Starfsemi Samhjálpar
Markmið Samhjálpar er að veita bjargir til þeirra einstaklinga sem halloka hafa farið í lífinu, vegna sjúkdóma, fátæktar eða annarra samfélagslegra vandamála og með því stuðla að velferð og sjálfsbjörg þeirra. Hjálparstarf Samhjálpar á sér 45 ára sögu og allan þann tíma hafa samtökin staðið vaktina fyrir þá sem minna mega sín eða glíma við áfengis- og vímaefnavanda.
Samhjálp rekur meðferðarheimili fyrir 30 einstaklinga. Fjögur áfangahús og kaffistofu fyrir þá sem minna mega sín, og nytjamarkað. Að staðaldri eru 90 manns í langtímaúrræði á vegum Samhjálpar á hverjum degi.
Eftirtalin úrræði eru á vegum Samhjálpar. Meðferðaheimilið Hlaðgerðarkot; Áfangahúsið Brú; Áfangahúsið Spor; Áfanga- og stuðningsbýlið M18 og Nýbýlavegi 30; Kaffistofan Borgartúni og Nytjamarkaður í Ármúla.
Skrifstofa Samhjálpar
Skrifstofa Samhjálpar er í Hlíðasmára 14 í Kópavogi. Opið er alla virka daga frá kl. 10-14. Við erum í hverfinu fyrir ofan Smáralind. Samgöngur eru greiðar til okkar úr öllum áttum. Fyrir þá sem nota almenningsvagna þá stoppar leið 24 rétt hjá okkur. Um 5 mínútna ganga er frá stoppistöð til okkar.
Auk skrifstofu er til húsa símaver Samhjálpar. Við hvetjum áhugasama til að líta við hjá okkur og kynna sér starfið. Hjá okkur er alltaf heitt á könnunni og við bjóðum gesti velkomna.
Hlaðgerðarkot
Meðferðarheimilið Hlaðgerðarkot í Mosfellsdal, elsta nústarfandi meðferðarheimili landsins. Hægt er að hringja og skrá sig í meðferð í síma 566-6148 eða senda póst á hladgerdarkot@samhjalp.is
Hlaðgerðarkot hefur verið starfrækt frá árinu 1974. Við getum tekið á móti 30 einstaklingum, 20 körlum og 10 konum. Hjá okkur er að staðaldri biðlisti. Í Hlaðgerðarkoti er ekki boðið upp á afeitrun/niðurtröppun. Þeir sem þurfa á slíkri þjónustu að halda, er bent á Landspítalann, deild 33a eða sjúkrahúsið Vog. Meðferðin í Hlaðgerðarkoti tekur þrjá mánuði, en einstaklingar geta dvalið lengur ef þurfa þykir samkvæmt nánara samkomulagi. Fjölmargir einstaklingar hafa farið í gegnum áfengis-og vímuefnameðferð í Hlaðgerðarkoti með góðum árangri. Um helmingur þeirra sem innritast í meðferð eru á aldrinum 18-39 ára. Ásókn eftir að komast að í Hlaðgerðarkot hefur aukist á liðnum árum og biðlistinn lengst.
Kaffistofa Samhjálpar
Matur í boði fyrir þá sem þurfa á því að halda.
Kaffistofa Samhjálpar er í Borgartúni 1a, og er opin alla daga frá kl. 10 - 14 en þar er boðið upp á morgunkaffi, meðlæti og heita máltíð í hádeginu, alla daga ársins, helgar jafnt sem helgidaga. Reykjavíkurborg er helsti bakhjarl Kaffistofunnar og nýlega var undirritaður þriggja ára samstarfssamningur Reykjavíkurborgar og Samhjálpar um reksturinn.
Um 67 þúsund máltíðir eru gefnar á Kaffistofunni á hverju ári. Því miður er það svo að þótt betur ári nú í þjóðfélaginu hefur ekki dregið úr aðsókn á Kaffistofuna eins og ef til vill mætti búast við. Þvert á móti hefur aðsóknin aukist og hefur þörfin sjaldan verið meiri.
Áfangaheimilið Spor
Einstaklingsherbergi
Á Spori eru 17 einstaklingsherbergi með sameiginlegri eldhús- og baðaðstöðu. Áfangaheimilið er hugsað fyrir þá sem eru nýkomnir úr langtíma áfengis- og vímuefnameðferð og eiga ekki í önnur hús að venda.
Strangar kröfur eru gerðar til umsækjenda varðandi þátttöku í eftirmeðferðarstarfi. Boðið er upp á fundi og einkaviðtöl miðað við þarfir hvers og eins. Dvalargjald er greitt fyrirfram og í upphafi er greitt tryggingargjald.
Umsjónarmaður áfangaheimilanna er Ragnheiður B Svavarsdóttir. Umsókn sendist á netfangið: afangaheimili@samhjalp.is.
Áfangaheimilið Brú
Einstaklingsíbúðir
Á áfangaheimilinu Brú eru 19 einstaklingsíbúðir. Til þess að komast að á Brú þurfa umsækjendur að hafa lokið langtímameðferð. Almenna reglan er sú að fólk nýkomið úr áfengis- og vímuefnameðferð dvelji á áfangahúsinu Spori fyrstu mánuðina. Alla jafna er fólk nýkomið úr meðferð ekki innritað beint á Brú. Á meðan á dvölinni stendur þurfa íbúar að sækja um nám, vinnu eða nýta sér stuðningsnet sem í boði eru.
Markmið þeirrar félagslegu aðhlynningar sem veitt er á áfangaheimilinu er að gera skjólstæðingum kleift að temja sér nýja lífshætti og varanlegt bindindi á eigin ábyrgð. Íbúum er skylt að sækja AA fundi og þá fundi og viðtöl sem eru á vegum Samhjálpar. Samanlagður dvalartími í áfangahúsum Samhjálpar eru tvö ár. Mikilvægt er fyrir íbúa að huga tímanlega að framtíðarlausn í húsnæðismálum sínum.
Áfanga- og stuðningsheimilið M18
Stuðningsheimili fyrir 8 karlmenn
Áfanga- og stuðningsheimilið að Miklubraut 18 er rekið í samvinnu við Félagsþjónustuna í Reykjavík og er heimili fyrir heimilislausa Reykvíkinga. Á heimilinu er pláss fyrir átta karla og hefur hver sitt eigið herbergi, utan einn sem hefur til umráða litla einstaklingsíbúð. Önnur aðstaða er sameiginleg. Heimilið er nokkurskonar áfangaheimili en með miklum stuðningi. Heimilismenn eru í virku sambandi við félagsráðgjafa á vegum borgarinnar. Ásamt því á yfirmaður reglulega fundi og einkaviðtöl við heimilismenn. Markmiðið með heimilinu er að styðja þá einstaklinga sem ekki hafa náð bata eftir hefðbundnum meðferðarúrræðum.
Áfanga- og stuðningsheimilið Nýbýlavegi 30
í Kópavogi er rekið fyrir velferðarsvið Kópavogs og er kynjaskipt.
Þar er pláss fyrir átta einstaklinga og hefur hver sitt eigið herbergi. Önnur aðstaða er sameiginleg. Heimilismenn eru í virku sambandi við félagsráðgjafa á vegum Kópavogsbæjar, ásamt því að yfirmaður og starfsmenn heimilisins eiga reglulega fundi og einkaviðtöl við heimilismenn. Markmiðið með heimilinu er að styðja einstaklingana til að ná tökum á lífi sínu og komast aftur út í daglegt líf.
Nytjamarkaður Samhjálpar
Nytjamarkaður Samhjálpar er í Ármúla 11, 108 Reykjavík. Hann er opinn alla virka daga kl. 11-18 og á laugardögum kl.13-15. Tekið er á móti gjöfum á sama tíma. Hægt er að hringja í síma 842-2030 fyrir nánari upplýsingar. Facebooksíða Nytjamarkaðarins er: http://www.facebook.com/nytjamarkadursamhjalpar Allur ágóði af sölunni rennur til Samhjálparstarfsins.
Á Nytjamarkaðnum kennir ýmissa grasa. Við leggjum áherslu á fatnað og smærri hluti. Hjá okkur er gott úrval af fatnaði og skóm, bæði fyrir börn og fullorðna. Einnig höfum við á boðstólum ýmsilegt til heimilisins, sem og úrval af bókum og tímaritum. Líttu við, sjón er sögu ríkari!
Fjáröflun
Samhjálp reiðir sig á stuðning og velvilja einstaklinga, stofnana og fyrirtækja.
Í Hlíðasmára 14, er rekið símaver. Tilgangur þess er að afla fjár til reksturs samtakanna. Allan ársins hring sinnir símaverið hinum ýmsu fjáröflunarverkefnum og fer hluti af vinnslu Samhjálparblaðsins einnig þar fram. Blaðið kemur út þrisvar á ári
