Seiglan

20/01/2026

Falleg gjöf til Seiglunnar frá Hildi Jónsdóttur, starfsmanni Seiglunnar. Myndirnar í bókinni eru allar teknar í hópgöngum Seiglunnar um Hafnarfjörðinn.

20/01/2026

Í dag fengum við afar fallega ljósmyndabók að gjöf frá Hildur Jonsdottir, okkar kæra starfsmanni Seiglunnar.

Hún hefur á síðustu þremur árum fangað ótal falleg augnablik úr hópgöngum okkar um Hafnarfjörð og sett hluta þeirra saman í þessa einstöku bók.

Bókin mun eiga sinn stað í stofunni hjá okkur og er öllum hjartanlega velkomið að fletta henni – því sjón er svo sannarlega sögu ríkari.

Við erum djúpt snortin og óendanlega þakklát fyrir þessa einstöku gjöf, alla vinnuna sem liggur að baki og þann kærleika sem Hildur hefur lagt í hverja síðu.

Takk kærlega fyrir okkur 🩷

08/01/2026

Þann 12. janúar n.k hefst nýtt námskeið sem er sérstaklega fyrir þá sem eru á biðlista í Seiglunni. Námskeiðið heitir Styrkur - gleði - slökun og hefur það verið í gangi síðan vorið 2025 með góðum undirtektum.

Aðeins 3 pláss laus á námskeiðið.

Guðrún Ólafía Sigurðardóttir sér um námskeiðið en hún er einkaþjálfari að mennt ásamt því að vera jógakennari.

Skráning og fyrirspurnir á gudrun@alzheimer.is

Virk hreyfing – Jafnvægi – Slökun – Næring - Félagsskapur Námskeið þar sem markmiðið er að viðhalda virkni, vellíðan og efla hreyfifærni. Styrktar- og jafnvægisæfingar fyrir allan líkamann sem styrking fyrir andlega og félagslega heilsu. Þessir einföldu þættir skipta skö...

22/12/2025

18/12/2025

Ég rakst á þessi ágætu ráð frá Dale Carnegie og fannst þau of góð til að deila þeim ekki🥰

Munum að njóta félagsskaps hvers annars og dýrmætrar samveru, bæði fyrir og um jólin 🎅🤶

03/12/2025

Alzheimerkaffi í Hæðargarði á morgun fimmtudag kl. 17.

Dagrún Ósk Jónsdóttir, þjóðfræðingur kemur og talar um Grýlu og hennar hyski. Soroptimistaklúbbur Reykjavíkur sér um kaffi og veitingar. Í lokin stjórnar Sveinn Arnar Sæmundsson samsöng og spilar undir á píanó.

Öll velkomin - 500 kr aðgangur í kaffisjóðinn.
Nánari upplýsingar í hlekk í fyrstu athugasemd.

13/11/2025

Við mælum með 💜
Amma nammigrís – ný bók um ömmu með Alzheimer

Bókin Amma nammigrís – engin venjuleg amma eftir Gunnu Stellu er hjartnæm og fyndin barnabók sem segir frá ömmu sem hoppar á trampólíni, gerir kollhnísa og getur borðað ótrúlegt magn af nammi. Það sem er hinsvegar farið að gerast hjá ömmu í dag er að hún farin að gleyma. Amma er með Alzheimer.

Í bókinni eru skemmtilegar og fyndnar sögur af ömmu, byggðar á sönnum atburðum en móðir Gunnu Stellu er með Alzheimer. Sagan er sögð frá sjónarhorni barnabarns sem deilir gleði, hlátri og kærleika með ömmu sinni á einlægan hátt.

Auk þess að vera skemmtileg lesning er bókin fræðandi. Hún útskýrir Alzheimer-sjúkdóminn á einfaldan hátt og hjálpar börnum að skilja hvað það þýðir þegar ástvinur byrjar að gleyma.

Við hjá Alzheimersamtökunum mælum með þessari flottu bók sem fæst í öllum helstu bókabúðum en einnig á vefnum Viskukorn sem er í eigu Gunnu Stellu.

10/11/2025

Nú þegar Steffý okkar ætlar að fara að flytja af landi brott, þá leitum við af starfsmanni sem getur fyllt hennar skarð.

Þið megið gjarnan deila eins og vindurinn 🥰

Vilt þú starfa með okkur í Seiglunni, þjónustumiðstöð Alzheimersamtakanna? Við leitum að fjölhæfum og geðgóðum einstaklingi í 70% stöðu aðstoðarmanns iðjuþjálfa í virknimiðstöðinni okkar í St.Jósefsspítala í Hafnarfirði. Vinnutími er mánudaga og miðvikudaga kl: 8:...

23/10/2025

Alzheimersamtökin bjóða nú félögum niðurgreidda sálfræðiþjónustu í fjarviðtali. Hver tími kostar 5.000 kr.

Anna Sigga sálfræðingur hefur starfað sem klínískur sálfræðingur í 15 ár, lengst af á öldrunardeildum LSH, Krafti og Kvíðameðferðarstöðinni.

Hægt er að bóka viðtal með því að senda tölvupóst á alzheimer@alzheimer.is eða hringja og skilja eftir skilaboð í síma 5331088