Norðlingaholt

12/12/2021

Björnslundur er komin í hátíðarskap

29/10/2018

Virðingaríkt tengslauppeldi á foreldramorgnum Árbæjarkirkju.

Þriðjudaginn 30. október kl. 10:00 verður fræðsluerindi um virðingaríkt tengslauppeldi(RIE) á foreldramorgunum Árbæjarkirkju. Kynninguna heldur Kristín Björg Viggósdóttir iðjuþjálfi og Dance Movement Therapist. Hún hefur unnið með börnum með þroskaraskanir og foreldrum þei...

23/10/2018

Munum eftir að kjósa..

Rafræn hverfakosning Reykjavíkurborgar. Taktu þátt og gerðu þitt hverfi ennþá betra.

11/09/2018

Þjónustumiðstöð Árbæjar og Grafarholts, í þéttu samstarfi við Umhverfis- og skipulagssvið Reykjavíkurborgar ætla að leggja Landvernd lið við að hreinsa upp landið. Við byrjum náttúrulega bara í okkar eigin hverfi og fáum gáma og kör undir úrgang nk. laugardag, 15. september. Við vonum að framtakið mælist vel fyrir og að sem flestir sjái sér fært að taka þátt! Engin mörk eru á magni sem hver og einn týnir upp heldur er það að sem flestir taki til í kringum sig, jafnvel þó ekki væri nema nammipokann sem einhver tæmdi og skyldi eftir á víðavangi.
Góða skemmtun og gangi okkur verkið vel! Margt smátt gerir eitt stórt!

04/09/2018

Íbúasamtökin vekja athygli á því að bílastæðin við Norðlingaskóla sem liggja við Árvað eru ætluð á virkum dögum fyrir kennara skólans. Bílastæðin eru ekki ætluð hjólhýsum, kerrum eða öðru slíku. Vinsamlegast virðið það og gerið ráðstafanir. Takk fyrir.

15/06/2018

Kæru íbúar Norðlingaholts.
Hér er tilkynning frá Barnaverndarstofu.

Kynningarfundur vegna opnunar stuðningsheimilis fyrir börn í Þingvaði 35
Staðsetning: Félagsmiðstöðin Holtið Norðlingabraut 12, 110 Reykjavík
Dagsetning: 25. júní 2018
Tímasetning: kl. 17:00 til 18:00

Barnaverndarstofa mun opna stuðningsheimili fyrir 2 til 3 börn í Þingvaði 35, 110 Reykjavík. Áætlað er að starfsemin hefjist í júlí/ágúst 2018 og er undirbúningur kominn af stað. Stuðningsheimilið verður fyrir börn sem eiga ekki afturkvæmt heim og þurfa stuðning og aðlögun að samfélaginu eftir að hafa lokið meðferð á vegum Barnaverndarstofu. Skilyrði fyrir búsetu á heimilinu er að vera án vímuefna, stunda skóla eða vinnu og fara eftir reglum heimilisins. Mikið verður lagt upp úr öryggi og vernd og verða ávallt 2 til 3 starfsmenn á vakt m.a. í þeim tilgangi að gera nærumhverfið öruggara. Staðsetning heimilisins tryggir aðgengi að fagfólki til stuðnings fyrir börnin, námi og eftir atvikum vinnu, uppbyggilegum og fjölbreyttum tómstundum ásamt útivist og nálægð við fjölskyldur barnanna. Það er von Barnaverndarstofu að íbúar í hverfinu taki vel á móti stuðningsheimilinu svo börnunum finnist þau vera velkomin í hverfið og fullgildir íbúar í nærsamfélaginu. Það eitt og sér getur haft mjög jákvæð áhrif á öryggi og dvöl barnanna á heimilinu.

Af þessu tilefni boðar Barnaverndarstofa til kynningarfundar þann 25. júní kl. 17:00 til 18:00 í félagsmiðstöðinni Holtinu, Norðlingabraut 12, 110 Reykjavík. Á fundinum munu fulltrúar Barnaverndarstofu kynna fyrirhugaða starfsemi stuðningsheimilisins og svara fyrirspurnum. Einnig verða á fundinum fulltrúar frá barnavernd Reykjavíkur, barnaverndarnefnd Kópavogs og umboðsmanni borgarbúa.

Nágrannar í Þingvaði og nærliggjandi götum og aðrir áhugasamir eru velkomnir á fundinn.

Allar nánari upplýsingar í síma Barnaverndarstofu - 5302600

22/05/2018

Við viljum vekja athygli allra á því að við Norðlingar getum kosið í borgarstjórnarkosningunum 2018 í hverfinu okkar - NORÐLINGASKÓLA- https://reykjavik.is/kosningar.
Í fyrsta skiptið getum við gengið á kjörstað því íbúar vöktu á því athygli við skrifstofu borgarstjóra að við þyrftum að aka á bílum okkar á kjörstað en nú er búið að breyta því. Takk fyrir það. Hafið góðan dag.

Hér að neðan getur þú séð hvar þinn kjörstaður er. Ef þú ert ekki viss um hvort þú ert á kjörskrá þá má fletta upp í kjörskrárstofni hér á vef Þjóðskrár. 

14/05/2018

Föstudaginn 18.maí verður götusópun í Norðlingaholti.

11/05/2018

Vorhreinsun dagana 14. til 18. maí.

08/05/2018

Vorferð Árbæjarkirkju er á sunnudaginn 13.maí. Farið verður í húsdýragarðinn Slakka Laugarási og Skálholtskirkju.
Boðið er upp á grillaðar pylsur og safa fyrir börnin. Allir hjartanlega velkomnir. Skráning stendur yfir.

07/03/2018

Góðan daginn kæru foreldrar Norðlingaskóla og aðrir Norðlingar.

Næsta vika í Norðlingaskóla, dagana 12.-16.mars verður forvarnarvika fyrir nemendur og líka fyrir okkur foreldra.

Mánudaginn 12.mars stendur skólinn, félagsmiðstöðin Holtið, foreldrafélagið, þjónustumiðstöð Árbæjar og Hjólakraftur fyrir fræðslu fyrir foreldra skólans frá kl 17-19.00.

Hlökkum til að sjá ykkur öll sem eitt.

Nefndin,
Lísa Kristjánsdóttir-deildarstjóri
Iðunn Kjartansdóttir - námsráðgjafi
Edda Ó. Einarsdóttir - forstöðumaður Holtsins
Robert Jan Van Spanje - foreldri í Norðlingaskóla
Þorvaldur Daníelsson - Hjólakraftur
Ólafur J. Stefánsson - Hjólakraftur
Arna H. Aradóttir - foreldrafélagið og þjónustumiðstöð Árbæjar

02/03/2018

http://reykjavik.is/hverfid-mitt-2018. Norðlingar.. nú er tækifæri að gera hverfið okkar enn betra. Ertu með hugmynd um að bæta hverfið okkar?