاپەڕین بەڕێز( د. سەفەر حسن) سوپاس و پێزانین و دەستخۆشی ئاراستەی بەڕێزان (دڵشاد حوسێن و ڕێبوارحسێن ) کارمەندانی سەنتەری گورچیلەی دەستکردی ڕاپەڕینکرد لەبەرامبەردڵسۆزیان لەخزمەتکردنی کەرتی تەندروستی هاوڵاتیانی سنورەکەمان.

بەشی ڕاگەیاندن

09/04/2026

کورسیەکی ددان و ئامێرێکی پزیشکی بۆمەڵبەندی تەندروستی شکارتە دابینکراو کۆمەڵێک پێداویستی تریشیان بۆ جێبەجێدەکرێن.

لەچوارچێوەی هەوڵەبەردەوامەکانی بەڕێوەبەرایەتی گشتی تەندروستی ڕاپەڕین بەڕێز د. سەفەر حسن بەڕێوەبەری گشتی تەندروستی و ستافی بەڕێوەبەرایەتیمان سەردانی مەڵبەندی تەندروستی شکارتەیانکرد لەناحیەی بێتواتە ، لەسەردانەکەدا گوێ لەستافی بەڕێوەبردنی مەڵبەندەکە گیراو بڕیاردرا کۆمەڵێک پێداویستی گرنگی مەڵبەندەکە جێبەجێبکرێن سەرەڕای دابینکردنی ئامێرێکی پزیشکی گرنگ و کورسیەکی ددانبۆمەڵبەندەکە کە دەبێتە هۆی خزمەتی زیاتری هاوڵاتیانی سنورەکە.

بەشی ڕاگەیاندن

08/04/2026

بۆیەکەمجار ژمارەیەک پشکنینی گرنگ لە مەڵبەندە تەندروستیەکانی سنورەکە ئەنجام دەدرێت

لەچوار چێوەی هەوڵە بەردەوامەکانی بەڕێوەبەرایەتی گشتی تەندروستی ڕاپەڕین بۆ باشترکردنی خزمەتگوزاریە تەندروستیەکان بەڕێوەبەرایەتی گشتی تەندروستی ڕاپەڕین ٦ ئامێری دابینکرد بۆ ژمارەیەک ناوەندی تەندروستی سنورەکەمان.

ئەم ئامێرە کە تایبەتە بە شیکاریە کیمیاییەکان بەنمونە بۆ شیکاری ( چەوریەکان و کارکردنی گورچیلەکان و ئەنزیمەکان و خوێیەکانی جەستە ) و چەندین شیکاری تری پێدەکرێت

١. مەڵبەندی تەندروستی شەهید ملانەجم لە سەروچاوە
٢. مەڵبەندی تەندروستی خدران
٣. مەڵبەندی تەندروستی سەرکەپکان
٤. مەڵبەندی تەندروستی کێوەرەش
جێگەی ئاماژەیە بۆ یەکەمجارە ئەو شیکاریە کیمیایانە لەو ٤ مەڵبەندی تەندروستیە ئەنجامبدرێت.

هەروەها بە هۆی زۆری نەخۆش و پێویستیان بەئامێری تازە ٢ ئامێر دابینکرا بۆ نەخۆشخانەی فێرکاری منداڵان و لەدایکبوون لە رانیە و نەخۆشخانەی شەهیدانی قەلادزە

بەشی ڕاگەیاندن و پەیوەندیەکان

07/04/2026

ژمارەیەک نۆرینگە داخران و غەڕامەکران.

ئەمڕۆ سێ شەممە بەرواری ٧/٤/٢٠٢٦ دوای دەوامی فەرمی بەشی پشکنین و بەدواداچوون بە ئامادەبوونی نوێنەری بەڕێوەبەرایەتی ئاسایشی ڕاپەڕین و نوێنەری سەندیکا پەیوەندی دارەکان، لە قەزای قەلادزێ چەند شوێن کارێکی تەندروستیان بەسەرکردەوە ، دوای سەردانی کردن و بەدواداچوون بڕیار درا:-

١/ هەریەک لە تاقیگەی ددانی ( H.dent و Advanced و ڕاپەڕین و چیادۆست) داخران و پێبژاردنیان بۆ کرا بەهۆی ئەوەی وەک پزیشکی ددان کار دەکەن و مۆڵەتی پزیشکانی ددانیان نیە.

٢/ تاقیگەی نوێ:- داخستن و پێبژاردنی بۆ کرا بەهۆی بونی موادی ماوەبەسەر چوو.

٣/ نۆرینگەی دارین:- ئاگادار کردنەوە و پێبژاردنی بۆ کرا بەهۆی بونی دەرمانی بێ ستیکەر

داواکارین لە هاوڵاتیانی سنورەکەمان بە وریایەوە شوێنی چارەسەریە پزیشکیەکانیان هەڵبژێرن و دڵنیابن لە بونی بروانامە و پابەند بوونیان بە ڕینمایەکانی وەزارەتی تەندروستی
هەروەها داوا لە هاوپیشەکانمان دەکەین پابەندبن بە ڕێنمایەکان

05/04/2026

ئامێرێکی تاقیگەیی گرنگ و پێداویستیەکانی بەشی ددان بۆ مەڵبەندی تەندروستی سەروچاوە دابینکران.

بەڕێوەبەری گشتی تەندروستی ڕاپەڕین بەڕێز د. سەفەر حسن بە یاوەری ستافێکی بەڕێوەبەرایەتیمان سەردانی مەڵبەندی تەندروستی شەهیدمەلانەجم ی کرد لەشارۆچکەی سەروچاوە لەسنوری ناحیەی بێتواتە و لەنزیکەوە بەدواداچوونی کاروباری ڕۆژانەی مەڵبەندەکەیانکردو گوێبیستی ڕاوسەرنج و داواکاری ستافی بەڕێوەبەرو کارمەندانبوون تایبەت بەپێشخستنی زیاتری خزمەتگوزاریەکانی تەندروستی لەسنورەکە .
هەرلەوچوارچێوەیەشدا ئامێرێکی گرنگی تاقیگەو پێداویستیەکانی بەشی ددان بۆ مەڵبەندەکە دابینکران بۆخزمەتی هاوڵاتیانی سنورەکە

بەش ڕاگەیاندن.

04/04/2026

سەنتەری نەخۆشیەكانی مەمك ڕاپەڕین

پزیشکێکی پسپۆڕی نەخۆشیەکانی مەمک چەند ڕێنمایی گرنگ بۆخانمان و چۆنیەتی دەستنیشانکردنی نەخۆشیەکانی مەمک دەخاتە ڕوو.

04/04/2026

ئــــاگـــــاداری ...
ئەو نەخۆشانەی کە دەرمانی درێژخایەن وەردەگرن تایبەت بە چاندنی گورچیلە و چاندنی جگەر ، داواکارین سەردانی دەمانخانەی سەنتەرەکەمان بکەن بۆ مەبەستی وەرگرتن کە بۆیان دابینکراوە ، ڕۆژی یەک شەمە واتە بەرواری( ٥ / ٤ / ۲۰۲٦ ) ئەمەش دەرمانەکانن
۱. حب پروگراڤ
۲. حب سیل سیپت
۳. شراب ساندیمم
٤. حب بردزولین

هیوای تەندروستی باش بۆ هەموولایەک

سەنتەری گورچیلەی دەستکر لەڕاپەڕین

03/04/2026

نەخۆشخانەی فێرکاری شەهیدانی قەڵادزێ
487 نەشتەرگەری کراوە

لە سێ مانگی سەرەتای ئەمساڵ (٢٠٢٦) لە هۆڵی نەشتەرگەری نەخۆشخانەی فێرکاری شەهیدانی قەڵادزێ (٤٨٧) نەشتەگەری جۆراجۆر لە گەورە و بچووک ئەنجامدراوە لە لایەن پزیشکانی پسپۆڕی نەشتەرگەری نەخۆشخانەکەمان و لە ژێر چاودێری پزیشكی پسپۆڕی بێهۆشکاری و چاودێری وورد و ستافی کارمەندانی هۆڵی نەشتەرگەری ،
دەستیان خۆش بێت و ماندوو نەبن
هیوای سلامەتیش بۆ نەخۆش و هاوشاریانی بەڕێز دەخوازین

01/04/2026

بەڕێوەبەری گشتی تەندروستی ڕاپەڕین بەڕێز د. سەفەر حسن سوپاس و پێزانین و دەستخۆشی ئاراستەی بەڕێز د. ڕێباز حسێن
سەرپەرشتیاری گشتی پزیشکانی خولاو و پلەبەند لەسنورەکەمانکرد لەبەرامبەر دڵسۆزی و خزمەتکردنی هاوڵاتیان و سەرپەرشتیکردن و لە ئەستۆگرتنی کاروباری پزیشکانی خولاو پلەبەند ، هیوای سەرکەوتنی بۆدەخوازین

31/03/2026

بەشی پشکنین و بەدواداچوونی بەڕێوەبەرایەتیمان سەردانی سەنتەری گورچیلەی دەستکردی ڕانیە و کۆگای سەرەکی دەرمان و پێداویستی ڕاپەڕینیانکردو دوای بەدواداچوون و ئاگاگادارکردنەوە.

ـ سەنتەری گورچیلەی دەستکرد سەرەڕای دەستخۆشی ، پزیشکی پسپۆڕ ئاگادارکرایەوە کەئامادەبوونی زیاتری هەبێ بۆ خزمەتی نەخۆشانی سنورەکە.

ـ کۆگای سەرەکی دەرمان و پێداویستی ڕاپەڕین ئاگادارکرایەوە کاری پێویست ئەنجامبدەن بۆ وەرگرتنی دەرمان و ڕێکخستنەوەو پێداویستی دەرمان و ئامێری پزشکی لەهە مووڕوویەکەوە.

سێ شەممە
31ـ3ـ2026

Address

Rania Highway
Rania
00964

Website

facebook.com

Alerts

Be the first to know and let us send you an email when بەڕێوەبەرایەتی گشتی تەندروستی ڕاپەڕین posts news and promotions. Your email address will not be used for any other purpose, and you can unsubscribe at any time.