06/04/2021
Fjarnámskeið: Núvitund gegn streitu. Gæti þetta verið eitthvað fyrir þig? 🧐
Námskeiðið, Núvitund gegn streitu (Mindfulness Based Stress Reduction - MBSR), er fyrsta og eitt mest rannsakaða núvitundarnámskeið í heilbrigðiskerfum vestrænna þjóða. Það hefur verið notað víða um heim, gegn ýmis konar streitu eða til að bæta líðan og lífsgæði.
Kynningarfundur er miðvikudaginn 14. apríl kl. 19:00-20:30
Tímar námskeiðsins eru eftirfarandi:
Tími 1. kl. 19:00-21:30, miðvikudaginn 21. apríl
Tími 2. kl. 19:00-21:30, miðvikudaginn 28. apríl
Tími 3. kl. 19:00-21:30, miðvikudaginn 5. apríl
Tími 4. kl. 19:00-21:30, miðvikudaginn 12. maí
Tími 5. kl. 19:00-21:30, miðvikudaginn 19. maí
Tími 6. kl. 19:00-21:30, miðvikudaginn 26. maí
Þögli dagurinn - kl. 9:00-16:00, laugardaginn. 29. maí.
Tími 7. kl. 19:00-21:30, miðvikudaginn 2. júní
Tími 8. kl. 19:00-21:30, miðvikudaginn 9. júní
Námskeiðið er byggt á reynslunámi þar sem þátttakendur læra með því að prófa. Hvatt er til umræðna en enginn þvingaður til að tjá sig. Allir eru hvattir til að hlúa að sér og taka ákvarðanir með sína velferð og vellíðan í huga. Mikið er um núvitundar æfingar, svo sem að beina athyglinni að líkamanum, hugsunum, tilfinningum, hreyfingum, teygjum o.s.frv. Allt sem fram fer á námskeiðinu er valkvætt og má aðlaga að þátttakendum. 🌸
Stefanía Halldórsdóttir, eða Nína, eins og hún er gjarnan kölluð, kennir námskeiðið undir handleiðslu frá Bangor háskólanum í Bretlandi. Nína hefur sótt mörg námskeið til að mennta sig sem núvitundarkennari, þar á meðal MBSR specialist námskeiðið (Bangor háskólinn í Bretlandi). Önnur menntun sem Nína hefur er BA gráða í sálfræði (HÍ), diplóma gráða í jákvæðri sálfræði (EHÍ), markþjálfa nám (HR) og þrautseigju og áfallafræði (CRM, TRM1 og TRM2 frá Trauma Resource Institute). Þetta námskeið er hluti af námi hennar við Bangor háskólann í Bretlandi og er því ekki á fullu verði en MBSR námskeið kosta almennt 68.000 kr. Námskeiðið er í dag í boði á 30.000 kr.
Innifalið er handbókin og samtalstími með Nínu sem á sér stað helst á milli kynningarfundar og námskeiðsins. Samtalstíminn getur átt sér stað annað hvort á netinu eða á skrifstofu Nínu hjá Miðstöð Sálfræðinga, Bæjarhrauni 6, Hafnarfirði.
Námskeiðið fer fram á Zoom, það samanstendur af átta tímum, 2,5 klst í senn, og einum heilum degi sem fer að mestu fram í þögn. Dagsetningar og tímasetningar eru hér fyrir neðan.
Þetta er viðamikið námskeið og hentar vel þeim sem vilja vinna að því að bæta líðan sína og lífsgæði.
Mælt er með um klukkustundar heimavinnu 6 daga vikunnar, að mestu leiti í formi núvitundaræfinga. Þetta er tími sem þátttakendur gefa sjálfum sér í þeim tilgangi að kynnast sjálfum sér betur og æfa sig í því að vera til staðar, hér og nú, fyrir sig og sína.
Nína leiðir þetta námskeið með tilliti til þess hverjir sækja það. Ef þátttakendur eru trúaðir gæti hún byrjað og endað tíma og æfingar með stuttri bæn, ritningarlestri eða notað stutta þögn þar sem þeir sem vilja geta lagt stundina í Guðs hendur.
Sætaframboð er takmarkað, hægt er að skrá sig með því að senda fullt nafn, símanúmer og netfang í skilaboð á Ninatime. Gott er að taka fram hvort um er að ræða skráningu á kynningarfundinn (0kr.) eða bæði kynningarfundinn og námskeiðið (30.000 kr.).
Frekari upplýsingar fást hjá Nínu:
Sími: 8553111
Vefpóstur: nina@ninatime.com
Facebook skilaboð: Ninatime FB síðan - þar má einnig finna umsagnir þátttakenda sem setið hafa þetta tiltekna námskeið hjá Nínu
