Lækur Athvarf Hafnarfirði

30/04/2026

29/04/2026

Lækur heilsar kátur eins og slátur! Það er kominn miðvikudagur sem þýðir að bökunarnámskeiðið verður að sjálfsögðu á sínum stað klukkan akkúrat rúmlega 13:00. en við ætlum að baka pizzasnúða að þessu sinni.
Í hádeginu verður svo fiskur í raspi með kartöflum og löðrandi í lauksmjöri. Á Læk er alltaf heitt á könnunni og flauelsmjúk stemmning.

Lækur... alltaf á ljúfu nótunum! ☕🌼💛🐾

28/04/2026

Kósý þriðjudagur er mættur! ☔️✨
Það má vera blautt úti, en hér inni er notalegheitin í botni, þurrt, hlýtt og fullt hús af yndislegu fólki. Heitt á könnunni, gott spjall og almenn kósý stemning. ☕💛

Í hádeginu bjóðum við upp á heimagerða eggjaböku með salati og quinoa/grjónum, algjört nammi! 🥗

Eftir hádegi höldum við svo í List og Sköpun í Nýsköpunarsetrinu 🎨
(Tíminn seinkar um hálftíma og byrjar því á slaginu rúmlega 13:30.)

Hlökkum til að njóta dagsins með ykkur! 💫

24/04/2026

Það er kominn föstudagur og þá er alltaf soldið fjör á Læk. Kris mætir með léttar tai chi æfingar kl. 11. Tortilla pizzur í matinn og aldrei að vita nema hent verði í pönnsur einhvern tímann eftir hádegi. Afslappelsi, góð músík, gott spjall... er hægt að hafa það betra?

Lækur... lifandi staður! ☀🐾☕🎵💛🌼

22/04/2026

Lækur bíður góðan dag á þessum fallega miðvikudegi... enda Miss Mandarín kampakát og löngu vöknuð að sjálfsögðu! Í dag ætlum við að hafa ekta ítalskt lasagne í matinn. Bökunarnámskeiðið verður svo á sínum stað kl. 13 en við ætlum að baka ilmandi kryddbrauð að þessu sinni. Að öðru leyti ætlum við bara að hafa það soldið notalegt. Fá okkur kaffi eða te, spjalla, hlusta á notalega músík... og ég veit ekki hvað og hvað.

Lækur... gefur lífinu lit! 🎨☕🐾☀🎵🥰

15/04/2026

Miðvikudagurinn kominn á fullt 💛
Morgunleikfimin búin og hakk og spaggó mallar á pönnunni á meðan góð tónlist spilar í bakgrunni, alveg eins og þetta á að vera.

Eftir hádegi ætlum við í göngutúr og svo hefst baksturinn kl. 13:00. Í dag er það ilmandi kryddbrauð á dagskrá 🍞✨

Vertu hjartanlega velkominn á Læk 💫

(Myndin var tekin í vetur í einum af okkar fjölmörgu göngutúrum)

14/04/2026

Þriðjudagur er genginn í garð, sólin skín og vorið er í loftinu. Er þá ekki rétti tíminn til að líta yfir það sem við höfum verið að gera síðustu daga?

Við höfum bakað óhóflega mikið: kleinur, bláberja- og sítrónumöffins, gulróta- og bananamöffins, súkkulaðimöffins, múslíbrauð og fetaostabrauð. Og ekki má gleyma pönnukökunum á föstudögum.

Við skelltum í bingó rétt fyrir páska, kíktum á nýja miðbæinn í Hafnarfirði og svo má heldur ekki gleyma allri grænmetisræktuninni sem er komin vel af stað.

Ég gæti haldið endalaust áfram, thai chi sem er orðið annað vinsælasta námskeið Lækjar, á þriðjudögum kíkjum við í Nýsköpunarsetrið og (já við erum að fara í dag).

Takk, allir gestir Lækjar. Munið að það eruð þið sem skapið samfélagið hér á Læk 💪❤

10/04/2026

Lækur bíður góðan dag á þessum fallega föstudegi. Það verða kjúklingaleggir í matinn, og aldrei að vita nema hent verði í pönnsur eftir hádegi. Í dag ætlum við einnig að heiðra minningu okkar ástkæra Hafnfirðings, Björgvins Halldórssonar og spila plötur eftir hann. Þessum mikla meistara verður sárt saknað en lögin lifa... að eilífu. 🎵☕☀🎙❤🙏🏻

09/04/2026

Það er kominn fimmtudagur og allir hoppandi kátir hér á Læk! Hakkbollur og spaghetti í matinn að hætti kokksins, þáttastuð eftir hádegi þar sem við ætlum að horfa á nýju myndina um Nýdönsk. Spjöllum, drekkum kaffi, lifum og njótum.

Lækur... lyginni líkastur! 🎵🥰🌻🐕🐾

08/04/2026

Jæja páskarnir að baki og allt óhóflegt súkkulaðiát búið... í bili. Vorið framundan, lóan hoppandi kát og allt á réttri leið. Það er miðvikudagur í dag og bökunarnámskeiðið að sjálfsögðu á sínum stað kl. 13:00. Í hádeginu verða svo svínhnakkar í Gyros að hætti kokksins. Alltaf heitt á könnunni og notaleg stemmning.

Lækur... er þaggi bara? ☕😀🎵☀🌻

27/03/2026

Við minnnum á BINGO eftir hádegi, frábærir vinningar í boði.
Það verða djúsí grill samlokur í hádeginu með sveittum frönskum.
Hlökkum til að sjá ykkur.