Táp Sjúkraþjálfun

22/01/2026

Nú ber til stórtíðinda hjá TÁP sjúkraþjálfun. Eftir að hafa staðið vaktina frá stofnun árið 1998 stíga Þorgerður, Joost og Unnur frá borði sem eigendur. Við stjórnartaumunum taka þau Fanney, Heiða, Lárus og Tómas en þau hafa starfað í TÁP um árabil.

Verðandi eigendur taka við góðu búi frá þríeykinu sem geta verið stolt af fyrirtækinu sem þau hafa stýrt í 28 ár en þess ber að geta að þau munu áfram starfa hjá TÁP, öllum til mikillar gleði.

Nýi eigendahópurinn sem tekur nú við keflinu er spenntur að þróa TÁP áfram en halda þó í þau góðu gildi sem vaxið hafa með fyrirtækinu.

19/12/2025

Starfsfólk Táps sjúkraþjálfunar óskar viðskiptavinum og landsmönnum öllum gleðilegra jóla og farsældar á nýju ári.

12/09/2025

Vilhjálmur sjúkraþjálfari í Stoð kom og kynnti fyrir okkur mjaðmagrindarbelti sem nýtast t.d. konum á meðgöngu og eftir fæðingu. Slík belti geta reyndar nýst fleirum.

08/09/2025

01/09/2025

19/08/2025

Byrjum aftur með hóptímana í september

19/08/2025

Við förum af stað með hóptíma fyrir konur 1.september 🤩

05/08/2025

Kæru viðskiptavinir. Við erum búin að vera ritaralaus síðan í síðustu viku vegna veikinda og sumarfría. Við biðjum ykkur að sýna okkuð biðlund því það er erfitt að taka símann og svara tölvupóstum þegar við sjúkraþjálfarar erum að vinna með okkar skjólstæðinga. Ég veit þið metið það öll að fá ótruflaða meðferð og skiljið þetta ástand því vonandi.
Við vonum innilega að ástandið batni næstu daga.
Með fyrirfram þakklæti fyrir skilninginn.

31/05/2025

14/05/2025

Heiða Sigrúnardóttir útskrifaðist frá HÍ árið 2014. Hún hefur starfað á Eflingu á Akureyri, bæklunardeild Landspítalans og svo hjá Táp síðan árið 2018. Heiða hefur kennt ófáa vatnsleikfimitíma, styrktartíma og haldið grindarbotnsnámskeið fyrir nýbakaðar mæður.

Áhugasvið í vinnunni eru ýmis - axlir, háls og mjaðmagrind eru þar efst á lista. Hefur auk þess yndi af því að hjálpa konum á meðgöngu og eftir fæðingu og sinnir grunnfræðslu um grindarbotninn og allt sem honum viðkemur. Sækir reglulega námskeið og tekur að sér nema í sjúkraþjálfun - það heldur manni á tánum og styrkir í starfi!

Hún er tveggja barna móðir og nýtur þess í botn, en hlakkar til að eflast aftur í vinnu eftir orlof á komandi misserum.
Áhugamál eru fjölskyldan, gott kaffi, prjón, ferðalög, líkamsrækt og nú nýlega: hlaup!

08/05/2025

Kvenheilsusjúkraþjálfarar Táps fengu sérnámslækna í kvensjúkdóma-og fæðingarlækningum í frábæra heimsókn í gær. Mikið spjallað og talsvert hlegið. Allir deildu brennandi áhuga á velferð og heilsu kvenna.

17/04/2025

Næstur í röðinni er Joost van Erven.
Hann útskrifaðist sem sjúkraþjálfari í Hollandi árið 1985.

Hann flutti til Íslands sama ár og hefur unnið á nokkrum stöðum eins og Grensásdeild og Landspítalanum við Hringbraut áður hann stofnaði Táp sjúkraþjálfun ásamt öðrum árið 1998. Starfssvið hans er almenn sjúkraþjálfun, sjúkraþjálfun fyrir aldraða og íþróttasjúkraþjálfun. Hefur hann sinnt ýmsum íþróttafélögum eins og Stjörnunni, Fylkir og KFG, ýmist handbolta eða fótbolta, samtals í yfir 25 ár.

Hann hefur gegnt ýmsum trúnaðarstörfum fyrir Félag sjúkraþjálfara, var t.d. í stjórn félagsins í 5 ár og varaformaður í 3 ár. Hefur sótt fjölda námskeiða hérlendis og erlendis.

Áhugamál Joost tengist almennri hreyfingu og útivera, hann stundaði hjólreiðar, seglbretti og hockey á yngri árum en eftir að hann flutti til Íslands sneri hann sér meira að fjallgöngum (enda meira af fjöllum á Íslandi en í Hollandi) og á sl. árum golf og aftur hjólreiðum.