Heilsustofnun NLFÍ

23/12/2025

Staða vaktmanns er laus til umsóknar
Við óskum eftir að ráða vaktmann, 100% starf í dagvinnu, mæting kl. 09:00.
Viðkomandi þarf að vera stundvís og áreiðanlegur, þjónustulipur, með góða hæfni í mannlegum samskiptum og tala góða íslensku. Einnig að geta starfað sjálfstætt, vera ábyrgur bílstjóri og líkamlega hraustur.
Starfið er laust frá 1. febrúar 2026
Umsóknarfrestur er til 11. janúar 2026
Nánari upplýsingar veitir Aldís Eyjólfsdóttir starfsmannastjóri. Sími 483 03044 eða aldis@heilsustofnun.is

Einnig er laus staða í eldhúsi Heilsustofnunar, 100% starf og vaktavinna.
Viðkomandi þarf að vera stundvís og áreiðanlegur, með góða hæfni í mannlegum samskiptum og tala góða íslensku
Nánari upplýsingar veitir Aldís Eyjólfsdóttir mannauðsstjóri,
aldis@heilsustofnun.is, sími 483 0300.

Læknisfræðilega endurhæfing og heilsudvöl á Heilsustofnun NLFÍ í Hveragerði

19/12/2025

Jólamyndin í ár - Heimildarmynd um Jónas Kristjánsson lækni sem stofnaði Náttúrulækningafélag Íslands og Heilsustofnun NLFÍ. "Láttu þá sjá" - Frétt í fyrstu athugasemd.

11/12/2025

Einstök kvöldstund í Kapellunni í kvöld kl. 20:00

11/12/2025

Minnum á skötuveislu í hádeginu á morgun, föstudaginn 12. desember.

Óvenju snemma í ár!, en Skötuveislan verður á Heilsustofnun föstudaginn 12.desember með tilheyrandi meðlæti og allir velkomnir!

09/12/2025

https://www.dv.is/frettir/2025/12/08/gudni-sendir-neydarkall-stofnun-sem-hjalpad-hefur-morgum-berst-fyrir-lifi-sinu/

Guðni Ágústsson, fyrrverandi ráðherra og þingmaður, segir það vekja furðu að hjálparstofnun eins og Heilsustofnun NLFÍ í Hveragerði skuli vera fjársvelt svo við blasir að starfsemin berst í bökkum. Guðni skrifar grein í Morgunblaðið í dag um málið og sendir eins konar ney....

05/12/2025

Óvenju snemma í ár!, en Skötuveislan verður á Heilsustofnun föstudaginn 12.desember með tilheyrandi meðlæti og allir velkomnir!

28/11/2025

Náttúrulækningafélag Reykjavíkur býður upp á kærleiks- og kyrrðarstund í Áskirkju við Vesturbrún í Reykjavík miðvikudaginn 3.desember kl. 19:30. Félagsmenn, vinir og velunnarar, öll velkomin.

NLFI Rehabilitation and Medical Clinic - Heilsustofnun NLFÍ www.heilsustofnun.is

19/11/2025

Staðfest er að fjárveiting til Heilsustofnunar sé innan við helmingur af því sem aðrir fá fyrir sambærilega þjónustu.

Ríkisendurskoðun hafa staðfest að Heilsustofnun hafi fengið innan við helming af þeim greiðslum sem aðrir aðilar hafa fengið fyrir sambærilega þjónustu. Til þess að Heilsustofnun njóti jafnræðis hljóta greiðslur hennar því að verða jafnaðar við aðra og við starfsfólk bíðum spennt eftir að sjá tillögur um það í afgreiðslu fjárlaga fyrir næsta ár. Þingmenn Suðurkjördæmis, bæjarstjórn Hveragerðis og aðrir velunnarar leggjast á þessar árar með okkur og við hljótum að búast við því að jafnræði verði tryggt.

Sjá ítarlega grein eftir Þóri Haraldsson sem birtist í Morgunblaðinu miðvikudaginn 19. nóvember 2025

19/11/2025

Desemberdagar 2025. Í desember er boðið upp á styttri dvöl fyrir þá sem vilja koma á eigin vegum í heilsudvöl fjarri amstri hversdagsins. Ekki er um að ræða læknisfræðilega endurhæfingu

22/08/2025

Athugið að uppselt er á þetta námskeið.
Streita, áföll og taugakerfið - Leiðir til jafnvægis
Námskeið frá miðvikudegi til sunnudags, 5.-9. nóvember 2025
Skráning í netfangið heilsa@heilsustofnun.is

Umsagnir frá námskeiðinu í apríl sl.:
Þakklæti fyrir tímann og upplifa nýja möguleika til að bjarga sér í núinu og styrkja sjálfan sig.

Frábært námskeið og virkilega góðir og hæfir leiðbeinendur, náði að slaka vel.

Frábært námskeið, fræðandi og yndislegt.

Algjörlega dásamlegt og frábærlega skipulagt námskeið með yndislegum kennurum. Þetta kom einmitt á þeim tíma sem ég þurfti á að halda. Ég mun búa að þessu í mjög langan tíma. Dásamlegur staður og umhverfið magnað, maturinn alveg geggjaður. Takk æðislega fyrir mig

Ótrúlega vel skipulagt og innihaldsríkt og lærdómsríkt.

22/08/2025

Geggjaður matur í dag! Léttsaltaðir þorskhnakkar að marokkóskum hætti!

18/08/2025

Afmælishátíð Heilsustofnunar NLFÍ

Það var margt um manninn, laugardaginn 16. ágúst, en 70 ár eru liðin frá því að Jónas Kristjánsson læknir opnaði Heilsuhæli Náttúrulækningafélags Íslands í Hveragerði. Hinn eiginlegi afmælisdagur er 24.júlí en það átti vel við að halda daginn hátíðlegan á Blómstrandi dögum sem má segja að sé þjóðhátíð Hvergerðinga. Blómleg dagskrá bæjarins stóð svo sannarlega fyrir sínu og margir lögðu leið sína til Hveragerðis.

Afmælisdagskrá Heilsustofnunar var frá 13-17 og kom fjöldi manns til fagnaðarins þar sem boðið var upp á girnilega tómatsúpu og meðlæti fyrir gesti og gangandi. Formleg dagskrá var frá kl. 14-14:30 í garðinum hjá Heilsustofnun og fengum við góðar kveðjur og gjafir frá Hveragerðisbæ, Grundarheimilum, Reykjalundi, Hollvinum Heilsustofnunar og fleiri góðum gestum.

Regína Birkis, barnabarn Jónasar Kristjánssonar læknis tók á móti gestum í minningarherbergi Jónasar og margir litu við í leirböðunum sem hafa fylgt starfseminni alveg frá upphafi.

Útileikir voru á túninu í boði Iceland Activities en einnig grænmetismarkaður sem var mjög vinsæll og fólk fékk smakk af nýbökuðu brauði, tómötum og agúrkum.

Systur, Sigga og Elín mættu á sviðið í garðinum, sungu afmælissönginn og tóku nokkur lög fyrir gesti.

Lokahnykkurinn var í smekkfullri Kapellu þar sem var haldin „kvöldvaka“ í anda Heilsustofnunar. Sigurður Skúlason flutti frábært erindi um Heilsustofnun og Jónas Kristjánsson lækni, las upp úr ævisögu Jónasar og einnig úr bókinni Vertu úlfur eftir Héðinn Unnsteinsson. Auk þess flutti hann vísur og kvæði, sögur og gamanmál og fór á kostum. Hjónin Arna Dal og Jón Arngríms léku fyrir gesti, ýmist á íslensku eða færeysku og stýrðu samsöng með gestum í Kapellunni með miklum myndarbrag.
Þakkir til allra sem komu og sérstakar þakkir til dvalargesta sem tóku þátt í deginum með okkur