Sjúkraþjálfun Grafarholts

30/12/2025

Við í Sjúkraþjálfun Grafarholts óskum ykkur gleðilegrar hátíðar og farsældar á komandi ári!🥳

29/10/2025

04/09/2025

Það gleður okkur mikið að tilkynna að Smári Hrafnsson hefur gengið til liðs við okkur í Sjúkraþjálfun Grafarholts.

Smári útskrifaðist sem sjúkraþjálfari frá Háskóla Íslands árið 2019 og hefur unnið hjá Hæfi endurhæfingastöð og Klíník Sjúkraþjálfun. Einnig hefur hann starfað með karlaliði Fylkis í fótbolta árin 2022-2024 og karlaliði Fjölnis í körfubolta síðastliðin tímabil.

Smári hefur mikinn áhuga á íþróttum og hefur spilað og þjálfað körfubolta í mörg ár. Áhugasvið hans innan sjúkraþjálfunar eru endurhæfing íþróttameiðsla og stoðkerfisvandamála, styrktar- og þrekþjálfun og einnig öldrunarsjúkraþjálfun.

Hægt er að bóka tíma hjá okkur í síma 588-0340 eða með því að senda tölvupóst á sjukraholt@sjukraholt.is

01/01/2025

Við hjá Sjúkraþjálfun Grafarholts sendum okkar bestu nýárskveðjur og þökkum um leið fyrir samveruna á árinu sem er að líða ❤

Megi nýja árið færa ykkur hamingju og góða heilsu ✨

Davíð, Hlynur, Eyja og Þórkatla

25/09/2024

Það gleður okkur að tilkynna að í byrjun október mun Þórkatla María Halldórsdóttir sjúkraþjálfari hefja störf hjá Sjúkraþjálfun Grafarholts.

Þórkatla útskrifaðist í sumar frá Háskóla Íslands með M.Sc. gráðu í sjúkraþjálfun og sem nemi starfaði hún meðal annars hjá Gáska og á Landakoti. Þórkatla hefur mikinn áhuga á bæði öldrunarsjúkraþjálfun og meðhöndlun íþróttameiðsla og er í dag sjúkraþjálfari meistaraflokks HK í handbolta og Þróttar í knattspyrnu.

Hægt er að bóka tíma hjá henni nú þegar í síma 588-0340 eða með því að senda tölvupóst á sjukraholt@sjukraholt.is

01/01/2024

04/10/2023

Vatnsleikfimi
Við höfum opnað fyrir skráningu í vatnsleikfimi undir leiðsögn sjúkraþjálfara í Mörkinni, Suðurlandsbraut 64, á mánudögum og miðvikudögum 14:50. Lengd námskeiðs er 4 vikur. Æfingar í vatni geta hentað vel fyrir einstaklinga með einkenni frá stoðkerfi. Æfingarnar eru settar upp með áherslu á aukningu úthalds, styrks og liðleika. Einstaklingar geta verið á mismunandi stað í sinni endurhæfingu en tímarnir verða settir upp þannig að allir ættu að að hafa gagn og gaman af hverjum tíma óháð líkamlegu ástandi.

Til að byrja með munum við bjóða upp á einn hóp klukkan 14:50 á mánudögum og miðvikudögum. Fyrsti tími verður mánudaginn 16.10.2023.

Verð er samkvæmt gjaldskrá Sjúkratrygginga Íslands ásamt komugjaldi ef einstaklingur er með beiðni. Kostnaður fer eftir stöðu einstaklings innan heilbrigðiskerfisins.

Skráning fer fram í gegnum sjukraholt@sjukraholt.is eða í síma 588-0340. Taka skal fram nafn, kennitölu, símanúmer.

Physiotherapist

11/07/2023

Davíð, Eyja og Hlynur taka vel á móti ykkur í Sjúkraþjálfun Grafarholts!

Frekari upplýsingar á https://sjukraholt.is/