Kvíðameðferðarstöðin

13/02/2026

Ekki missa af námskeiðum og hópmeðferðum sem eru að fara af stað á Kvíðameðferðarstöðinni. Skráning og nánari upplýsingar má finna á vefsíðu okkar, sjá hlekk í fyrstu athugasemd.

04/02/2026

Ert þú með áhyggjuvanda?

• Hefur þú áhyggjur af öllu mögulegu, stóru sem smáu?
• Ertu að ofhugsa allt?
• Gengur illa að bægja áhyggjum frá?
• Þolir þú illa óvissu og óvæntar uppákomur?
• Finnurðu oft fyrir spennu, eirðarleysi, pirringi, þreytu eða svefntruflunum?
• Áttu erfitt með að slaka á og njóta lífsins?

Næsta námskeið við áhyggjuvanda hefst 11. mars
Skráning og nánari upplýsingar má finna á vefsíðu okkar, sjá hlekk í fyrstu athugasemd.

02/02/2026

Myndir þú vilja losna við áhyggjur?
Sóley Dröfn Davíðsdóttir, yfirsálfræðingur við Kvíðameðferðarstöðina, skrifar á Vísi um gagnsemi áhyggja og hvernig draga megi úr þeim.

Hlekkur á grein: https://www.visir.is/g/20262837527d/myndir-thu-vilja-losna-vid-ahyggjur-

02/02/2026

Nú fer hver að verða síðastur að skrá sig á samskiptanámskeiðið sem hefst klukkan 17 á morgun, með Benedikt Erlingsssyni leikara og leikstjóra og Sóleyju D. Davíðsdóttur sálfræðingi. Skráning á kms@kms.is.

-námskeið með Benedikti Erlingssyni leikara og leikstjóra og Sóleyju D. Davíðsdóttur sérfræðingi í klínískri sálfræði og yfirsálfræðingi við Kvíðameðferðarstöðina…

26/01/2026

Nýverið hélt Benedikt Erlingsson leikari og leikstjóri frábært erindi fyrir okkur á Kvíðameðferðarstöðinni um status í mannlegum samskiptum. Í erindinu fjallar Benedikt um mannleg samskipti út frá einni af frumstæðustu hvötum mannsins, stöðutöku. Með leikrænum tilþrifum útskýrir Benedikt hvernig rödd, líkamsbeiting, staða í rými og orðaval verði að valdatækjum í hinum frumstæða, og oft ómeðvitaða, leik sem við stöndum í daglega. Markmiðið með erindi Benedikts er að gera þátttakendur meðvitaðri um eigin samskiptamynstur og læsari á aðferðir annarra. Af því tilefni buðum við Benedikt að koma að tveggja kvöld námskeiði um samskipti við KMS sem haldið verður 3. og 4. febrúar en skráning fer fram á kms@kms.is.

-námskeið með Benedikti Erlingssyni leikara og leikstjóra og Sóleyju D. Davíðsdóttur sérfræðingi í klínískri sálfræði og yfirsálfræðingi við Kvíðameðferðarstöðina…

16/01/2026

https://kms.is/hopmedferd/leikni-i-samskiptum/

15/01/2026

Þórdís Halldóra Sigurðardóttir mastersnemi við HR hefur hafið starfsþjálfun við Kvíðameðferðarstöðina og veitir viðtöl á hálfvirði næstu mánuðina.
Óska má eftir viðtölum hjá henni með tölvupósti á kms@kms.is. Þórdís er metnaðargjörn og fersk í fræðunum og mun auk þess starfa undir handleiðslu reynds sálfræðings.

12/01/2026

08/01/2026

Nýverið hélt Sóley Siggeirsdóttir sálfræðingur við KMS afskaplega gott fræðsluerindi fyrir samstarfsaðila sína um átröskun. Sóley starfaði áður við átröskunarteymi Landspítala-háskólasjúkrahús og meðhöndlar nú átröskun og áföll við KMS. Meðferð við átröskun á margt sameiginlegt með kvíðameðferð enda einkennist átröskun af ótta við það að þyngjast. Ómeðhöndluð átröskun getur þó enn fremur haft alvarleg áhrif á heilsuna og lágt sjálfstraust liggur átröskun oft til grundvallar. Meðferðin sem Sóley hefur tileinkað sér við átröskun er skammtíma hugræn atferlismeðferð (á ensku skammstafað CBT-T) sem er ætluð átröskun þar sem undirþyngd er óveruleg. Markmið meðferðar er að koma jafnvægi á næringarinntöku, öðlast sveigjanleika í mataræði og leyfa þörfum líkamans, í bland við löngun, að stýra för, en ekki boðum og bönnum. Teknar eru til endurskoðunar hugmyndir sem fylgja oft átröskun eins og þyngdaraukning verði stjórnlaus ef ekkert er að gert, en jafnframt er sjálfsmyndin styrkt svo hún verði minna háð útliti.

30/12/2025

Viljum vekja athygli á rannsókn á vegum Háskóla Íslands, en þar er boðið upp á fría meðferð við þunglyndi fyrir þá sem taka þátt - fyrir frekari upplýsingar má hafa samband í netfangið rannsokn@hi.is

Við Kvíðameðferðarstöðina (KMS) starfar fjöldi sálfræðinga sem veita sérhæfða meðferð við kvíðaröskunum eins og félagsfælni, ofsakvíða, víðáttufælni, þráhyggju-árátturröskun, afmarkaðri fælni og áfallastreitu.

22/12/2025

Starfsfólk Kvíðameðferðarstöðvarinnar óskar skjólstæðingum sínum og landsmönnum öllum gleðilegrar og notalegrar hátíðar ❤️