HIV-Ísland

04/12/2025

Alnæmisdagurinn 1. des tókst ljómandi vel. Margir mættu á Hverfisgötuna og góður rómur gerður um erindi Hafdísar Erlu um doktorsverkefnið. (við Hafdís fórum í viðtali á síðdegis útvarpi Rás2 á mánudaginn kl. 17.00) Við minnumst á þessum degi allra félagana sem eru farnir. Takk öll!

27/11/2025

Skýrsla UNAIDS af til efni alnæmisdeginum sem er 1. des!

Gríðarlegur niðurskurður hefur orðið á fjárveitingum til baráttunnar gegn HIV/alnæmi. 30-40% minna fé hefur verið varið til málaflokksins á alþjóðlega vísu 2025 en árið 2023. Óttast er að afleiðingarnar verði skelfilegar. Þetta kemur fram í nýrri skýrslu UNAIDS í tilefni af alnæmisdeginum sem er haldinn 1.desember. Grein í ummælum.
HIV-Ísland Embætti landlæknis

23/11/2025

Alnæmisdagurinn er haldinn hátíðlegur 1. desember ár hvert, um heim allan.

Alþjóðleg yfirskrift dagsins í ár: “Overcoming disruption, transforming the AIDS response."

HIV Ísland hefur opið hús í tilefni dagsins í félagsheimilinu á Hverfisgötu 69, mánudaginn 1. desember frá kl. 15.30.
Við njótum saman veitinga og minnumst átaka mikilli sögu, harmi og sigrum HIV og alnæmis!

Hafdís Erla Hafsteinsdóttir, doktorsnemi í sagnfræði kynnir lokaverkefni Kl. 16.00-16.30
Doktorsritgerðin fjallar í stórum dráttum um sögu HIV/alnæmis á Íslandi, sér í lagi hvernig hugmyndir um HIV/alnæmi mynduðust og mótuðust á Íslandi.

Hörður Torfason ræðir útgefna bók sína “Þegar múrar falla” kl. 17.30.

Nýskráningar HIV jákvæðra hér á landi voru 39 talsins á liðnu ári.
Milljónir manna um allan heim hafa enn ekki aðgengi að HIV lyfjum.
Stigma og mismunun er enn viðvarandi hindrun í lífi margra HIV-jákvæðra.

14/08/2025

Haraldur Briem er fallinn frá. Hann var ljúfmenni og góður fagmaður.
Við þessi eldri eigum margar minningar um það í erfiðum aðstæðum. Blessuð sé minning hans.

10/08/2025

Gleðigangan í gær!..verður í minnum höfð! Allt svo ótrúlega fullkomið.
Gleði..og kærleikur..vinir og fjölskyldur..og veðrið.
Við hjá HIV Ísland erum þakklát!
Hér eru nokkrar myndir frá Gleðigöngu 2025.

07/08/2025

Kæru félagar!

Við tökum að venju þátt í gleðigöngunni næsta laugardag!..með bíl, bílstjóra og tónlist. Bíll sem hægt verður sitja í.
Partý og opið á Hverfisgötu fyrir 12.00. Spes flottar veitingar í og styrkjandi dropar.
Lagalisti frá Andreu Jóns ..dönsum saman.
Saman í litum, samstöðu, mildi, gleði og sýnileika.
Gangan leggur af Stað frá frá Skólavörðuholti kl 14.00.
Spáð frábæru veðri!

Sjáumst stolt…og í biluðu stuði!… 🙂

Sent from my iPad

07/08/2025

Kæru félagar!

Við tökum að venju þátt í gleðigöngunni næsta laugardag!..með bíl, bílstjóra og tónlist. Bíll sem hægt verður sitja í.
Partý og opið á Hverfisgötu fyrir 12.00. Spes flottar veitingar í og styrkjandi dropar.

Dönsum saman..í litum, samstöðu, mildi, gleði og sýnileika.
Gangan leggur af Stað frá frá Skólavörðuholti kl 14.00.
Spáð frábæru veðri!

Sjáumst stolt…og í biluðu stuði!… 🙂

Sent from my iPad

12/02/2025

Reykjavík 12. febrúar 2025

Kæri félagi,

Aðalfundur 27. febrúar 2025

Aðalfundur HIV-Ísland fyrir árið 2025 verður haldinn í húsnæði félagsins Hverfisgötu 69, 101 Reykjavík, fimmtudaginn 27. febrúar næstkomandi kl. 17.00.

Dagskrá fundarins er lögum samkvæmt:
1. Kosning fundarstjóra
2. Kosning ritara.
3. Formaður flytur skýrslu stjórnar um starfsemi félagsins á liðnu starfsári.
4. Gjaldkeri leggur fram til samþykktar endurskoðaða reikninga félagsins.
5. Lagabreytingar ef einhverjar eru.
6. Kosning s*x stjórnarmanna og tveggja skoðunarmanna reikninga.
7. Árgjöld ákveðin.
8. Önnur mál.

Núverandi stjórn er svo skipuð:
Formaður Svavar G. Jónsson
Meðstjórnendur Árni Friðrik Ólafarson
Guðmunur Karlsson
Ingi Rafn Hauksson
Andrew Mc Comb
Jón Helgi Gíslason
Unnur Guðrún Þórarinsdóttir


Atkvæðisrétt á fundinum hafa þeir félagsmenn sem greitt hafa félagsgjöld fyrir árið 2024.

Að loknum fundi verður boðið upp á veitingar.

Fyrir hönd stjórnar HIV-Ísland

____________________________
Einar Þór Jónsson
framkvæmdastjóri

26/11/2024

Alþjóðlegi alnæmisdagurinn
Sunnudaginn 1. Desember 2024

Kæru vinir!

Alþjóðlegur dagur alnæmis er haldinn hátíðlegur þann 1. desember um heim allan.

Dagurinn er tileinkaður minningu þeirra sem látist hafa af völdum alnæmis og baráttunni gegn fordómum og mismunun gagnvart fólki sem er HIV smitað.
42 einstaklingar voru skráðir með HIV hér á landi á liðnu ári 2023.

Í tilefni dagsins er opið hús frá kl. 15 til 18 á Hverfisgötu 69. Næstkomandi sunnudag, þeim fyrsta í aðventu og daginn eftir kosninganótt!. Mætum í samveru hlýju og gleði. Heit jólaglögg og kaffiveitingar.

Kórinn Hrynjandi tekur lagið.
Bjarni Snæbjörnsson, leikari og leikstjóri les úr bókinni „Mennskan“

Verið hjartanlega velkomin!
Stjórnin

13/08/2024

Gleðigangan 2024. Dásamlegur dagur!