Sóltún Heima

28/01/2026

Við getum leyst þig af með styttri eða lengri innlitum, séð um matarinnkaup, böðun, göngutúra og annað sem ástvininn vanhagar um.

Sóltún Heima býður upp á alhliða heimaþjónustu fyrir þau sem á þurfa að halda vegna heilsubrests.

23/01/2026

08/12/2025

Sóltún Heima notar DigiRehab – heimahreyfingu.

Rannsóknir sýna að regluleg og markviss hreyfing eldri borgara eykur styrk, hreyfigetu og dregur verulega úr fallhættu.

Þetta styður sjálfstæði, öryggi og betri lífsgæði til lengri tíma.

DigiRehab er þjálfunarprógram í anda velferðartækni fyrir eldra fólk.

DigiRehab er víða notað í Danmörku og öðrum Evrópulöndum. Yfir 18.000 einstaklingar hafa tekið þátt og niðurstöðurnar eru skýrar: ein klukkustund af þjálfun getur sparað allt að 5 klukkustundir í umönnun.

Þjálfunin styrkir líkamann, minnkar líkur á byltum, bætir svefn, andlega líðan og eykur sjálfstæði í daglegu lífi.

DigiRehab er einföld og áhrifarík lausn sem styður bæði einstaklinginn og léttir álagi á heilbrigðiskerfið – þar sem þörfin fyrir þjónustu eykst en starfsfólki fækkar.

Heimahreyfing er ekki bara hreyfing – hún er forvörn, lykill að sjálfstæði og betri lífsgæðum.

Sendið okkur skilaboð og við segjum ykkur betur frá.

02/12/2025

Heimaþjónusta – virðing og öryggi

Fleiri og fleiri velja heimaþjónustu fyrir ástvini sína – og það er ástæða fyrir því. Heimaþjónusta gerir fólki kleift að búa áfram heima, í sínu eigin umhverfi og halda áfram sínum venjum.

Helstu kostir heimaþjónustu:

• Sjálfstæði og virðing
• Persónuleg og einstaklingsmiðuð þjónusta
• Fagleg aðstoð sem eykur öryggi
• Léttir undir með aðstandendum

…og það er einmitt það sem Sóltún Heima stendur fyrir.

✔ Fagfólk sem starfar af hlýju og virðingu
✔ Samfella og traust í þjónustu
✔ Skýr samskipti við aðstandendur
✔ Sveigjanleiki og aðlögun að þörfum hvers og eins
✔ Byggt á reynslu frá 2017

Heima er best – og við hjálpum fólki að halda því þannig.
Ef þú vilt persónulega, faglega og hlýja þjónustu fyrir ástvin þinn, þá er Sóltún Heima frábær kostur.

26/11/2025

Dagur sjúkraliða er í dag 26. nóvember💛 Sjúkraliðar eru ótrúlega mikilvægur hluti af mannauði Sóltúns og heilbrigðis- og félagsþjónustu út um allan heim. Við óskum öllum sjúkraliðum til hamingju með daginn!🥳

24/10/2025

Bleikur ljómi var yfir öllum starfsstöðvum Sóltúns á Bleika deginum að venju til að sýna samstöðu með þeim konum sem hafa þurft að glíma við brjóstakrabbamein. Starfsfólk og íbúar klæddust bleiku, það var skreytt hátt og lágt með bleiku og Sóltún bauð upp á gómsætar tertur🩷

Kaffi Sól var opið á Sóltúni hjúkrunarheimili þar sem snillingarnir í eldhúsinu töfruðu fram einhverjar glæsilegustu brauðtertur sem sést hafa á heimilinu😋

Starfsfólk notaði bleika hanska við sín störf þessa viku, en hluti af ágóða af sölu þeirra rennur til Krabbameinsfélagsins. Þeir voru reyndar líka notaðir sem blöðrur víðs vegar😊

21/10/2025

Við erum Fyrirmyndarfyrirtæki 2025! 🎉

Við erum ótrúlega stolt að tilkynna að fyrirtækin okkar sem reka Sóltún Reykjavík og Sóltún Sólvangi hafa hlotið viðurkenningu sem Fyrirmyndarfyrirtæki 2025 frá Viðskiptablaðinu og Keldunni✨

Sóltún Reykjavík (Öldungur hf) fékk síðast viðurkenninguna 2020 og Sóltún Sólvangi (Sóltún öldrunarþjónusta ehf) er að fá þessa viðurkenningu í fyrsta sinn.

Þessi viðurkenning er aðeins veitt 2,6% íslenskra fyrirtækja og er skýr staðfesting á því að við erum á réttri leið sem ábyrgt fyrirtæki sem hefur sjálfbærni og velsæld að leiðarljósi👏✨

11/09/2025

Í gær, á Gulum degi, byrjuðum við gula viku hjá Sóltúni. Sú stóra gula lét auðvitað sjá sig í tilefni dagsins🌞 og starfsfólk klæddist gulu. Umhverfið var skreytt með gulum skreytingum og svo var auðvitað gul terta með kaffinu💛

Næsta vika er síðan helguð fræðslu og samstöðu með geðheilbrigði og sjálfsvígsforvörnum;

Er allt í gulu?
Ef þér finnst lífið stundum ekki þess virði að lifa því, leitaðu þá hjálpar.
Ef þú hefur áhyggjur af ástvini/ vini/ vinnufélaga ræddu það við viðkomandi.
Það hjálpar að deila líðan sinni með öðrum.

Hjálparsími Rauða krossins: 1717
Upplýsingamiðstöð Heilsuveru: 1700
Píeta síminn: 552 2218
Neyðarsíminn: 112

08/09/2025

Í dag er Alþjóðadagur sjúkraþjálfara🥳 Hjá Sóltúni búum við svo vel að hafa öfluga sjúkraþjálfara á okkar snærum sem vinna að því alla daga að styrkja og efla líkamlegt atgervi okkar skjólstæðinga, og ekki er aðstoðarfólk þeirra í sjúkraþjálfuninni minna öflugt💪Við óskum öllum sjúkraþjálfurum til hamingju með daginn!