FEB Félag eldri borgara í Reykjavík og nágrenni

05/02/2026

Ágætu félagsmenn

Við erum heldur betur að koma sterk til baka!

Vikulegu dansleikirnir okkar hefjast aftur næsta sunnudag 8. febrúar og lofum við – líkt og alltaf – góðri stemningu og stuði🕺💃

Dustið nú endilega rykið af dansskónum og mætið endurnærð eftir smá hvíld, við munum taka vel á móti ykkur.

Hlökkum til að sjá ykkur sunnudaginn 8. febrúar í Stangarhyl 4 klukkan 20:00

Bestu kveðjur,
starfsfólk FEB, Siggi og Sigrid 🎶

30/01/2026

Tvö sæti laus í Spænsku 2 og þrú sæti laus í Spænsku 3.
Námskeiðin hefjast í næstu viku þ.e. fyrstu vikunni í febrúar

Allra síðasti séns að skrá sig.

- Spænska 2 er ætluð þeim sem eitthvað eru komnir af stað (miðvikud. kl. 10:45 – 12:15 og fimmtud. kl. 12:30 – 14:00) - Hefst miðvikudaginn 4. febrúar.
– Spænska 3 er ætluð þeim sem lengra eru komnir og því freistandi að hafa kennsluna að öllu leyti á spænsku – eða eins mikið á spænsku hægt er (mánud. kl. 10:45 – 12:15 og fimmtud. kl. 14:15 – 15:45) - Hefst mánudaginn 2. febrúar.

Spænska 1 er uppseld.

Leiðbeinandi: Kristinn R. Ólafsson
Uppbygging námskeiðs: tvisvar sinnum í viku í 8 vikur hvert námskeið.
Verð: 32.000 kr.
Staðsetning: Námskeiðin eru haldin í sal FEB í Stangarhyl 4.

Skráning fer fram á skrifstofu FEB, í gegnum síma 588 2111 (sími er opinn frá kl. 10:00-14:00 alla virka daga) eða með því að senda tölvupóst á netfangið feb@feb.is

27/01/2026

Tilkynning til félagsmanna FEB.

Aðalfundur Félags eldri borgara í Reykjavík, FEB, fyrir árið 2026 verður í Ásgarði, sal félagsins í Stangarhyl 4 miðvikudaginn 25. febrúar nk. kl. 14:00.

Uppstillingarnefnd félagsins er að störfum skv. 10. gr. laga félagsins.

Nefndin óskar eftir uppástungum/tillögum og framboðum áhugasamra félagsmanna í eftirtalin trúnaðarstörf fyrir félagið:

I. Formaður félagsins, kosinn til tveggja ára.
II. Félagsmenn til setu í stjórn félagsins.

Kjörgengi á aðalfundi miðast við þau sem voru á félagaskrá 10. janúar 2026 og hafa greitt félagsgjald.

Tillögur þar um berist í tölvupósti á feb@feb.is í síðasta lagi fyrir lok dags 9. febrúar 2026, þar sem fram þarf að koma nafn, kennitala og sími.

Óskar Magnússon
Sigurbjörg Gísladóttir
Kári Jónasson

26/01/2026

Aðalfundur FEB 2026 verður haldinn 25. febrúar

Aðalfundur Félags eldri borgara í Reykjavík og nágrenni (FEB) verður haldinn í Ásgarði, sal FEB Stangarhyl 4, 110 Reykjavík, miðvikudaginn 25. febrúar 2026, kl. 14:00.

-Tillögur og erindi sem leggja á fyrir fundinn skulu hafa borist stjórn félagsins skriflega minnst einni viku fyrir aðalfund.
-Tillögur uppstillingarnefndar um fólk í stjórn munu liggja frammi á skrifstofu félagsins í tvær vikur fyrir aðalfundinn.
-Tilkynningar einstakra félagsmanna um framboð til stjórnarkjörs skulu berast skrifstofu félagsins minnst einni viku fyrir aðalfund.
- Tillögur um breytingar á lögum félagsins þurfa að berast stjórn félagsins með minnst tveggja vikna fyrirvara.

Stjórn FEB

23/01/2026

Stjórn LEB hefur samþykkt að Landsfundur LEB 2026 verði haldinn miðvikudaginn 29. apríl næstkomandi í salnum Háteigi á Grand Hótel Reykjavík. Formenn aðildarfélaga hafa fengið nánari upplýsingar sendar til sín.

Sjá hlekk á frétt í athugasemdum

22/01/2026

Drífa Sigfúsdóttir frá LEB og Anna Birna Almarsdóttir lyfjafræðingur og prófessor við Kaupmannahafnarháskóla ræða við Sigurjón Magnús á Samstöðinni um svefnlyf sem hafa mikil áhrif færni fólks, sljóvga hugann og geta beinlínis verið varasöm.

Fyrir þremur árum síðan var orðið ljóst að það þyrfti að bæta úr lyfjanotkun almennt á Íslandi, hvernig notum við lyfin rétt? Þurfum við þau? Íslendingar nota t.d. s*x sinnum meira af svefnlyfjum en Danir. Svefnlyf verða hættulegri heilsunni eftir því sem fólk eldist meira, auka byltuhættu og sljóvga minnið.

Viðtalið hefst 3:04:40

Sjá hlekk á þáttinn í athugasemd

Til að vekja athygli á hættum svefnlyfja fyrir eldra fólk var Landssamband eldri borgara í samstarfi við Önnu Birnu ásamt aðilum úr heilbrigðiskerfinu um að setja af stað herferð undir nafninu „Sofðuvel“.

Átakinu var ætlað að fræða um skammvinn áhrif svefnlyfja og hætturnar af notkun þeirra.

Gefnir hafa verið út bæklingar í tengslum við verkefnið sem leiðbeina með góðar svefnvenjur og hvernig er hægt að hætta á svefnlyfjum.

Sjá einnig hlekk á upplýsingasíðu um svefnlyf og svefn á vef LEB í athugasemdum.

22/01/2026

Spennandi nýjung í utanlandsferðum hjá FEB - hjólaferð og sigling.
Sjá nánar hér: https://www.feb.is/utanlandsferdir/

21/01/2026

Gönguhrólfar FEB eru alltaf jafnhressir, en í morgun voru þau á "hálum ís".............. en komust sem betur fer heil og höldnu í kaffi og rúnstykki hjá FEB

18/01/2026

https://www.visir.is/g/20262830737d/ekki-ny-hugsun-heldur-abyrgdarleysi

Þeir sem vinna að stefnumótun og framkvæmd í málefnum eldra fólks (málaflokkur aldraðra) hafa ítrekað bent á nauðsyn nýsköpunar, samþættingu þjónustu og þróun nýrra úrræða fyrir ört stækkandi hóp aldraðra.

07/01/2026

Stjórn FEB fékk óvænta heimsókn á stjórnafund dagsins þann 7. janúar er Heiða Björg Hilmisdóttir borgarstjóri Reykjavíkur mætti á staðinn og heilsaði upp á fólkið.