Hjartalag

31/12/2025

Ertu tilbúin/n í breytingar?
Þær eru á leiðinni, undirbúðu þig fyrir að ný orka stígi inn á sviðið til þín og taktu henni opnum örmum, leyfðu henni að flæða inn í líf þitt og blandast án mótstöðu, þá verða umbreytingarnar þér mun auðveldari. Áður en þú veist af ertu farin/n að taka aðra stefnu sem gefur þér nýja sýn og spennandi tækifæri.

29/12/2025

Þakklæti🙏
Horfðu inn á við, djúpt inn í innsta kjarnann þinn og leyfðu þér að upplifa djúpt þakklæti til þín. Finndu hvernig orka heilunar streymir í hjartastöðina þegar þú gefur þér þessa heilögu gjöf. Sittu í henni, taktu á móti henni með þakklæti og umvefðu alla tilveru þína. Finndu hvernig þessi orka þakklætis hefur stækkað hjarta þitt og möguleika til að deila með öðrum. - Hulda Ólafsdóttir

26/12/2025

Gleðilega hátíð🙏✨🌸

25/12/2025

Réttu út hönd þína
Mikilvæg skref í lífinu er að styðja við aðra, halda í hönd þess sem ekki kemst áfram eða hefur hrasað á leiðinni. Þó þér finnist jafnvel að þú hafir ekki tíma, staldraðu við og spyrðu þig hvort þú getir aðstoðað. Ef ekki spurðu þig þá hvort þú getir vísað viðkomandi annað þar sem hjálpina er að fá.
Við erum eitt og sem eitt finnum við leiðina áfram og upp.

24/12/2025

🎄Bestu óskir um gleðilega jólahátíð kæru Hjartalags vinir ✨🙏 með kærri þökk fyrir árið sem er að líða❤️

23/12/2025

Einfaldleikinn
Hugsanlega hefur þú verið að upplifa óreiðu í lífi þínu, eins og hlutir hafi ekki verið að ganga upp, jafnvel árekstrar og hindranir sem hafa verið að valda þér pirringi. Það gæti verið ábending fyrir þig að einfalda lífið, fækka
verkefnum, velja það sem gerir þér gott og sneiða hjá öðru. Einfaldleikinn er oftast bestur. - Hulda Ólafsdóttir

22/12/2025

21/12/2025

Hvert okkar skref snýst um val. 💎⚖️
Jafnvel þó þér finnist að þú hafir litla stjórn, þá stendur þú alltaf frjáls til að velja. Þá er gott að vita að jákvæðni leiðir þig og neikvæðni hindrar.
Traust í hjarta þínu er leyndarmálið að visku og þroska. Veldu skref með trú og vöxt í huga og þrátt fyrir mótlæti muntu dafna.
- Hulda Ólafsdóttir

20/12/2025

Kraftaverk✨✨
Allt í kringum okkur eru kraftaverk að gerast. Við og lífið sjálft erum kraftaverk en við mannfólkið tökum því oft sem gefnu. Þegar þú treystir og trúir á kraftaverkin ferðu að sjá þau, taka eftir og vera þakklát fyrir allt það smáa sem er umhverfis og innra með þér. Vertu ófeimin/n að biðja um kraftaverk, þau gerast í alvörunni. - Hulda Ólafsdóttir

20/12/2025

18/12/2025

Fyrirgefning
Ef til vill hefurðu lifað að einhverju leiti í eftirsjá, sóað tíma í hugsanir um glötuð tækifæri eða hluti sem þú gerðir gegn betri vitund. Allt mannlegt og hluti leiðarinnar í lærdómsferli lífsins. Með því að sleppa tökum af fortíðinni, læra af henni og fyrirgefa þér, öðrum eða aðstæðunum, stígurðu mikilvægt skref fram á við sem mun færa þér aukið frelsi og léttleika. Slepptu tökum af því liðna sem þjónar engum tilgangi lengur. - Hulda Ólafsdóttir