Lyfjastofnun

10/02/2026

Í upphafi Lífshlaups kom Heiðdís Snorradóttir næringarfræðingur frá Endurnæringu og kynnti fyrir okkur nokkur atriði sem gott er að hafa í huga. 🍓🍗🍞

Gagnlegt og gott og tilvalið áður en allir þjóta af stað að safna stigum í Lífshlaupinu!
🏃🏃‍♀️

06/02/2026

Það er laust starf hjá okkur, erum við að leita að þér?

Hvetjum áhugasama til að kynna sér stöðun og senda inn umsókn.

Umsóknarfrestur er til 20. febrúar.

Lyfjastofnun óskar eftir að ráða deildarstjóra gæðamats, sem heyrir undir svið mats og skráningar lyfja. Við leitum að drífandi, sveigjanlegum og jákvæðum leiðtoga til að leiða öflugan hóp starfsfólks. Deildarstjóri er ábyrgur fyrir daglegu skipulagi deildar, forgangsröðun verkefna og málefnum starfsmanna í samráði við sviðsstjóra og hefur auk þess umsjón með fjölbreyttum verkefnum. Um fullt starf er að ræða. Umsóknarfrestur er til og með 20. febrúar 2026.

27/01/2026

Síðastliðinn föstudag komu læknanemar í vísindaferð til okkar.
Þau fengu almenna kynningu á stofnuninni, fræðslu um lyfjaskort og hvernig læknar gætu best nýtt sér upplýsingar frá Lyfjastofnun um hann auk þess sem læknarnir okkar spjölluðu við þau um hvað felst í þeirra störfum og hvernig þær enduðu hjá Lyfjastofnun.

Mannauðsstjórinn okkar skellti svo auðvitað í skemmtilega leiki.
Það var mjög gaman að fá þau til okkar og vonandi verða skiptin bara fleiri!

19/01/2026

Lyfjastofnun kemur víða við á læknadögum.

Við verðum með morgunfund á miðvikudaginn þar sem farið verður yfir nýjungar í sérlyfjaskránni okkar og nýjum evrópskum gagnagrunni um klínískar rannsóknir.

Skráningarhlekkur👉 https://www.surveymonkey.com/r/JH8R87K

Við komum svo við á fleiri dögum á meðan á viðburðinum stendur. Fulltrúi okkar, Valgerður Guðrún Gunnarsdóttir tók í dag sæti í panel um umhverfisáhrif heilbrigðisþjónustu, með áherslu á lyf. Bergrún Tinna Magnúsdóttir tölfræðingur í klíníska teyminu okkar tekur líka þátt í vinnustofu um klíníska gagnagrunna. Sif Ormarsdóttir læknir verður svo með erindi um meltingatengdar aukaverkanir GLP-1 hliðstæða en Sif starfar einmitt líka hjá Lyfjastofnun.

19/01/2026

Sjáumst á læknadögum!

Velkomin á morgunfyrirlestur á vegum Lyfjastofnunar á morgun, miðvikudaginn 21. janúar kl.8.20 í Rímu. Morgunverður í boði! Sjáumst á Læknadögum🩺
Skráning opin til 19. janúar á https://www.surveymonkey.com/r/JH8R87K

02/01/2026

Veist þú hvað rauður varúðarþríhyrningur á pakkningu lyfs þýðir?

Endilega kynntu þér hann betur hér👉 https://www.lyfjastofnun.is/greinar/raudur-varudarthrihyrningur-a-pakkningum-lyfja/

21/12/2025

Starfsfólk Lyfjastofnunar óskar landsmönnum öllum gleðilegrar hátíðar með þökk fyrir samskiptin á árinu sem er að líða.

Eins og undanfarin ár styrkir Lyfjastofnun góðgerðarsamtök sem starfsfólk stofnunarinnar velur, í stað þess að senda hefðbundin jólakort. Að þessu sinni hlýtur Geðvernd styrk stofnunarinnar, en félagið vinnur að bættri geðheilsu ungra barna og fjölskyldna þeirra.

Opnunartíma stofnunarinnar yfir hátíðirnar má kynna sér hér 👉 https://www.lyfjastofnun.is/frettir/opnunartimi-hja-lyfjastofnun-yfir-hatidarnar-6/

18/11/2025

Dagur vitundarvakningar um sýklalyfjaónæmi er í dag 18. nóvember. Sýklalyfjaónæmi er ógn við heilsu almennings um allan heim.

Við getum öll lagt okkar af mörkum til að draga úr sýklalyfjanotkun. Sýklalyf verka ekki á veirupestir eins og kvef.

https://www.lyfjastofnun.is/frettir/evropudagur-vitundarvakningar-um-syklalyf/

09/11/2025

Munum alltaf:
- Bæði ég og þú, getum haft áhrif á öryggi lyfja

- Með því að tilkynna um aukaverkun getur þú haft áhrif á öryggi lyfja, öllum til heilla

- Við höfum öll kraftinn til að tilkynna um aukaverkanir

08/11/2025

Öll geta tilkynnt um aukaverkun. Til dæmis: allir heilbrigðisstarfsmenn, aðstandendur og notendur lyfja. Saman tryggjum við öryggi lyfja. ​

Hvað gætum við gert til að gera enn betur í sambandi við aukaverkanatilkynningar og öryggi lyfja? Ef þú ert með hugmynd, láttu okkur vita.

07/11/2025

Saman getum við stuðlað að auknu öryggi fyrir alla lyfjanotendur með því að tilkynna allan grun sem vaknar um aukaverkanir. Ef þú ert óviss þá getur þú alltaf haft samband á aukaverkun@lyfjastofnun.is

07/11/2025