نەخۆشخانەی گشتی شەهید ڕؤوف بەگ

05/04/2026

#پرسەنامە

دڵگرانین بەکۆچی دوایی ( ڕزگار نصرالدین مصطفی ) هاوسەری کارمەندمان خاتوو ( ڕوقیە محمد أمین ) لەهۆبەی فریاکەوتنی نەخۆشخانەمان .

پرسەو سەرەخۆشیی ئاڕاستەی بنەماڵەو خزم وکەس وکاری دەکەین و دواناخۆشی بنەماڵەکەیان بێت .

إناللە وإنا إلیە راجعون

نەخۆشخانەی گشتی شەهید ڕؤوف بەگ

05/04/2026

خشتەی پزیشکانی ڕاوێژکاری بەیانیانی
نەخۆشخانەی گشتی شەهید ڕؤوف بەگ
مانگی ( ٤ ) ی ساڵی ( ٢٠٢٦ ) زاینی

31/03/2026

سبەی چوارشەممە (1ی نیسانی 2026) پشووی فەرمییە

ڕۆژی چوارشەممە (1ی نیسانی 2026)، بەپێی ڕۆژژمێری فەرمیی حکوومەت و بەبۆنەی سەری ساڵی بابلی ئاشووری- بابلی کلدانی (ئەکیتۆ)، لە سەرجەم دامودەزگا فەرمییەکانی هەرێمی کوردستان پشووی فەرمی دەبێت.
هاوکات لە دامودەزگا خزمەتگوزارییەکاندا دەوام بەشێوەی ئێشکگری بەردەوام دەبێت.
ڕۆژی پێنجشەممە (2ی نیسانی 2026) دەوامی فەرمی دەست پێ دەکاتەوە.

فەرمانگەی میدیا و زانیاری - دائرة الإعلام و المعلومات

30/03/2026

28/03/2026

سبەی یەکشەممە (29ی ئاداری 2026) دەوامی فەرمیی ئاسایی دەست پێ دەکاتەوە

لە دوای تەواوبوونی پشووەکانی جەژنی پیرۆزی ڕەمەزان و جەژنی نەورۆز، سبەی یەکشەممە (29ی ئاداری 2026) دەوامی فەرمیی ئاسایی لە سەرجەم دامودەزگاکانی هەرێمی کوردستان، دەست پێ دەکاتەوە.
لەو چوارچێوەیەدا لە هەموو دامودەزگا فەرمییەکان، فەرمانبەران بە دەوامی ئاسایی خۆیانەوە بەتەواوی پابەند دەبن.

فەرمانگەی میدیا و زانیاری - دائرة الإعلام و المعلومات

26/03/2026

وەرزی بەهارو نەخۆشی پاقلە

ئامادەکردنی :
دڵشاد حمەسعید عبدالله
بایۆلۆجیست لە نەخۆشخانەی گشتی شەهید ڕؤوف بەگ

نەخۆشی پاقلەیان (Fasizm)
نەخۆشی پاقلە نەخۆشییەکی بۆماوەیی خوێنە، تێیدا جەستە ناتوانێت ئەنزیمێکی گرنگ بە ناوی (G6PD) بە بڕی پێویست بەرهەم بهێنێت،ئەم ئەنزیمە ئەرکی پاراستنی خڕۆکە سوورەکانی خوێنە لە تێكشکان،کاتێک کەسەکە پاقلە دەخوات یان بەر هەندێک دەرمان دەکەوێت، خڕۆکە سوورەکان تێکدەشکێن و کەسەکە تووشی کەمخوێنییەکی کتوپڕ دەبێ

١. هۆکارەکانی چالاکبوونی نەخۆشییەکە
​کەسی تووشبوو تا ئەو کاتەی بەر ئەم ماددانە نەکەوێت، ژیانێکی ئاسایی هەیە

ئەم نەخۆشییە گواستراوە نییە (واتا لە کەسێکەوە بۆ کەسێکی تر ناگوازرێتەووە)، بەڵکو لە ڕێگەی بۆماوەیی (Generic) لە دایک و باوکەوە بۆ منداڵ دەگوازرێتەووە، هۆکارە سەرەکییەکانی دەرکەوتنی نیشانەی نەخۆشیەکە بریتیەله

خواردنی پاقلە: چ بە کاڵی بێت یان بە کوڵاوی
بۆنکردنی گوڵی پاقلە لە هەندێک حاڵەتی توندد
هەندێک دەرمان وەک دەرمانی مەلاریا، هەندێک جۆری دژەبەکتریا (سولفا)، و ئەسپرین
هەوکردن و تووشبوون بە هەندێک ڤایرۆس یان بەکتریا دەبێتە هۆی تێکچوونی هاوسەنگی ئەنزیمەکە.

هەندێک جار بۆنکردنی خەنەو بەکارهێنانی بۆقژو دەست

٢. نیشانە باوەکان
کاتێک خڕۆکە سوورەکان تێکدەشکێن، ئەم نیشانانە دەردەکەون
زەردبوونی ڕەنگی پێست و سپێنەی چاو (نەخۆشی زەردویی).
تۆخبوونی ڕەنگی میز (بۆ ڕەنگی پرتەقاڵی یان کۆلا).
هەستکردن بە ماندوێتی و بێهێزییەکی زۆر.
تەنگەنەفەسی و خێرا لێدانی دڵ
بەتایبەت ئەم نیشانانە لەمناڵاندا توونتردەبن و پێویستەبەوردی چاودێری بکرێن
ئەگەر ڕێژەی کەمخوێنییەکە زۆر بوو، پێویستە نەخۆشەکە لەنەخۆشخانە بهێڵرێتەووە بۆ وەرگرتنی خوێن و شلەمەنی پێویست

١. بۆچی پیاوان زیاتر تووش دەبن؟

​ئەم نەخۆشییە پەیوەندییەکی ڕاستەوخۆی بە جینات و کرۆمۆسۆمەکانەوە هەیە

​ئەو جینەی بەرپرسە لە دروستکردنی ئەم ئەنزیمە، لەسەر کرۆمۆسۆمی (X) هەڵگیراوە.
​لە پیاواندا چونكە پیاو تەنها یەک کرۆمۆسۆمی (X) هەیە، ئەگەر ئەو جینەی سەر کرۆمۆسۆمەکە تێکچوو بێت، ڕاستەوخۆ تووشی نەخۆشییەکە دەبێت. بۆیە ڕێژەی تووشبوون لە پیاواندا زۆر زیاترە

​لە ئافرەتاندا: چونكە ئافرەت دوو کرۆمۆسۆمی (X) هەیە، ئەگەر یەکێکیان تێکچوو بێت، ئەوی تریان قەرەبووی دەکاتەوە. بۆیە ئافرەتان زۆر کەمتر تووشی نیشانە توندەکان دەبن و زۆربەی کات تەنها هەڵگری (Carrier) نەخۆشییەکەن و دەیگوازنەوە بۆ نەوەکانیا

٣. دەستنیشانکردن و چارەسەر
دەستنیشانکردن: تەنها لە ڕێگەی پشکنینی خوێنەوە دەبێت بۆ زانینی ئاستی ئەنزیمی G6PD.

چارەسەر: تا ئێستا چارەسەرێکی بنبڕی نییە چونکە پەیوەندی بە جیناتەوە هەیە، بەڵام چارەسەری سەرەکی خۆپاراستنە.

19/03/2026

جەژنی ڕەمەزانتان پیرۆزبێت و تەندروست باشبن
نەخۆشخانەی گشتی شەهید ڕؤوف بەگ

18/03/2026

سبەی پێنجشەممە (19ی ئاداری 2026) تاکوو یەکشەممە (29ی ئاداری 2026) پشووی فەرمی دەبێ

بەبۆنەی هاتنی جەژنەکانی ڕەمەزان و نەورۆز و بەپێی ڕۆژژمێری فەرمیی حکومەتی هەرێمی کوردستان، سبەی پێنجشەممە (19ی ئاداری 2026) تاکوو ڕۆژی یەکشەممە (29ی ئاداری 2026)، لە سەرجەم دامودەزگا فەرمییەکانی هەرێمی کوردستان پشووی فەرمی دەبێ.
هاوکات لە فەرمانگە خزمەتگوزارییەکان، دەوام بەشێوەی ئێشکگری بەردەوام دەبێت.

فەرمانگەی میدیا و زانیاری - دائرة الإعلام و المعلومات

09/03/2026

ڕۆژانی چوارشەممەو پێنج شەممە پشووی فەرمییە

ڕۆژی چوارشەممە بەبۆنەی (ڕێککەوتنی 11ی ئادار) لە هەرێمی کوردستان پشووی فەرمی دەبێت

ڕۆژی چوارشەممە (11ی ئاداری 2026)، بەپێی ڕۆژژمێری فەرمیی حکومەت، بەبۆنەی ساڵیادی ڕێککەوتننامەی ئاشتی (ڕێککەوتننامەی 11ی ئادار)، لە سەرجەم دامودەزگا فەرمییەکانی هەرێمی کوردستان پشووی فەرمی دەبێت.

هاوکات، ڕۆژی پێنجشەممە (12ی ئاداری 2026)یش کراوەتە پشوو.
لەم دوو ڕۆژە پشووەدا دەوام لە دامەزراوە خزمەتگوزارییەکان، بەشێوەی ئێشکگری دەبێت.

فەرمانگەی میدیا و زانیاری - دائرة الإعلام و المعلومات

08/03/2026

( ٨ ) مارس ڕۆژی جیهانی ژنان پیرۆزبێت...

دیارە ( ٨ ) مارس ڕۆژی جیهانی ژنان ڕۆژی کۆدەنگی ژنان و یەکسانیە دژی ستەم و نادادپەروەری لە تەواوی جیهاندا وەک ڕۆژێک بۆ دەستەبەرکردنی ماف و ئازادی ژنان ناسێندرا.
بەڕێز/ د. صباح نصراالدین ئەحمەد - بەڕێوبەری گشتی تەندروستی سلێمانی ڕایدەگەیەنێت ئەم ڕۆژە مێژووییەکە لە خەبات و کۆڵنەدان و قوربانیدانی ئەو ژنانە کە لە پێناو بەدیهێنانی ئازادی و یەکسانی و ماف و یەکدەنگی گیانیان بەختکردووە ، لەم ڕوانگەیەوە پیرۆزبای خۆی و بەڕێوبەرایەتی گشتی تەندروستی سلێمانی ئاراستەی تەواوی ژنانی کۆمەڵگا بەگشتی و بەتایبەت تر ژنانی نێو ناوەندەکانی کەرتی تەندروستی دەکات و ئومێدەوارە ئەم ڕۆژە ببێتە هۆی زیاتر بەردەستە کردنی ڕێز و ماف و یەکسانی بۆ ژنان کە شان بەشانی پیاوان خەمخۆرانە ئەرک و کار و بەرپرسیارێتیان جێ بەجێ کردووە
پێشێل نەکردنی مافەکان و هەستکردن بە بەرپرسیارێتی لە چوارچێوەی ئەو هەنگاوانەیە کە دەوترێت ژنان پێکهێنەری نیوەی کۆمەڵگان...
ژنان لە شاخ و لەشار هاوشانی پیاوان دژی نادادی و نایەکسانی وەستاوەتەوەو هەردەم لە کارو فەرماندا تەواوکەری پیاوان بوونە ، نابێت لەژێر ناوی جۆراوجۆر ژنان و کچان بکرێنە قوربانی دەستی کەلتور و داب و نەریتی کۆن چونکە پێشکەوتنەکان و گۆڕانکارییەکانی ژیان ئەو ڕاستەیە دەسەلمێنێ ژنان هیچ جیاوازییەکان نییە لە کۆمەڵگادا.

ئەگەر ئاوڕێک لە سەدەکانی ڕابردووی بواری پزیشکی بدەینەوە سەرەتای کاری برینپێچی و چارەسەرەکان لەسەر دەستی پەرستاری ژن سەرچاوەی گرتووە تا گەیشتن بەم ڕۆژە و بەرەو پێشچوونەکانی کەرتی تەندروستی، خزمەتەکانی ژنان و هەوڵ و تواناکان دەرخەری ڕاستی و هێز و وزەو بازووی ژنانە لەسەرجەم کایەکانی ژیاندا ،

دووبارە پیرۆزبێت ئەم ڕۆژە لە ژنانی کەرتی تەندروستی و سوپاسی هەوڵ و هیمەت و ماندووبوونیان دەکەم

#ڕاگەیاندن و پەیوەندییەکانی ب.گ.تەندروستی سلێمانی

04/03/2026

پزیشکانی پسپۆڕ لە نەخۆشخانەی گشتی شەهید ڕؤوف بەگ

🔹 دکتۆر‌ە شەونم عبدالله محمود
پزیشکی پسپۆڕی پێست
دکتۆرا ( بۆردی عەرەبی ) لەنەخۆشیەکانی پێست و جوانکاری و لەیزەر

🗓️ ڕۆژانی ( دووشەممە و سێشەممە ) نەخۆش دەبینێت

04/03/2026

خشتەی پزیشکانی ڕاوێژکاری بەیانیانی
نەخۆشخانەی گشتی شەهید ڕؤوف بەگ
مانگی ( ٣ ) ی ساڵی ( ٢٠٢٦ ) زاینی