Stuðningur, fræðsla og ráðgjöf fyrir þolendur ofbeldis eða annarra áfalla. Reikn 537-26-12481 kt 5709190240 Býð upp á stuðingsviðtöl með eða án dáleiðslu.
Bæði boðið er upp á viðtöl og slökunardáleiðslu en einnig dáleiðslumeðferðir og Hugræna endurforritun. Félagsfræðingur og dáleiðandi, sérhæfi mig í afleiðingum ofbeldis og áfalla.
Be the first to know and let us send you an email when Líf eftir áföll - Stuðningur, ráðgjöf og fræðsla posts news and promotions. Your email address will not be used for any other purpose, and you can unsubscribe at any time.
Contact The Practice
Send a message to Líf eftir áföll - Stuðningur, ráðgjöf og fræðsla:
Félagið stendur fyrir stuðningi, fræðslu og ráðgjöf til einstaklinga sem orðið hafa fyrir ofbeldi eða öðrum áföllum. Um lággjaldaþjónustu er að ræða en frjáls framlög eru vel þegin til að halda úti húsnæði, fræðslu og námskeiðum. Reikn.nr. 515-14-2614, kt. 570919-0240.
Stjórn félagsins skipa Ragnheiður J. Sverrisdóttir, Sara Bjarney Ólafsdóttir, Sigmar Freyr Jónsson, Sigríður Ingibjörg Jónsdóttir og Guðmundur Ragnar Guðmundsson.
Ég heiti Ragnheiður, oftast kölluð Jonna tek að mér flest viðtölin eins og er en fljótlega mun bætast við liðsauki. Ég útskrifaðist sem félagsfræðingur haustið 2017.
Ég rannsakaði upplifun og afleiðingar ofbeldis í æsku á heilsu og lífsgæði. Linkur á MS rannsóknina:https://skemman.is/…/1946/29035/4/MA.Ofbeldi.RJSokt.2017.pdf
Ég er einnig með BS í sálfræði frá HÍ og viðbótardiplóma á meistarastigi í afbrotafræði. Auk þess hef ég sótt fjölda námskeiða, nú síðast í: Sálrænum áföllum og ofbeldi í EHÍ. Ég er sjálfboðaliði hjá Rauða krossinum í Kópavogi í verkefni sem heitir: Félagsvinur eftir afplánun. Ég hef haldið nokkra fræðslufundi og málþing um afleiðingar ofbeldis og áfalla í æsku á heilsu og lífsgæði. Næsta erindi flyt ég á Þjóðarspegli í HÍ þar sem allir eru velkomnir.
Nýjasta viðbótin er kundalini jógakennaranám sem ég stunda núna en það er mjög öflugt form af jóga og stefni ég því næst á kundalini jógaþerapíunám sem sagt er gagnlegt fyrir úrvinnslu áfalla, fíknar og fleira.
Ég hef mikla ástríðu fyrir að styðja þolendur hvers kyns áfalla, ofbeldis og vanrækslu, sem og að vinna gegn ofbeldismenningu almennt. Viðmælendur rannsóknarinnar og þeir fjölmörgu sem hafa sagt mér frá æskuerfiðleikum benda á hvað erfitt sé oft að fá hlustun. Erfitt að fá að segja frá og það jafnvel í sjálfu heilbrigðiskerfinu. Ég legg því mikla áherslu á að hlusta á það sem fólk hefur að segja, það er taka góða sögu eða eins og skjólstæðingur kýs. Fyrsti tíminn fer oftast í að spjalla og skoða hverjar helstu áskoranir eru og eftir það er meira hægt að kortleggja og vinna út frá þeim upplýsingum.
Ég er sjálf reynslubolti þegar kemur að áföllum og afleiðingum þeirra. Ég hef í gegnum tíðina sótt mörg málþing og ráðstefnur um tengd málefni. Ég er í stöðugri endurmenntun og handleiðslu til þess að auka hæfni mína til að styðja aðra.
Sem betur fer hefur þekking á afleiðingum ofbeldis og hvers kyns áfalla aukist. Rannsóknir hafa leitt í ljós að áföll og sérstaklega hjá þeim sem búið hafa við ítrekað ofbeldi og áföll í æsku eru útsettari fyrir fjölmörgum heilsukvillum og sjúkdómum auk félagslegs vanda. Því er mikilvægt að veita stuðning sem fyrst. Það er þó aldrei of seint að leita aðstoðar en það er hægt að bæta lífsgæði verulega með góðri aðstoð þrátt fyrir áföll og erfiðleika. Að hafa brotið af sér sjálf/ur útilokar ekki viðtöl eða ráðgjöf. Eins og margir vita þá eru það oft sömu einstaklingarnir sem framið hafa ofbeldisbrot eða vanrækt börn sín sem hafa orðið fyrir slíku sjálfir. Það hefur reynst mörgum erfitt að vinna úr sig út úr þeim vanda að hafa valdið öðrum skaða en það er mikilvægt ekki síður en að veita þolendum stuðning. Líkurnar á árangursríkri vinnu gegn ofbeldismenningu gæti verið skilvirkari ef gerendur hvers kyns ofbeldis myndu leita aðstoðar en þá þarf hún að vera aðgengileg. En þegar svona eldfimt umræði efni er ritað er mikilvægt að hafa í huga að þolandi ber ekki ábyrgð á því að verða fyrir ofbeldi, gerandinn ber alltaf ábyrgð á því ofbeldi sem hann fremur.
Stofnuð hafa verið opin félagasamtök sem heita Líf eftir áföll og eru til húsa að Hverfisgötu 105, 10 Reykjavík og er ég með viðtölin á sama stað. Starfsemin er enn í mótun því mun ég hafa verðið hófstillt áfram eða kr. 5000 fyrir viðtal og kr. 4000 fyrir öryrkja og eldri borgara.
Einnig er hægt að fá fjarviðtöl í gegnum internet eða síma.
Athugið að um stuðning, fræðslu og ráðgjöf að ræða ekki meðferð en ég bendi á sálfræðinga, félagsráðgjafa, hjúkrunarfræðinga og marga aðra fagaðila sem sérhæfa sig í úrvinnslu áfalla ef óskað er eftir því.
