FEB Félag eldri borgara í Reykjavík og nágrenni

26/02/2026

25/02/2026

Ályktun samþykkt á aðalfundi Félags eldri borgara í Reykjavík og nágrenni 2026:

Ályktun á aðalfundi FEB 25. febrúar 2026

Aðalfundur Félags eldri borgara í Reykjavík og nágrenni (FEB) skorar á ríkisstjórn Íslands að beita sér fyrir því að umfang og eðli ofbeldis gagnvart öldruðu fólki á Íslandi verði rannsakað og greint. Í framhaldi af niðurstöðum slíkrar úttektar er nauðsynlegt að sett verði upp aðgerðaáætlun til að draga úr og helst uppræta ofbeldi gagnvart þessum þjóðfélagshóp.

Ofbeldi gagnvart öldruðu fólki er þjóðfélagslegt böl sem ber að uppræta. Nauðsynlegt er að taka opinskáa umræðu um stöðu mála í þessum efnum. Ekki er lengur hægt að forðast umræðu um þessi mál og reyna á þann hátt að þagga hana niður.

Ýmis teikn eru á lofti um að tilfellum um ofbeldi gagnvart öldruðu fólki fari fjölgandi. Vakin hefur verið athygli á að mjög lítill hluti ofbeldis af þessum toga er tilkynntur til lögreglu eða annarra hlutaðeigandi yfirvalda. Skýringar liggja í því að oftast eru gerendur nánir ættingjar, heilbrigðisstarfsfólk, vinir eða trúnaðarvinir sé tekið mið af rannsóknum um þessi mál í öðrum norrænum ríkjum.

Umræða síðustu mánaða um þessi mál hefur leitt í ljós að ofbeldi gegn öldruðu fólki er algengara en flesta hafði almennt grunað.

Tökum höndum saman um aðgerðir til úrbóta í þessum efnum. Aldrað fólk á það skilið.

25/02/2026

Aðalfundur FEB 2026 varð haldinn miðvikudaginn 25. febrúar.
Undir "önnur mál" var kynning Landssambands eldri borgara (LEB) á starfsemi LEB og þakkar FEB fyrir mjög góða kynningu.

Á aðalfundinum var Sigurður Ágúst Sigurðsson sjálfkjörin formaður FEB.

Á fundinum var einngi kosið í stjórn og varastjórn, samtals s*x manns.
Atkvæði greiddu 60 félagsmenn, þar af var eitt atkvæði ógilt

Til tveggja ára í aðalstjórn voru kjörnir:

Fanney Sigurbjörg Jóhannsdóttir með 58 atkvæði
Sigrún E. Unnsteinsdóttir með 58 atkvæði
Guðrún Ósk Jakobsdóttir með 57 atkvæði

Þrír voru kosnir í varastjórn til eins árs en þeir eru:

Kristján Guðmundsson með 57 atkvæði
Hörður Hilmarsson með 56 atkvæði
Jóhann Gunnar Ásgrímsson með 40 atkvæði

Hlutkesti réði þegar atkvæði voru jöfn og er það samkvæmt lögum félagsins.

Fyrir í stjórn sitja:

Ástrún Björk Ágústsdóttir
Guðrún Bergmann
Gunnlaugur Auðunn Júlíusson

Er þeim öllum óskað velfarnaðar í starfi.

Hér má finna nokkra myndir af fundinum.

21/02/2026

FEB vekur athygli á að undir "Önnur mál" á aðalfundi FEB miðvikudaginn 25. febrúar, verður kynning formanns og framkvæmdastjóra Landssambands eldri borgara (LEB) á starfsemi LEB.

21/02/2026

Framboð til formanns og í stjórn FEB 2026 má finna í frétt á heimasíðu FEB https://feb.is/ eða hér: https://www.feb.is/kynning-a-frambjodendum-i-stjorn-feb-2026/
Aðalfundur FEB verður haldinn miðvikudaginn 25. febrúar kl. 14:00

Frá því að Uppstillingarnefnd lauk störfum og þar til framboðsfrestur rann út miðvikudaginn 18. febrúar dró einn frambjóðandi sig til baka til setu í stjórn og einn nýr frambjóðandi bauð sig fram til setu í stjórn. Frambjóðandi til formanns stjórnar 2026 er: Sigurður Ágúst...

20/02/2026

Aðalfundur FEB haldinn 25. febrúar – dagskrá

Aðalfundur Félags eldri borgara í Reykjavík og nágrenni (FEB) verður haldinn í Ásgarði, sal FEB Stangarhyl 4, 110 Reykjavík, miðvikudaginn 25. febrúar 2026, kl. 14:00.

Dagskrá aðalfundar

A) Kosning fundarstjóra og fundarritara.
B) Lögð fram skýrsla stjórnar um starfsemi félagsins á liðnu ári
C) Lagðir fram áritaðir ársreikningar félagsins ásamt fjárhagsáætlun rekstrarársins.
D) Umræður um skýrslu stjórnar, ársreikninga og fjárhagsáætlun.
E) Lagabreytingar.
F) Kosningar:

1. Kosning formanns
2. Kosning í stjórn og varastjórn félagsins
3. Kosning skoðunarmanna ársreikninga

G) Afgreiðsla tillagna og erinda sem lögð eru fyrir fundinn. Slíkar tillögur og erindi ber að senda stjórn félagsins skriflega minnst 1 viku fyrir aðalfund.
H) Tekin ákvörðun um árgjald félagsmanna
I) Önnur mál

1. Kynning formanns og framkvæmdastjóra Landssambands eldri borgara (LEB) á starfsemi LEB.
2. Önnur mál

Stjórn Félags eldri borgara í Reykjavík og nágrenni

19/02/2026

https://www.visir.is/g/20262845402d/professor-slaer-a-ahyggjuraddir

Gylfi Magnússon, hagfræðingur, prófessor við Háskóla Íslands og fyrrverandi efnahags- og viðskiptaráðherra, segir ekki nokkra leið að fá það út, miðað við forsendur frumvarps ráðherra um tengingu bóta við launavísitölu, að breytingin eigi eftir að stefna fjárhag ríkisin...

19/02/2026

Landssamráðsfundur um aðgerðir gegn ofbeldi og afleiðingum þess verður haldinn 4. mars nk. á Hilton Reykjavík Nordica að undirlagi Ragnars Þórs Ingólfssonar, félags- og húsnæðismálaráðherra.

18/02/2026

FEB vekur athygli á fréttatilkynningu LEB frá því 18. feb. 2026

Fréttatilkynning frá Landssambandi eldri borgara
18. febrúar 2026

Í ljósi umræðunnar um frumvarp um vísitölutengingu lífeyris lýsir Landsamband eldri borgara yfir eindregnum stuðningi við það frumvarp.

Þar sem nokkurs misskilnings hefur gætt í umræðunni vill LEB taka það fram að eingöngu er verið að tala um grunnlífeyri en ekki heildarlaun eins og sumir hafa reynt að halda fram.

Staðreyndirnar eru einfaldlega þær að gríðarleg kjaragliðnun hefur átt sér stað milli grunnfjárhæðar ellilífeyris og lægsta taxta Starfsgreinasambandsins.

* Þann 1. Janúar 2017 var munurinn á milli lægsta taxta SGS og grunnlífeyris kr. 51.266.-
* 1.janúar 2025 var munurinn orðinn 102.223.-
* 1.janúar 2026 jókst hann enn meira og er orðinn 110.501.-

Það er alveg ljóst að þessu verður ekki unað lengur og ríkisstjórnin er einmitt að bregðast við þessu með þeirri aðgerð að tengja grunnlífeyri við launavísitölu.

Í umsögn okkar við frumvarpið lýstum við yfir stuðningi við það en bentum einmitt á þessa kjaragliðnun sem hefur átt sér stað nú þegar og að tenging við vísitöluna mun ekki vinna á þessari gliðnun, eingöngu tryggja að lífeyrir haldi verðgildi sínu.

LEB telur þessa gliðnun á milli launa og grunnlífeyris vera með öllu óþolandi sem gerir ekkert annað en að mismuna fólki eftir aldursskeiðum.

Nánari upplýsingar veitir formaður LEB Björn Snæbjörnsson s. 894 0729

18/02/2026

Ragnar Þór Ingólfsson, félags- og húsnæðismálaráðherra átti góðan fund með LEB þar sem meðal annars var rætt um kjaramál eldri borgara.

15/02/2026

Viljum vekja athygli félagsmanna á athyglisverðum viðburði þar sem því er velt fyrir sér hvernig tækni getur stutt við baráttuna gegn aldursfordómum og hverjir drifkraftar aldursfordóma eru í samfélaginu
:

Veltum við fyrir okkur hvernig tækni getur stutt við baráttuna gegn aldursfordómum