عيادة الدكتورة نور عبد الامير الموسوي للسمع والتخاطب

19/08/2023

عرض خاص على جميع انواع البطاريات تخفيض ٥٠٪؜
يتوفر:
حجم ١٠
حجم ١٣
حجم ٣١٢
حجم ٦٧٥
السعر بعد التخفيض ٤٠٠٠للشيت الواحد يحتوي ٦بطاريات
شاركوا المنشور فضلاً وليس امراً لتعم الفائده

12/08/2022

السلام عليكم
من الحالات الشائعه بمشاكل النطق لدى الاطفال هي التلعثم او التأتأة
شرح مختصر للحالة :

06/07/2022

26/05/2022

الدوار الدهليزي او الدوار الحميد
اعراضه
علاجه

17/04/2022

رمضان كريم عليكم جميعاً مراجعينه الافاضل
متواجدين يومياً طيلة ايام الشهر الفضيل من الساعة الثالثه الى الساعة السادسه مساءًا
عدا يوم الخميس عطلة العيادة
مع تمنياتنا لكم بدوام الصحة والعافية

10/03/2022

بصمة الاذن او قالب الاذن من الخدمات التي توفرها العياده

10/03/2022

تتوفر لدينا افضل انواع البطاريات وملحقات السماعات

03/03/2022

ابنك / بنتك عدهم تاخر بالنطق بسبب الشاشات
ماعدهم تواصل بصري وياكم
مينتبهون من تصيحون اسمهم
كانوا يتكلمون سابقا ونسوا الكلام

هذا المنشور موجه الكم👇👇
الادمنز من البارحة يراسلوني كمية مخيفة من الرسائل تسأل عن البرنامج التدريبي الي انطيته للام لان اطفالهم نفس أعراض الطفل المذكور البارحة
فلان ماكدر اجاوب على كل الرسائل رح اسوي منشور عام للكل حتة تستفادون
ملاحظة مهمة جدا جداً
(( هذا تشخيص غير دقيق 100%)
الافضل تسالون مختص هو يشخص الطفل وينطيكم تمارين وعلاج مضبوط حسب حالة كل طفل بس تكدرون تكولون برنامج عام تطبقوه اذا نفس حالة الطفل المذكور رح يستفيد بنسبة كبيرة جداً

البرنامج معد حسب منهج منتسوري ودومان بشكل مبسط

🔴اول شي منع التلفزيون والتلفون نهائيا
🔴قطع الحلويات والعصائر والكيك واللانشون
🔴تنظيم نوم الطفل ينام مبكر قبل ساعة 10 او اقل اذا ممكن واكيد نكعد مبكرا

هسة نجي عالتدريبات

🔴الخروج يوميا للمشي سواء شارع حديقة منتزه بالمنطقة تفترون المهم مشي متواصل نبدا ب10 دقائق اذا الطفل يمل الى ان نوصل ساعة او أكثر يوميا ونزيد المسافة وسرعة المشي( من اهم العوامل الي تنشط الدماغ الاوكسجين الي يزيد بشكل كبير عند الحركة المستمرة والسريعة اهم شي مكان مفتوح مو مول مغلق)
اذا منكدر نطلع وصعبة فحديقة البيت او السطح لعب حركي عالي كرة قدم قفز اي شي يخلي يتحرك ويتنفس سريع)

🔴تدريب اللمس نجيب شي خشن مثلا سفنجة المواعين مو السيم لا الثانية ( اكيد تعرفوها ملونة احمر واصفر)
وشي ناعم مثل قطن او قطعة ملابس فرو
ونخلي الطفل يلمسهن عدة مرات باليوم مع تكرار خشن ناعم واذا نكدر نحصل تدرجات من ورق السنفرة بعد افضل ( رح اخلي رابط الفيديو بالتعليقات)

🔴 التدريب الثالث هو الكلام قصص ورقية مو بالتلفون او الشاشة او اليوتيوب
تحجون وية الطفل عن كلشي بالبيت بالشارع مطر حر برد نبات حيوانات بالبيت عن الفواكه الخضروات

🔴نخلي يشارك بأعمال المنزل يغسل فواكه خضروات ( يعضهم ويشمهم اي شي ونسمي الة حتة نستعمل اكثر من حاسة بنفس الوقت)
يمسح اخشاب وياج يرتب ملابس ينشر على الحبل
تنطي تلوين حتة لو باصبعه بعدين بالفرشة بعدين الوان باستيل

🔴لعب بالرمل ( نشتري نجانة صغيرة ونجيب رمل من اي انشائية ممكن نغسلة ونشرة بالشمس حتة يكون نظف ونخلي الطفل يلعب براحتة بالسطح بالحديقة كيفكم)
🔴 لعب بالطين الاصطناعي حتة لو مصنوع بالبيت شوية طحين وملح والوان غذائية

🔴خلي يلعب بالمي بالحمام ويدخل العابه ويغسلهن بفرشة وصابون ماطول اجة الصيف

هذا البرنامج حاولت ابسط المعلومات على كد ما اكدر حتة كل الفئات تكدر تفهمة وتستفيد منه

اذا الطفل واصل مراحل متقدمة من الحرمان البيئي رح يحتاج مختصين وهذا مو مجال تخصصي
( ارشح بشدة الست زينب الي تعرفوها باسم ام نايا )
هي مختصة بهذا المجال وحاصلة على شهادات تؤهلها للتدريب حسب منهج دومان وهي افضل شخص اعرفه بهذا المجال وحققت نتائج مبهرة مع الأطفال وعدها برامج ودورات للامهات تخليهم يدربون اطفالهم بالبيت تلكوها بكروب امهات عراقيات رح اخلي الرابط ايضا بالتعليقات

المنشور بسيط وخطوات واضحة اي طفل تعرفوه يعاني من حرمان بيئي بسبب الاهمال والشاشات تكدرون تطبقون هذه التعليمات وان شاء الله رح تلاحظون فرق من اول شهر
والي يكللكم العلاج بدواء وشراب فهذا ضحك على الذقون( قد يحتاج فيتاميات معينة بس حسب حالته وحسب ارشادات الطبيب او الاخصائي بعد عمل التحاليل اللازمة) بس يبقى التدريب هو الاهم والعامل الأساسي بتطور الطفل وعلاجه

أتمنى السلامة والشفاء لجميع اطفالنا

هذا رابط البرنامج للي يحب يشخص طفله وهل هو متأخر ام متطور بشكل جيد حسب مرحلته العمرية
للمهارات اللغوية والحركية الاجتماعية وغيرها

https://slpemad.com/2014/06/26/%D9%85%D9%88%D8%B3%D9%88%D8%B9%D8%A9-%D8%A8%D8%B1%D9%86%D8%A7%D9%85%D8%AC-%D8%A8%D9%88%D8%B1%D8%AA%D8%A7%D8%AC-%D8%A8%D9%88%D8%B1%D8%AA%D9%8A%D8%AF%D8%AC-%D9%84%D9%84%D8%AA%D8%AF%D8%AE%D9%84/amp/

03/03/2022

23/02/2022

يحدث انزعاج و طنين بالاذن في بعض الاشخاص نتيجة التعرض لاصوات عاليه... العلاج و التقليل من حدوثه يتم ببعض الادويه و الفيتامينات #الطنين #السمع #شر...

29/01/2022

ابني ما يحجي
و نادرا ما يكون بنتي ما تحجي
او تاخر بالكلام
تاخر الكلام من الاشياء المقلقه للام و الاب و حتى الطبيب
السؤال الشائع هو ابني عمره سنتين او ٣ سنوات و ما يكول بس ماما و بابا و احيانا يكولهن بدون قصد و لا على التعيين
هل ابني فعلا متاخر في الكلام او لا ؟
الاجابة اي نعم متاخر طبعا
بس اريد تجاوبيني
لما تصيحيه يجاوبك ؟
هل ينفذ اوامرك ؟
لما تصيحيه يجاوبك ؟
لما يريد شغله ياخذ ايدك و يكولك اريد فلان شي و فلان شي ؟
عالكتله التلفزيون ٢٤ / ٢٤ ساعة ؟
اكو مشاكل بالولادة او بعدها؟
اكو تاخر ببقية الفعاليات مثل الجلوس او الوقوف او المشي ؟
ممكن هذا ينطينا فكرة عن سلوكيات الطفل النفسية و العصبية
⚫ صدك التلفزيون ياثر على الكلام؟
طبعا
عندي بوست طويل عريض عن هذا الموضوع و مؤكد بالبحوث النفسيه على مئات الاطفال
ملخصها انه تخلين طفلك مستلم فقط
يسمع اللي يكوله اله هذا الجهاز و بدون رد
بعد عليمن يحجي!!!
ماكو تلفزيون او شاشه تحت ١٨ شهر
انسوا
لا من ياكل و لا من يشرب و لا لاي حجه
راح يكولن مو كبرتوا و ما صار شي كالعادة
اي صح كبروا و ما صار شي
بس هل قبل مثل هسه دا تسمعون مشاكل نفسية عند الاطفال ؟
الجواب لا طبعا
لذلك بلا تلفزيون و بلا تلفون و لا ايباد تحت ١٨ شهر
نجي لعمر بعد ١٨ شهر
هذوله نكعد وياهم و نكوللهم شدا يصير و نسولف عن شنو دا يسولف التلفزيون
زائد نختارلهم محتوى تعليمي عالي
عدهم يكولون برنامج افتح يا سمسم النسخه الامريكيه
اللي هو يشبه جدا افتح يا سمسم العربي
🔵 هسه تاكدنا ان الطفل طبيعي و مجرد متاخر بالكلام
شنو اسوي؟
١. سجليه حضانة او روضه حتى لو عمره سنتين ليش لا
٢. استغلي كل مكان للكلام مع الطفل
٣. الطفل يتعلم من ابوه اكثر مما يتعلم من امه ابدي طلعات و استغل الطلعات بالكلام
٤. مع السلامه تلفزيون و موبايل و ايباد
٥. اوصفي كل شيء
هذه الطماطه حمرة
هذا القلم اسود
هذا البيت كبير
هذه السيارة اكبر
٦. لا تجاوبين من ياشر
كوليله اي ابني شتريد ؟
لح كلش كولي مدا افهم
لا تستجيبن للغة الاشارة او اخري الاستجابة
٧. اطلبي منه هوايه
افتح الباب
جيب المفتاح
اكعد
اوكف
اصعد
انزل
٨. غني
يحبون اللحن
غني الكلمات بلحن
٩. طلعه الشارع اكبر مجال تعليمي
هذا رجال
هذه سيارة
هذة شجرة
١٠. اختاري العاب محفزه للعقل مو العاب بس صوره او بس صوت و بدون اي محتوى تعليمي للطفل
المكعبات مثلا او الحزورات مثال اخر
١١. الدفاتر المصورة رائعه و هي عبارة عن دفاتر بيها صور حيوانات و اشجار و ارقام
د. سيف سمير البياتي
أخصائي طب الاطفال