HSN - Heilbrigðisstofnun Norðurlands

11/11/2025

„Ef aðstandanda líður vel, þá líður íbúanum líka vel.“ Doktorsverkefni Mariu Finster Úlfarsson, hjúkrunarfræðings hjá HSN á Sauðárkróki undirstrikar að virkt samtal við aðstandendur íbúa á hjúkrunarheimilum byggir upp traust og betri samskipti - og eflir gæði þjónustu á hjúkrunarheimilum.

Lesið áhugavert viðtal við Mariu um niðurstöðurnar á hsn.is, sjá hlekk í ummælum.

30/10/2025

Elín Arnardóttir, verkefnastjóri hjúkrunar HSN í Fjallabyggð ver doktorsritgerð sína 14. nóvember nk.

Elín Arnardóttir ver doktorsritgerð sína

29/10/2025

Framkvæmdastjóri lækninga, Guðrún Dóra Clarke var fulltrúi HSN í tíu manna sendinefnd íslenskra heilbrigðisyfirvalda sem ferðaðist um Skandinavíu með það fyrir augum að laða íslenska lækna aftur heim.

Guðrún segir að sendinefndin hafi fengið góðar móttökur og að kynningar sem þessar á starfseminni séu mikilvægur liður í að laða fólk til starfa.

Lesið meira í frétt á hsn.is, sjá hlekk í ummælum.

28/10/2025

HSN á Húsavík óskar eftir matreiðslumanni/matartækni í 100% ótímabundið starf.

Við Heilbrigðisstofnun Norðurlands á Húsavík starfar samhentur hópur starfsfólks sem leggur sitt að mörkum til að þjónusta samfélagið á sem bestan hátt. Vinnustaðurinn leggur áherslu á að vera vinalegur, styðja starfsfólk sitt og mæta því á fjölbreyttan hátt.

Kynntu þér starfið á Starfatorg.is þar sem einnig er sótt um rafrænt. Sjá hlekk í ummælum.

27/10/2025

Alþjóðlegur dagur iðjuþjálfunar er 27. október.

Hjá HSN starfa sjö iðjuþjálfar á ýmsum deildum stofnunarinnar.
Við óskum öllum iðjuþjálfum til hamingju með daginn og þökkum fyrir þeirra mikilvægu störf.

Lesið meira í frétt á hsn.is, sjá hlekk í ummælum

23/10/2025

Skert starfsemi vegna kvennaverkfalls 24. október nk.

Konur og kvár eru mikill meirihluti af dýrmætum mannauði Heilbrigðisstofnunar Norðurlands. Gera má því ráð fyrir lágmarksstarfsemi þennan þegar líða fer á daginn vegna boðaðs verkfalls kvenna og kvára. Nauðsynlegri grunnþjónustu verður sinnt og heilsu og öryggi skjólstæðinga verður ekki stefnt í hættu.

Lesið meira í frétt á hsn.is, sjá hlekk í ummælum.

17/10/2025

HSN innleiðir nýjung í heilsueflandi þjónustu

HSN innleiðir RetinaRisk augnskimun í heilsueflandi þjónustu sem sparar verulega fjármuni fyrir einstaklinga og heilbrigðiskerfið ásamt því að vera mikið hagræði fyrir stóran hóp okkar skjólstæðinga.

„Við erum stolt af því að fylgja í kjölfarið á þessari nýbreytni og innleiða lausn sem hefur þegar sannað sig á Suðurnesjum. Með því að nýta gervigreind tryggjum við að íbúar á Norðurlandi fái sama aðgengi að gæðaþjónustu og aðrir landsmenn, án þess að þurfa að leggja á sig langar og erfiðar ferðir. Þetta er mikil búbót fyrir okkar fólk,“ segir Guðrún Dóra Clarke, framkvæmdastjóri lækninga hjá HSN.

Lesið meira í frétt á hsn.is, sjá hlekk í ummælum.