Gló Æfingastöð

10/11/2025

10/11/2025

10/11/2025

Það var frábær stemmning á Allir með leikunum í ár eins og áður. Þetta er afar mikilvægt verkefni sem hefur nú þegar skilað árangri með auknum tækifærum fyrir börn til íþróttaþátttöku. Gló Æfingastöð tók þátt í viðburðinum eins og áður enda markmið okkar að vera með í að skapa tækifæri fyrir öll börn til að tilheyri og taka þátt

07/11/2025

Guðbjörg Eggertsdóttir sjúkraþjálfari á Gló Æfingastöð hlaut tilnefningu til Míuverðlaunanna 2025 sem afhent voru í október síðastliðinn. Verðlaunin eru veitt árlega af góðgerðarfélaginu Mia Magic til að heiðra fólk sem hefur unnið ómetanlegt starf fyrir langveik börn og fjölskyldur þeirra.
Þar sem Guðbjörg komst ekki á verðlaunaafhendinguna í október mætti Þórunn Eva stofnandi Mia Magic á Gló Æfingastöð í gær og afhenti Guðbjörgu viðurkenningarskjal fyrir tilnefninguna.

Til hamingju elsku Gugga - það eru forréttindi að hafa þig í Gló Æfingastöðvar teyminu ✨

06/11/2025

04/11/2025

Dagskrá Allir með leikana er komin!
Sjáumst hress á laugardaginn í Laugardalnum

Frétt í fyrstu athugasemd

27/10/2025

Í dag er alþjóðlegur dagur iðjuþjálfunar og er yfirskrift dagsins „iðjuþjálfun í verki.“

Á Æfingastöðinni er iðjuþjálfun miðuð við þörf hvers og eins og unnin í nánu samstarfi við börnin og fjölskyldur þeirra. Markmiðið er að auka færni barnsins til þess að það eigi auðveldara með þáttöku í leik og daglegum viðfangsefnum sem hafa þýðingu fyrir það.

Þjónusta iðjuþjálfa getur verið ýmiss konar, allt frá því að aðstoða barnið við að bæta færni sína í eigin umsjá, svo sem að klæða sig, snyrta og matast, yfir í að þjálfa fínhreyfifærni, svo sem grip, handbeitingu og vinnulag.

22/10/2025

Á Bleika deginum berum við Bleika slaufan og lýsum skammdegið upp í bleikum ljóma 🩷 🎀 Við minnum á mikilvægi þess að konur og kvár fari í reglubundna skimun fyrir brjóstakrabbameini og leghálskrabbameini.

👉 Fögnum nýju nafni og nýrri ásýnd! 🩷

21/10/2025

Námskeið í hjólastólafærni fyrir notendur handknúinna hjólastóla verður laugardagana 25. október, 1. og 8. nóvember kl. 12.10-13.30
Markmið námskeiðsins er að einstaklingar verði sjálfstæðari og öruggari að takast á við hindranir í hversdeginum og hafi betri stjórn á hjólastólnum sínum.
Meðal þess sem verður farið í:
✅ Að ýta sér í hjólastól á sem auðveldastan hátt.
✅ Að komast yfir kanta, upp rampa og yfir gróft undirlag.
✅ Að færa sig milli stóla og frá gólfi upp í hjólastól.
✅ Viðhald á hjólastólum.
📅 Hvenær: [Laugardag 25. október, 1. nóvember og 8. nóvember kl.12:10 - 13:30]
📍 Hvar: Íþróttahús Íþróttafélags fatlaðra í Reykjavík, Hátúni 14, 105 Reykjavík]
👩‍🏫 Kennari: [Hákon Atli Bjarkason, hjólastólatækniþjálfari frá RG í Svíþjóð]
💪 Fyrir hverja: [Alla sem nota handknúinn hjólastól, hvort sem er til skemmri eða lengri tíma]
Ekki þarf að greiða fyrir námskeiðið en skráning er nauðsynleg.
📩 Skráningarhlekk má finna hér:
https://docs.google.com/forms/d/e/1FAIpQLSfIRZudB3SRSSS_OxnU4nqSaFrRz4uVPqyJL2kx62g4gyf4Lw/viewform

Fyrir frekari upplýsingar hafið samband við Örnu Sigríði, arna@sjalfsbjorg.is.

21/10/2025

Föstudaginn 24. október 2025 fer fram Kvennaverkfall um land allt.

Í ár minnumst við að 50 ár eru liðin frá kvennafrídeginum árið 1975, þegar 90% kvenna á Íslandi lögðu niður störf til að undirstrika mikilvægi vinnuframlags kvenna og krefjast raunverulegs jafnréttis. Þrátt fyrir áfangasigra er baráttunni langt í frá lokið.

Konur og kvár eru hvött til að leggja niður bæði launuð og ólaunuð störf og sýna samstöðu með kröfum Kvennaárs. Vegna þessa má búsast við röskun á öllu samfélaginu þennan dag og á það einnig við hjá okkur á Æfingastöðinni.

Við styðjum jafnréttisbaráttu kvenna og kvár með hvatningu til þátttöku í kvennaverkfallinu. Það er ljóst að án þeirra verður ekki unnt að halda uppi starfsemi á Æfingastöðinni föstudaginn 24. október.

Þar sem um er að ræða mikilvæga jafnréttisbaráttu vonum við að öll sýni þessu skilning.