Guðs vitund

Guðs vitund Eva Karen Axelsdóttir
Hálparmiðill, Heilari & Andlegur ráðgjafi
evakaren86@gmail.com
gsm: 847-7757 Við erum öll einstök og höfum jafnan rétt á því að líða vel.

Frá árinu 2014 hef ég lagt kapp á að hjálpa einstaklingum í öllu sem tengist andlegri og líkamlegri heilsu, að efla og styrkja sjálfið.

Ég vann lengi vel sem lífsstílsráðgjafi í fullu starfi, er menntuð Reiki heilari og Dáleiðslutæknir auk þess sem ég hef síðastliðin ár verið að vinna með innsæi og ráðgjöf. Ég blanda gjarnan aðferðum saman sem ég tel henta hverjum og einum.
Ég vinn með börnum sem og fullorðnum, en sjálf er ég 6 barna móðir með börn á aldrinum 9-22 ára sem hafa notið góðs af heilunaraðferðum mínum og núvitund. Að fá tækifæri til að aðstoða fólk í daglegu lífi eru forréttindi. Á persónulegan hátt tengist ég hverjum einstakling fyrir sig við úrlausn áskorana sem viðkomandi stendur frammi fyrir. Mitt aðalmarkmið er að opna huga og hjarta fólks og leiða áfram á rétta braut með að finna sinn tilgang í þessu kapphlaupi sem við köllum lífið.

Hver einstaklingur er einmitt það, einn og stakur. Það þarf þroska til að skilja að ekki öllum er ætlað að ganga sömu le...
06/02/2026

Hver einstaklingur er einmitt það, einn og stakur.
Það þarf þroska til að skilja að ekki öllum er ætlað að ganga sömu leið og þú gengur og dýpri visku til að heiðra ferðalag annarra, sama hvaða skoðun þú megir hafa á því hvert þeirra leið liggur.

Í langan tíma hefur fólk átt erfitt með að skilja að ekki allir hugsa eins og þú. Okkur er kennt að dæma, bera okkur saman við og taka því nærri okkur þegar leiðir skilja. En þegar dýpri skilningur gerir vart við sig sér maður dýrmæt ferðalög einstaklinga á allt annan hátt.

Hver einstaklingur býr yfir vissri tíðni, hefur vissu hlutverki að gegna og hefur einstakar skoðanir myndaðar af umhverfi sínu. Við höldum að öll kynni séu endanleg og sögur okkar séu skrifaðar í stein og verði alltaf eins en þannig virkar lífið bara aldeilis ekki. Lífið er ekki bein leið, það þróast, vex, blómstrar og hvert og eitt okkar blómstrar á sinn hátt. Tíðni okkar breytist í vexti og þannig vöxum við stundum í sundur og leiðir okkar skilja, ekki afþví að eitthvað kom endilega upp á sem olli slitum, heldur vegna þess að við erum ekki lengur tíðnislega að passa saman. Mín leið er önnur en þín og öfugt og það þarf að virða.

Þegar þú sleppir þörfinni á því að aðrir skilji þitt ferðalag og hættir að reyna að “bjarga” fólki, finnur þú loks frið í hjarta og sál. Þín tjáning er þín og tjáning annarra er þeirra. Það gerir ekki þína leið betri eða þeirra verri, hún er bara það sem hún er – Einstök!

Stefna annarra er ekki höfnun á þér, heldur virðing við eigið sjálf. Við vöxum öll í okkar eigin takti og sterkustu sálirnar læra að blessa þá sem víkja frá þeirra vegferð vitandi það að hver og einn er að stíga inn í sitt eigið hlutverk. Við erum kölluð í mismunandi hlutverk og öll hlutverk skipta máli fyrir heildina. Þín leið og þín tjáning í þessu lífi er mikilvæg.

Í stað þess að dæma vegferð annarra gætum við horft á hvern einstakling sem litapunkt - hver með sinn lit. Litirnir vefast saman í mynstur og saman myndum við fegursta veggteppi sem þú gætir nokkurn tíman augum litið.

Styðjum við vegferð hvers annars án þess að dæma hana, hjálpumst að frekar en að sundra og munum að lífið er ferðalag sem getur reynst mörgum erfitt. ❤️💫

04/02/2026

Danielle Slupesky shares the story of her Near-Death Experience occurring during surgery to repair a blood clot that had formed in her lungs. Danielle descri...

"Opnaðu, slepptu, leyfðu", hvíslar hjarta þitt í örvæntingu. Tími til kominn að losa um brynjuna sem þú berð sem hefur h...
02/02/2026

"Opnaðu, slepptu, leyfðu", hvíslar hjarta þitt í örvæntingu. Tími til kominn að losa um brynjuna sem þú berð sem hefur haldið þér í ótta, efa og tilraunum til að hafa stjórn á lífinu. Brynjan er þín leið til að vernda sjálfa þig fyrir höggum lífsins en hún heldur þér líka frá tengingu við aðra og dýpstu fegurðinni sem lífið hefur uppá að bjóða.

Fallega hjartað þitt bíður eftir því að finna, elska og vera elskað. Að fá tækifæri til að tengjast öðrum í samkennd, finna til meiri lífsgleði og vaxa í gegnum tilfinningahafið sem þú berð innra með þér sem hefur ekki fengið frelsi svo árum skiptir.

Að opna hjartað krefst hugrekkis, að leyfa sér að vera varnarlaus. Með því að vera opin, heiðarleg og leyfa lífinu að flæða með þig þangað sem þér er ætlað að fara verður óreiða lífsins að fegurð og tækifæri til vaxtar birtast þér í gegnum reynslu.

Opið hjarta er eins og hlið að alheiminum sem fer fram á móttækileika og að leyfa. Þegar við sleppum egóinu, væntingum og þessarri brýnu þörf fyrir að stjórna og látum lífið flæða í gegnum okkur eins og því er ætlað að gera, filterslaust. Orð sem koma beint frá hjartanu eru hrá, raunveruleg og sönn og þegar við erum opinská með tilfinningar okkar og hugsanir lifum við frá raunverulegum stað, ekki heimatilbúinni gíslingu þar sem við þurfum stöðugt að hugsa og passa hvað við segjum af ótta við að segja eitthvað vitlaust eða missa stjórn á tilfinningum okkar sem vilja ekkert heitar en að fá að flæða, ekki sitja fastar innra með þér þar til sýður uppúr á óhentugum tímum.

Treystu því að þú ert nógu sterk til að takast á við hvað sem kemur þína leið. Opin hjörtu leiða okkur saman í fallegan vef þar sem sannleikur, auðmýkt og kærleikur ríkir ❤️

Ef taugakerfi þitt er í óróleika mun hugurinn segja þér sögur sem eru ekki sannar og hlaupa með þig í vandræðalega marga...
30/01/2026

Ef taugakerfi þitt er í óróleika mun hugurinn segja þér sögur sem eru ekki sannar og hlaupa með þig í vandræðalega marga hringi.
Hægðu á þér, minnkaðu hávaða, drekktu vatn, borðaðu alvöru mat, hreyfðu líkamann varlega, farðu út í náttúruna og andaðu djúpt. Einfaldleikinn er viska og í þögninni finnur þú skýrleikann.

Þessi orka sem við erum stigin inn í fer fram á hreinar og einlægar ákvarðanir. Hún ýtir á eftir litlum en mikilvægum skrefum líkt og að eiga erfitt samtal sem þú hefur forðast, setja einhverjum í lífi þínu mörk eða breyta vana sem hefur truflað þig. Það sem þú hefur umborið en er ekki í samræmi við hver þú vilt vera verður erfiðara að hunsa. Vertu heiðarleg við sjálfa þig en gefðu þér þann tíma sem þú þarft án óþarfa pressu. Umbreytingarferli er alltaf erfitt en með því að taka eitt rólegt skref í einu og treysta að þú ert á réttri leið heldur þú í innri ró.

Þitt sjálfsvirði kemur upp til skoðunar og þú sérð svart á hvítu hvar þú hefur leyft öðrum að ákveða þitt virði.
 
Segðu við sjálfa þig:
- Ég kýs skýrleika.
- Ég kýs ró
- Ég kýs stöðugleika í líkama mínum
- Ég kýs heiðarleika í gjörðum mínum
- Ég kýs kærleika í stað ótta
- Ég ákveð mitt sjálfsvirði, enginn annar.

Þú stendur þig vel! ❤️🦋💫

Þegar þú losnar úr survival mode koma allar tilfinningarnar sem þú gast ekki fundið áður upp á yfirborðið því líkaminn f...
28/01/2026

Þegar þú losnar úr survival mode koma allar tilfinningarnar sem þú gast ekki fundið áður upp á yfirborðið því líkaminn finnur loksins fyrir öryggi til að losa sig við þær. Þér líður oft verr áður en þér líður betur 🫂

Andaðu í gegnum þessar tilfinningar og treystu því að þær muni ekki vara að eilífu. Hinum megin við þessar flóðbylgjur er friður sem þú hefur líklega ekki fundið í mörg ár ❤️

Í upphafi er hugrekki ekki fjarvera ótta, heldur vilji til að ganga í gegnum óttann.  Í andlegum skilningi er hugrekki a...
19/01/2026

Í upphafi er hugrekki ekki fjarvera ótta, heldur vilji til að ganga í gegnum óttann.  

Í andlegum skilningi er hugrekki að treysta því að alheimurinn styðji þig, jafnvel þegar leiðin framundan er óljós. Það snýst um að gefast upp fyrir hinu óþekkta og mæta því sem kemur sama hvað.

Hvað ef það sem þú óttast er í raun tækifæri til vaxtar og umbreytinga?
Hvað ef hugrekkið sem þú leitar að er þegar innra með þér?

Dragðu djúpt andann, treystu innsæinu þínu og stígðu út í hið óþekkta. Þegar þú hefur horfst í augu við ótta þinn og gengið í gegnum hann getur hugrekki umbreyst í óttaleysi. Það er ekki það að þú sért ekki lengur hrædd, heldur hefur óttinn ekki tak á þér lengur. Þú hefur þróað með þér traust á sjálfri þér og alheiminum sem gerir þér kleift að halda áfram með sjálfstrausti og skýrleika.

Þessi tegund hugrekkis er rótgróin í sjálfsvitund og viðurkenningu. Þú hefur viðurkennt ótta þinn, skilið rætur hans og valið að bregðast við á annan hátt þrátt fyrir hann. Fyrir vikið er þér ekki lengur stjórnað af óttanum heldur ertu leidd áfram af innri styrk þínum og visku.

Hugrekki er oft lýst sem ástandi frekar en bara athöfn. Þessi tilfinning um innri stöðugleika og frið sem helst í jafnvægi, jafnvel í miðri óvissu eða áskorunum.

Þú ert ekki lengur að berjast gegn óttanum, þú hefur fest rætur í eigin krafti 💪🥰

Upphaf ársins markar oft ákvörðun einstaklinga um að bæta þætti lífsins eða sjálfsins. Að skapa nýjan persónulegan verul...
15/01/2026

Upphaf ársins markar oft ákvörðun einstaklinga um að bæta þætti lífsins eða sjálfsins.
Að skapa nýjan persónulegan veruleika fullan af gnægð, heilsu, heilindum og gleði – alveg nýtt líf, krefst sannarlega meira af þér en að bara setja sér áramótaheit.

Að skapa nýtt líf þýðir að sigrast stöðugt á gömlum hugsunum, tilfinningum og hegðun sem tilheyrir fortíðinni. Það þýðir að sigrast á kunnugleikanum og læra að ekkert nýtt vex í óbreyttu ástandi.

Þú gengur inn í þetta nýja ár sem er stútfullt af ótakmörkuðum möguleikum og leyfir þér að hugsa: Hver er ég og hvað er ég tilbúin að skilja eftir?
Hver er ég tilbúin að verða?
Og svo leggur þú af stað í eitt mest krefjandi en gefandi ævintýri lífs þíns 🥰
Áfram gakk - Þú getur þetta! 💫🦋👏

Þegar þú heldur aftur af ást í reiði gagnvart öðrum ertu eingöngu að neita sjálfri þér um ást.Mannverur eru félagsverur ...
13/01/2026

Þegar þú heldur aftur af ást í reiði gagnvart öðrum ertu eingöngu að neita sjálfri þér um ást.

Mannverur eru félagsverur og tengsl við aðra eru nauðsynleg fyrir vellíðan. Að halda aftur af ást rýfur tenginguna sem er okkur mikilvæg til að líða vel og við sköpum tilfinningalega fjarlægð, sem getur leitt til einangrunar og einmanaleika.

Reiði er sterk tilfinning. Þegar hún birtist með því að loka á aðra tilfinningalega, bendir hún oft til erfiðleika með heilbrigðrar tilfinningastjórnunar. Að halda í reiði og gremju getur verið tilfinningalega krefjandi og komið í veg fyrir sjálfsást og innri frið. Það getur einnig komið fram í líkamlegum einkennum til að minna þig á hvar þú ert ekki í jafnvægi.
Hvernig við komum fram við aðra endurspeglar oft hvernig við komum fram við okkur sjálf. Að neita öðrum um ást í reiði gæti endurspeglað undirliggjandi erfiðleika við að gefa og taka á móti ást almennt, þar á meðal sjálfsást og samkennd með eigin sjálfi ❤️

Líkami okkar er fullkomið túlkunar verkfæri sálarinnar og hann leiðbeinir okkur alltaf í átt að jafnvægi. Án þess að við...
13/01/2026

Líkami okkar er fullkomið túlkunar verkfæri sálarinnar og hann leiðbeinir okkur alltaf í átt að jafnvægi.
Án þess að við gerum okkur meðvitaða grein fyrir því veitum við oft mótspyrnu gegn breytingum innra með okkur sem skapar þrýsting.
Ótti sem haldið er of lengi, tilfinningar sem ekki fá rými, sannleikur sem fær ekki útrás eða umfram stress og álag festa sig í sessi og skapa líkamleg óþægindi. 

Eins og lokið á potti með of margar poppbaunir á fullum hita fer lokið að lyftast og það sem ekki rúmast lengur í pottinum flæðir yfir, það er þá sem þú upplifir að þú hafir ekki lengur stjórn og þú þarft að horfast í augu við hvar þú hefur hunsað viðvörunarbjöllurnar og virkilega hlusta á hvað líkaminn er að segja þér!

Sestu niður, andaðu djúpt og spurðu líkama þinn hvað hann er að reyna að sýna þér og ef þú ert í vanda - Hafðu samband við mig og ég leiðbeini þér 🫂

❤️ ❤️ ❤️
12/01/2026

❤️ ❤️ ❤️

Í algerri uppgjöf finnur þú þinn innri frið ❤️ Þú treystir því að allt sé alltaf eins og það á að vera og sama hvað bját...
11/01/2026

Í algerri uppgjöf finnur þú þinn innri frið ❤️
Þú treystir því að allt sé alltaf eins og það á að vera og sama hvað bjátar á þá ert þú alltaf örugg/ur í Guðs faðmi 💫

Address

Hafnarfjörður

Website

Alerts

Be the first to know and let us send you an email when Guðs vitund posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Guðs vitund:

Shortcuts

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram

Category

Um mig

Ég hef brennandi áhuga á öllu sem tengist andlegri heilsu og sjálfseflingu einstaklinga. Ég hef einnig mikinn áhuga á að vinna með börnum en sjálf á ég fjögur börn og tvö plúsbörn. Ég hef mikla reynslu af lífsstílsráðgjöf og starfaði m.a sem lífsstílsleiðbeinandi í fullu starfi á árunum 2014-2017. Á þeim tíma leituðu einstaklingar í meira mæli eftir frekari aðstoð við andlega líðan sem varð til þess að í byrjun árs 2017 lagði ég fyrir mig Reiki heilun og eiginleikar mínir á andlega sviðinu jókust samhliða því.

Frá því að ég man eftir mér hef ég alltaf verið mjög hjálpsöm manneskja svo að fá tækifæri til að aðstoða fólk í daglegu lífi eru forréttindi. Ég bý yfir þeim eiginleikum að geta tengt mig við tilfinningar annarra og með því að hlusta fæ ég innsæi í hvað gæti gagnast viðkomandi best í þeirra lífsgöngu. Á persónulegan hátt tengist ég hverjum einstakling fyrir sig við úrlausn áskorana sem viðkomandi stendur frammi fyrir. Mitt aðalmarkmið er að opna huga og hjarta fólks og leiða áfram á rétta braut með að finna sinn tilgang í þessu kapphlaupi sem við köllum lífið.

Við erum öll einstök og höfum jafnan rétt á því að líða vel!