Hugarafl

24/04/2026

Fengum góða gesti í dag. Samfylkingakonurnar Sigurþóra Bergsdóttir og Bjarnveig Birta Bjarnadóttir komu til að kynna sér starf okkar. Umræðan var góð, það var gott að finna einlægan áhuga og ræða geðheilbrigðiskerfi okkar og leiðir grasrótarinnar.
Takk fyrir komuna og gott opið samtal❤️

20/04/2026

„Hugurinn er gjarn á að sannfæra okkur um að við séum alein um að líða einhvern veginn.” Una Torfa er gestur Björns í nýjasta þætti Allt í lagi með Birni Skúlasyni.

Það er allt í lagi að biðja um hjálp. Við erum til staðar þegar lífið fer úr takt - Hugarafl❤️

👉 Smelltu hér til að hlusta:
https://open.spotify.com/episode/6t4HVcP4AzfvYrVmUFM6tb?si=IQMdUaB-RrOqQim9RFcemw

19/04/2026

Kæru vinir.

Fallegt og opið samtal Björn Skúlason við Unu Torfadóttur í hlaðvarpinu Allt í lagi á Spotify. Þau eiga hér fallegt og einlægt samtal um mikilvægi þess að ræða líðan sína opið við vini og vandamenn og hversu mikilvæg opin umræða er í samfélagi okkar. Þau ræða einnig óttann og hversu hindrandi hann getur verið ef við leyfum honum að taka pláss.

Við hvetjum ykkur til að hlusta og eiga með þeim góða stund. Hlaðvarpið er hluti af árvekni átaki Hugarafls Allt í lagi og við erum þakklát ykkur fylgjendum og þætti vænt um að þið deilduð boðskapnum með okkur.

Að viðhalda góðri geðheilsu er ein stærsta áskorunin í nútíma samfélagi. Gildi Hugarafls, bati, valdefling og jafningjagrundvöllur ættu að vera leiðarljósið í allri vegferð að betri geðheilsu.

SÝN og Orkusalan

Una Torfadóttir söngkona segir að hún hafi fyrst leitað til sálfræðings þegar hún var sautján ára gömul eftir að hafa glímt meðal annars við þunglyndi og kvíða. Flóknar tilfinningar hafi svo tekið við þegar hún áttaði sig á því að hún væri ekki gagnkynhneigð.

11/04/2026

Vorið er að koma☀️ Góður gestur tók hraustlega til hendinni í gær og á næstunni er planið að gera huggulegt í kringum Hugaraflshúsið í Síðumúlanum❤️

09/04/2026

Hittum geðheilsu félagsfræðinema í HÍ dag. Frábær hópur og áhugasamur og stundin með þeim gefandi. Gretar Bjornsson kennari HÍ fór yfir eðli streitu og áfalla, hvernig geðheilsufélagsfræðin lítur á samspil persónulegra- og samfélagslegra þátta þegar áföll verða og tekist er á við áföll. Fjóla Kristín Ólafardóttir fræddi nemendur um reynslu sína og afleiðingar áfalla á hennar lífsleið, Auður Axelsdóttir rak svo lestina með umræðu um tilhneigingu til sjúkdómsvæðingar á tilfinningum og afleiðingum áfalla. Nálgun Hugarafls var rædd og til umræðu kom einnig nálgun í Andlegu hjartahnoði og Open Dialogue.

04/04/2026

Elsku vinir.
Leggið við hlustir, það er mannbætandi. Björn Skúlason verndari Hugarafl ræðir hér við mugison. Þeir eiga einlægt og opið samtal um lífið og tilveruna í öllu sínu litrófi. Umræða um geðheilsuna, reynsluna af djúpum dölum og hvað það er sem skiptir mestu máli í lífinu. Fjölskyldan, söngurinn, sjálfsræktin.
Gleðilega páska❤

Örn Elías Guðmundsson, betur þekktur sem Mugison, segir að hann hafi leitað til sálfræðings um aldamótin eftir að hafa glímt við taugaveiklun og oföndun undir álagi. Hann hafi í fyrstu haldið að hann væri að verða geðveikur. Þetta kemur fram í fyrsta þætti af nýju hlaðvar...

04/04/2026

Björn Skúlason tekur djúp og falleg viðtöl í nýju hlaðvarpi; Allt í lagi❤️

Björn Skúlason forsetaherra er að byrja með hlaðvarp.

03/04/2026

Magnað starf Karlahópsins í Hugarafli hér til umfjöllunar. Einlægt og tæpitungulaust viðtal við frumkvöðul og stofnanda hópsins Gretar Bjornsson og nokkra þátttakenda. Í húsi Hugarafls er árangur þessa hópastarfs áþreifanlegur. Að hafa vettvang og rödd til að setja orð á lífssöguna, áföllin og batann í öruggu umhverfi er ómetanlegt og breytir lífinu. Endilega lesið viðtalið og deilið gjarnan.

Að viðhalda góðri geðheilsu er ein stærsta áskorunin í nútíma samfélagi. Gildi Hugarafls, bati, valdefling og jafningjagrundvöllur ættu að vera leiðarljósið í vegferð að betri geðheilsu. Stefnumótun í geðheilbrigðismálum ætti að taka mið af árangri sem þessum í allri mótun þjónustu sem miðar að því að styðja einstaklinga til bata og valdeflingar í lífi sínu.

Á hverjum föstudegi myndast sérstakt andrúmsloft í húsnæði Hugarafls. Þar safnast saman karlar á ólíkum aldri, með ólíkan bakgrunn og ólíkar lífssögur en með eitt sameiginlegt markmið: að fá öruggt rými til að tala um líðan sína, geðheilsu og það sem býr undir yfirbo...

02/04/2026

Björn Skúlason verndari Hugarafls á hér einlægt og fallegt samtal við Mugison. Opið samtal um lífið og tilveruna, andlega líðan, djúpu dalina og gleðina. Leggið við hlustir elsku vinir á laugardag þegar viðtalið birtist í heild sinni. Það er mannbætandi að hlusta❤️

Björn Skúlason, eiginmaður Höllu Tómasdóttur forseta, er að byrja með nýtt hlaðvarp, sem nefnist Allt í lagi. Í þáttunum ræðir hann við íslenskt tónlistarfólk um lífið og tilveruna.

01/04/2026

Mögnuð stemning í Hugaraflinu í dag🐣❤️dásamlegur hádegismatur, páskabingó og gleði!!
Gleðilega páska elsku vinir❤️🐣

31/10/2025

Hluti af Unghugum Hugarafls tóku þátt í frábæru Erasmus+ verkefni í Portúgal fyrr í mánuðinum.
Meira um það í fyrstu athugasemd. 🩷

28/10/2025

Sæl öll.
Við lokum í Hugaraflinu núna, vegna færðarinnar
Kær kveðja.
Nefndin