Heill heimur býður upp á meðferð fyrir einstaklinga auk fyrirlestra og námskeiða á svið meðvirkni og núvitundar
Vallakór 4
Kópavogur
201
| Monday | 09:00 - 17:00 |
| Tuesday | 09:00 - 17:00 |
| Wednesday | 09:00 - 17:00 |
| Thursday | 09:00 - 17:00 |
| Friday | 09:00 - 17:00 |
Be the first to know and let us send you an email when Heill Heimur posts news and promotions. Your email address will not be used for any other purpose, and you can unsubscribe at any time.
Send a message to Heill Heimur:
Gyða Dröfn Tryggvadóttir býður upp ráðgjöf auk fyrirlestra og námskeiða á sviði meðvirkni og núvitundar. Sérstakar áherslur: Meðvirkni - orsakir og afleiðingar, birtingarmynd í daglegu lífi, s.s. brotin sjálfsmynd, kvíði, streita, erfiðleikar með að setja sjálfum sér og öðrum heilbrigð mörk, spenna og erfiðleikar í samböndum og samskiptum ofl. Ráðgjöfin byggir á meðvirknimódeli Piu Mellody, sem skoðar áhrif fjölskyldunnar á uppvöxt okkar. Meðvirkni verður til í æsku og þróast vegna óheilbrigðra fjölskyldumynstra. Þau verða m.a. til vegna andlegra eða líkamlegra veikinda foreldra eða barns, fíknar, stjórnleysis eða vangetu foreldra/uppalenda til að veita þá næringu sem til þarf svo að barn geti þroskast og orðið heill fullorðinn einstaklingur, með heilbrigða og góða sjálfsmynd, fær um að eiga í heilbrigðum samböndum og samskiptum við sína nánustu og aðra er á vegi hans verða. Módelið hefur verið í stöðugri þróun en um 40 ár eru síðan hjúkrunarfræðingurinn Pia Mellody hóf þessa vegferð, sem varð upphafið að módelinu, sem hefur verið notað æ síðan af fagfólki á The Meadows í Arizona. Gyða Dröfn er með meistaragráðu í stjórnun heilbrigðisþjónustu og lýðheilsu (EMPH) frá Háskólanum í Reykjavík. Gyða hefur lokið námi í áfalla-og uppeldisfræðum Piu Mellody, sem skoða áhrif fjölskyldunnar á uppvöxt okkar og þroskaferil auk þess sem hún hefur lokið námi í meðferðardáleiðslu hjá Dáleiðsluskóla Íslands. Gyða Dröfn hefur iðkað Zen hugleiðslu síðastliðin 20 ár undir handleiðslu Zen meistarans Kwong Roshi, bæði hér á landi og á Sonoma Mountain Zen Center. Iðkun hugleiðslu veitir innsýn í eigin hug og tilveru og eykur skilning á sjálfum okkar og lífi okkar. Gyða Dröfn býður upp á fyrirlestra og námskeið um meðvirkni fyrir einstaklinga, hópa og fyrirtæki - hvernig meðvirkni verður til, hvernig hún þróast og hindrar okkur í að eiga heilbrigð samskipti við okkur sjálf og aðra. Gyða Dröfn býður einnig upp á núvitundarnámskeiðið Lífið er núna fyrir einstaklinga, hópa og fyrirtæki. Til að panta tíma í ráðgjöf, panta fyrirlestur eða námskeið er hægt að senda póst á netfangið: heillheimur@heillheimur.is eða hringja í síma 697 4545. Einnig boðið upp á Skype/Face Time viðtöl.
