Mental ráðgjöf

09/11/2025

Hugvekjan Hátíðar(v)andi? sló í gegn í aðdraganda jólanna á síðasta ári og í ár mætum við aftur til leiks með erindið.

Heilsueflandi hugvekja um hátíðarhöldin og hvernig fjölskylduboðin, þvottakarfan og frændfólkið með lélegu brandarana geta haft áhrif á okkur sjálf, samstarfsfólk og vinnustaði.

Markmiðið er að auka vitund og skilning á þeim álags- og streituþáttum sem geta fylgt hátíðunum. Með því að vera meðvituð um margvíslega fylgifiska getum við lágmarkað neikvæð áhrif á eigin líðan og störf.

Kíktu í athugasemdir til að tryggja þínum vinnustað hugvekjuna áður en streitan og álagið fer að hafa skaðleg áhrif á starfsfólk og vinnustaðinn.

03/11/2025

Stuðlum að jákvæðri geðheilsu á vinnustað

Nokkur laus sæti á vinnustofu Mental í samstarfi Opna háskólann í HR

Ef þú hefur verið að velta fyrir þér hvernig þú getur styrkt andlega líðan og geðheilbrigði í þínu teymi og langar að eignast hagnýt verkfæri sem hægt er að nota strax í daglegu starfi, þá er þetta frábært tækifæri.

Vinnustofan er opin öllum og hentar sérstaklega:
• Mannauðsstjórum og mannauðsfulltrúum
• Stjórnendum og teymisstjórum
• Trúnaðarmönnum og boðberum geðheilsu á vinnustöðum (mental health champions)
• Öllum sem vilja efla traust, samskipti og stuðning á vinnustað

Það sem gerir þetta tækifæri sérstaklega verðmætt:
• Þú færð lifandi fræðslu og verkfæri sem við höfum þróað og notað í fjölda fyrirtækja
• Þú hittir aðra stjórnendur og mannauðsfólk sem eru að takast á við svipaðar áskoranir
• Við deilum reynslu, áskorunum og lausnum sem virka í raun

Þetta er hagkvæm leið til að sækja vinnustofu af þessu tagi fyrir aðeins 49.000 kr.

Dags. og tími og frekari upplýsingar & skráning hér:
https://www.oh.ru.is/namskeid/studladu-ad-jakvaedri-gedheilsu/356827

Við hlökkum til að hitta ykkur!

Með þessari vinnustofu er markmiðið að auka vitund og skilning stjórnenda á geðheilbrigði á vinnustað og að byggja upp færni og sjálfstraust meðal þeirra til að taka þátt í innihaldsríkum samtölum um geðheilbrigði við starfsfólk sitt.Í lok vinnustofu munu stjórnendur:Vera...

29/10/2025

Hér má horfa á upptöku frá veffundi mannauðslausna Advania Ísland - Samtalið mótar menninguna en þar ræddi Helena um mikilvægi reglulegra innlita og samræmds sjórnendatakts í því að móta sálfræðilegt öryggi og menningu stuðnings á vinnustöðum.

Athugið að nauðsynlegt er að skrá sig inn á veffundinn til að opna á upptökuna.

Þriðjudaginn 30. september héldum við veffund í beinni útsendingu undir yfirskriftinni Samtalið mótar menninguna: Hvert er hlutverk stjórnenda í að byggja upp traust, tengsl og árangur? Guðríður Hjördís Baldursdóttir vörustjóri hjá mannauðslausnum Advania ræddi þar við Helen...

28/10/2025

Rafrænn kynningarfundur - miðvikudaginn 29. október kl. 15.

Á Mannauðsdeginum í síðustu viku fundum við hjá Mental ráðgjöf fyrir ótrúlega miklum áhuga á rafræna fræðsluvettvanginum okkar (https://skoli.mentalradgjof.is/) og við fundum svo sterkt fyrir þörfinni og áhuganum á því að auka færni og vekja leiðtoga og starfsfólk til vitundar um málaflokka eins og geðheilbrigði, samskipti og leiðtogafærni.

Til að svara þessum áhuga bjóðum við nú til opins rafræns kynningarfundar á Teams, þar sem Hilja Guðmundsdóttir, sérfræðingur hjá Mental og Berglind Harðardóttir, mannauðsstjóri Árborgar kynna vettvanginn og sýna hvernig Árborg hefur nýtt vettvanginn til að ná til alls starfsfólks með lifandi og markvissri fræðslu.

👉 Kynntu þér málið og skráðu þig hér:
https://skoli.mentalradgjof.is/kynningvettvangs

Þetta verður hnitmiðaður og rafrænn fundur þar sem þú færð innsýn í efni og uppbyggingu fræðsluvettvangsins, dæmi um hvernig hann hefur verið nýttur í Árborg og hugmyndir um hvernig hægt er að innleiða slíka fræðslumöguleika á þínum vinnustað.

Við vonum að sjá sem flest.

hashtag hashtag hashtag hashtag hashtag hashtag

29/09/2025

Helena verður í vefspjalli Advania Ísland á morgun þriðjudag kl 10 í beinni útsendingu.

Skráning er enn opin!

Þriðjudaginn 30. september höldum við veffund í beinni útsendingu undir yfirskriftinni Samtalið mótar menninguna: Hvert er hlutverk stjórnenda í að byggja upp traust, tengsl og árangur? Guðríður Hjördís Baldursdóttir vörustjóri hjá mannauðslausnum Advania ræðir þar við Hele...

27/09/2025

Kærar þakkir til Starfsmannafélag Kópavogs - SfK fyrir frábæran dag, frábæra mætingu og góðar stundir. Það er sannur fengur að vinna með ykkur! 💛

Í gær var haldinn vel heppnaður trúnaðarmannadagur á Hótel Kríunesi og mætingin var vægast sagt frábær! Um fimmtíu manns tóku þátt; trúnaðarmenn, starfsfólk

25/09/2025

Halló Vestmannaeyjar,

Uppskriftin að góðri geðheilsu, er eitt af okkar vinsælustu og gagnlegustu fræðsluerindum.

Og nú verður það í boði í opnu námskeiði í í samvinnu við - eyjar - fræðslu og símenntunarmiðstöð Vestmannaeyja í október.

📅 Þriðjudagur 7. október 2025 kl. 16:15
📍 Viska – fræðslu- og símenntunarmiðstöð, Vestmannaeyjum
💰 Verð: 4.900 kr. á mann
➡️ Sértilboð: Fyrirtæki sem senda 5 starfsmenn eða fleiri fá hópverð.

Við hlökkum til að sjá ykkur sem flest.

Geðheilbrigði á vinnustað er orðið eitt mikilvægasta úrlausnarefni samtímans – og nú gefst þér tækifæri til að fá hagnýta leiðsögn og innblástur.

16/09/2025

🌱 Við erum að stækka

Undanfarnar vikur hafa verið ævintýri líkast! Verkefnin hrúgast inn og við höldum áfram að vaxa. Það gleður okkur ótrúlega að geta fengið Elísabetu aftur til okkar hjá Mental ráðgjöf, nú í hlutastarfi, eftir þörfum og í takt við vöxt fyrirtækisins.

Elísabet er meistaranemi í mannauðsstjórnun við Háskólann á Bifröst og sérfræðingur í kennslufræðum með 18 ára reynslu úr skólastarfi. Hún hefur víðtækan bakgrunn, allt frá kennslu og ráðgjöf til starfa í snyrtibransanum og verslunstörfum á yngri árum, og sameinar þannig fjölbreytta lífs- og starfsreynslu.

Við þekkjum hana vel frá því hún var hjá okkur í starfsþjálfun síðasta vor og vitum að hún kemur með faglega nálgun, jákvæða orku og dýrmætan stuðning í okkar litla teymi. Elísabet hefur brennandi áhuga á fólki, samskiptum og því hvernig við getum skapað nærandi og heilbrigt starfsumhverfi. Hún nýtir reynslu sína og menntun til að styðja við einstaklinga og teymi á vinnustöðum með hlýju, innsæi og fagmennsku.

Þó hún verði ekki hjá okkur alla daga og í all nokkurri sveigjanlegri mynd, þá erum við ótrúlega þakklátar fyrir að hafa hana með á þessari vegferð. Það er sérstök tilfinning að geta haldið áfram samstarfi með manneskju sem hefur þegar lagt sitt af mörkum og skilur vel í hvaðan við erum að koma og hvert við ætlum okkur að fara.

Við biðjum ykkur um að bjóða hana Elísabetu velkomna til okkar með okkur 👏🏼

11/09/2025

Hvernig líður þér?

Í september snýst allt um gula litinn, lit vonar og samstöðu í kringum forvarnir gegn sjálfsvígum og mikilvægi þess að við tölum opinskátt um geðheilsu.

Gulur september minnir okkur á að spyrja: „Hvernig líður þér?“ og þora að stíga inn í samtölin sem skipta máli.

Á vinnustöðum er þetta sérstaklega mikilvægt. Þar eyðum við stórum hluta lífsins, með samstarfsfólki sem við sjáum oft meira af en vinum og fjölskyldu. Ef vanlíðan fer framhjá okkur eða við þorum ekki að vekja máls á vanlíðan getur hún vaxið og orðið að dýpri vanda. En ef við grípum snemma inn, með hlýju og athygli, getum við skipt sköpum.

Geðheilsa á vinnustöðum. Sameiginleg ábyrgð okkar allra

Andleg vanlíðan er algeng: streita, kvíði, kulnun og svefnvandi eru allt hluti af daglegum veruleika margra. Flest okkar munu á einhverjum tímapunkti glíma við tímabil þar sem orkan dvínar, hegðun breytist eða samskipti verða erfiðari.

Á vinnustöðum birtist þetta í skertri einbeitingu, aukinni fjarveru, samskiptaörðugleikum eða einfaldlega í því að manneskja sem áður var lífleg dregur sig til baka.

Við þurfum ekki að vera sérfræðingar til að bregðast við. Það sem skiptir máli er að við séum til staðar, sem manneskjur, samstarfsfélagar og stjórnendur.

Sálræn fyrsta hjálp er einföld en áhrifarík færni

Þegar við tölum um fyrstu hjálp hugsum við oft um hjartahnoð eða að setja plástur á sár. En það er líka til fyrsta hjálp fyrir andlega heilsu. Hún kallast sálræn fyrsta hjálp.

Sálræn fyrsta hjálp byggir á þremur einföldum meginreglum:

KANNA: taka eftir breytingum í hegðun, orku eða samskiptum.
HLUSTA: vera til staðar, án þess að dæma eða hoppa beint í lausnir.
TENGJA: styðja við næstu skref, hvort sem það er að ræða úrræði innan vinnustaðarins eða benda á aðstoð utan hans.

Þetta eru ekki flókin atriði, en þau krefjast hugrekkis. Hugrekkis til að stíga fram, spyrja og sýna að okkur sé ekki sama.

Af hverju skiptir máli að þora?

Í starfi okkar hjá Mental ráðgjöf sjáum við aftur og aftur að erfiðustu starfsmannamál á vinnustöðum eiga oftar en ekki rætur að rekja til einhvers sem byrjaði smátt. Smá vanlíðan sem enginn nefndi, pirringur sem safnaðist upp, þreyta sem enginn spurði um.

Ef einhver hefði staldrað við og sagt: „Ég sé að þú ert ekki alveg eins og þú átt að þér að vera, viltu tala um það?“ hefði í mörgum tilfellum verið hægt að koma í veg fyrir að vandinn þróaðist í krísu.

Þögnin er hættulegri en samtalið.

Gulur september er kjörið tækifæri til að opna umræðuna

Gulur september er ekki bara mánuður til að huga að eigin geðheilsu, hann er líka tækifæri til að byggja menningu á vinnustöðum þar sem það er í lagi að tala um líðan. Þar sem við könnum, hlustum og tengjum.

Þetta snýst ekki um að leysa vanda og við þurfum síður en svo að vera sálfræðingar. Þetta snýst um að opna fyrir samtöl, nærandi samveru og stuðning.

02/09/2025

Þessi hugsun er algeng en ef við leyfum , þá gerum við ekkert. Þegar ekkert er gert getur málið vaxið og orðið að bolta sem er mun erfiðara að takast á við síðar.

Það sem skiptir máli er ekki að finna hin fullkomnu orð heldur að þora að mæta óþægindunum. Að sýna einlæga nærveru og hlýju og vera bara til staðar.

Það er hægt að þjálfa sig í sálrænni fyrstu hjálp og öðlast þannig hugrekkið til að taka samtalið og í tilefni af gulum september er námskeiðið hjá okkur á 50% afslætti :

Að kunna að veita sálræna fyrstu hjálp styður við sálfræðilegt öryggi og vellíðan á vinnustað og eykur líkur á snemmtækum inngripum. Á námskeiðinu lærir þú að þekkja merki vanlíðanar, bregðast við af næmni og hlýju og styðja við starfsfólk á uppbyggilegan hátt. ....

01/09/2025

Það þarf hugrekki til að hlusta og að bregðast við

Á Mannauðsdeginum föstudaginn 3. október í Hörpu setjast Inga Hjaltadottir (COWI á Íslandi) og Helena Jónsdóttir (Mental ráðgjöf) í sófann á sviðinu.

Þar munu þær ræða ítarlega um það hvernig COWI hafði svo sannarlega hugrekki til að hlusta og bregðast markvisst við versnandi líðan starfsfólks....og hvaða áhrif það hafði á hina ýmsu þætti sem snúa að andlegri líðan og starfsánægju og árangur fyrirtækisins.

Í samstarfi við okkur hjá Mental ráðgjöf var unnið að faglegri greiningu, markvissri aðgerðaáætlun og nýjum stjórnendatakti sem skapaði jarðveg fyrir raunverulegar breytingar.

Í sófanum ætlum við að draga fram hvað virkaði, hvað kom á óvart og hvernig lærdómurinn getur nýst öðrum vinnustöðum.

Mannauðsdagurinn er stærsti vettvangur ársins í mannauðsmálum, stútfullur af innblæstri, tengingum og hugmyndum sem nýtast strax í daglegu starfi.

Við Hilja hlökkum til að hitta ykkur í Hörpu, í salnum, á sófanum, í kokteilnum eða á básnum okkar og hvetjum þau ykkar sem ætla sér að vera í Hörpunni þennan dag til að tryggja sér sæti á sófaspjallið góða.

👉 Skráning:

Ef aðgöngumiðar eru keyptir fyrir 15. september kosta þeir: – 45.000 kr. fyrir félagsfólk– 50.000 kr. fyrir aðra gesti

25/08/2025

Á vinnumarkaði þar sem kröfur um sveigjanleika, mannlega leiðtoga og sálfræðilegt öryggi aukast stöðugt, skiptir ekki lengur máli bara hvernig við tengjumst starfsfólki heldur einnig hversu reglulega.