Hjartalag

30/01/2026

Leiðtoginn í þér
Ef þú hefur verið að upplifa sjálfsöryggi hið innra um hríð er kominn tími til að upplifa það betur út á við. Leyfðu þér að upplifa það innan um aðra og finndu að nærvera þín er stærri en aðeins líkami þinn. Um leið og þú finnur að orka þín nær lengra og langt út fyrir líkami þinn, stígðu inn í hugrekkið án þess að hika og vertu leiðtogi. Taktu pláss og leiddu í kærleika og styrk. - Hulda Ólafsd.

28/01/2026

Ef til vill hefur þú fundið fyrir því á lífsleiðinni að það er erfitt að tjá tilfinningar eða jafnvel að greina hvernig þér líður. Kannski hefur þú farið í gegnum erfiðleika eða áföll og lært að loka á tilfinningar til að komast áfram eða sýna styrk. Þessi lokun getur orðið þungbær með tímanum. Að átta sig á því er mikilvægt fyrsta skref á leiðinni til bata. Næsta skref er að leita sér hjálpar, finna aðferðir sem henta þér og taka eitt skref í einu.
Ótal leiðir eru til að vinna í svona en hér eru nokkrar hugmyndir
🌸 Vinna í orkustöðvunum og hugleiða inn á þær.
🌸 Jarðtengja sig
🌸 Dáleiðsla
🌸 Heilun
🌸 Tónheilun
🌸 Yoga nidra
🌸 og svo miklu miklu meira, endilega nefnið hér undir fleiri hugmyndir

27/01/2026

https://hjartalag.is/products/100-gullkornaspil

26/01/2026

Á þessari stundu hefst græðandi flæði um líkama þinn. Hugsaðu um grænan lit og umvefði þig honum innra sem ytra. Finndu kærleikann sem kemur með honum og leyfðu þér að njóta til fulls í fullkominni ró og vissu um heilun og lækningu.

24/01/2026

Stundum þarf smá hugrekki til að gera og vera maður sjálfur. Stígðu fyrsta skrefið með því að leita innra með þér og það mun finnast þó það geti tekið tíma. Gefðu þér þann tíma sem þú þarft en aldrei að gefast upp. Alheimurinn vill að þú sért þú og enginn annar!

18/01/2026

Sárar minningar eru heilaðar, þær sem þú manst og einnig þær sem eru geymdar djúpt í hugskoti þínu.Minningar birtast þér án sársauka og eru laugaðar í tærri uppsprettu sannleikans. Þú upplifir veröld þína hreinni og verðmætari fyrir vikið. Allt er gott, allt er bjart.

16/01/2026

Traust
Þú gefur eftir og treystir almættinu fyrir þér og lífi þínu. Þú sleppir huglægt tökum af því sem þú getur ekki stjórnað og leggur í hendur almættisins. Um leið upplifir þú létti og slökun. Englar alheims gæta þín og taka af þér birðarnar. Allt er eins og það á að vera.

15/01/2026