Kírópraktorstofa Selfoss

05/02/2026

Þá er loksins komið að áður auglýstum fyrirlestri!

Ég verð með fyrirlestur um bakverki þar sem við förum vel yfir eðli og ástæður bakverkja og kíkjum á ýmis bjargráð.

Markmiðið er að dýpka skilning á því sem er að gerast í bakinu og leiðbeina með ýmsa þætti sem snúa að hreyfingu og daglegu lífi. Einnig verður tækifæri fyrir spurningar og vangaveltur.

Fyrirlesturinn ætti að nýtast öllum þeim sem eru að glíma við bakverki en líka þeim sem vinna með fólki með bakverki eins og td. þjálfarar sem vilja verða öruggari í að nálgast þjálfun hjá bakveikum.

Fyrirlesturinn er ókeypis en skráning er nauðsynleg hjá aldis@sjukrasel.is

Hlakka til að taka á móti ykkur!

01/12/2025

Mig langar að benda á gjafabréfin hjá mér. Upplagt fyrir þá sem eiga allt en þyrftu að forgangsraða eigin heilsu. Bæði hægt að fá gjafabréf fyrir fyrsta tímanum og líka endurkomu ef viðkomandi hefur verið hjá mér áður! 🎄🎁

11/08/2025

Það er búið að vera vesen á símkerfinu okkar í dag. Biðst velvirðingar á þeim óþægindum sem þetta kann að hafa. Kemst vonandi í lag sem fyrst. Það má líka alltaf hafa samband við mig í gegnum samfélagsmiðla, bæði Facebook og Instagram.

02/05/2025

Ég verð bara að deila þessu frá vinum mínum í Kjarna! Ég fór einmitt á ráðstefnu fyrir ekki svo löngu þar sem farið var yfir nýjustu rannsóknir á áföllum, andlegri líðan og streitu og tengsl við líkamleg einkenni. Hef sjálf verið með erindi þessu tengdu. Mjög áhugavert og jákvætt hvað fagaðilar eru farnir að líta meira á heildarmyndina! 👏🏻👏🏻

01/05/2025

Mæli með þessum fyrirlestri!

Það er enn hægt að skrá sig á fyrirlesturinn hjá okkur á morgun, föstudag og það er rými til þess að taka með sér einn aðstandanda, mælum með því svo þau geti fengið góða fræðslu líka.

31/03/2025

Ég er búin að vera að vinna í því að útbúa nafn utan um starfsemina hjá mér og fékk frænku mína í að aðstoða mig við að búa til logo. Þetta er búið að taka nokkrar vikur en núna er þetta loksins fullbúið og ég er mjög ánægð með útkomuna. 🤩

13/03/2025

Yfirlýsing sjúkraþjálfara félagsins flýgur hátt þessa dagana varðandi "hnykkingar" á ungabörnum. Þar sem ég er kírópraktor þá finnst mér ég þurfa að útskýra þetta örlítið.

Í fyrsta lagi þá vil ég segja að ég er nokkurn vegin sammála mjög mörgu sem fullyrt er í þessari yfirlýsingu, þó svo að framsetningin sé óheppileg, sérstaklega í garð minnar fagstéttar. Ég er menntuð í stoðkerfinu og hef aldrei gefið mig út fyrir að meðhöndla astma eða adhd hjá börnum, eða eitthvað annað ótengt stoðkerfinu.

Í öðru lagi, þá "hnykki" ég ekki ungabörn. Ég meðhöndla ungabörn. Það er stór munur á meðhöndlun fullorðinna einstaklinga og ungabarna. Í yfirlýsingunni er dregið í efa að ég geti greint og veitt ungabörnum rétta meðferð, sem mér þykir vægast sagt ósanngjörn gagnrýni. Menntunin mín gerir mig fullfæra um að sinna stoðkerfistengdum vandamálum hjá öllum aldri.

Eins og flestir vita þá vinn ég á sjúkraþjálfunarstofu og okkar samstarf hefur verið mjög farsælt og faglegt og byggt á gangkvæmri virðingu.

Samtalið er mikilvægt og það þurfa allir að geta tekið uppbyggilega gagnrýni til sín. Fagleikinn á alltaf að vera í fyrirrúmi. Ég held að okkar stofa hafi sett gott fordæmi og sýni það og sanni að þessar stéttir geti vel unnið saman og nýtt styrkleika hvors annars.

27/02/2025

Röntgen

Ég er oft spurð hvort ég taki röntgenmyndir og svarið er Já!

Ég er í frábæru samstarfi með Kjarna í Síðumúla í Reykjavík.

Í fyrsta tímanum förum við vel yfir málin og metum hvort þörf sé á röntgenmynd. Það þurfa ekki allir að fara í myndatöku en stundum getur myndgreining verið nauðsynleg viðbót fyrir rétta greiningu. Þörf á myndgreiningu er líka alltaf endurmetin á meðan meðferðarferli stendur.

15/01/2025

Ég setti smá fræðslu saman sem ég er búin að vera spennt að deila með ykkur, um beinbjúg eða modic breytingar. www.noona.is/kiropraktikselfossi

01/01/2025

22/12/2024

Starfsfólk Sjúkraþjállfunar Selfoss sendir hátíðarkveðjur og þakkar fyrir árið sem er að líða ✨🎄

21/11/2024

Kírópraktík á meðgöngu

Ég hef mikið verið með ófrískar konur í meðferð hjá mér. Það geta ýmis stoðkerfiseinkenni fylgt meðgöngu og eru algengustu einkennin sennilega grindarverkir.

Meðgönguhormón mýkja liðböndin í líkamanum og þá getur komið hreyfing á liðamótin í grindinni. Hér getur misræmi í vöðvaspennu í kringum grindina líka spilað inní. Liðamót sitthvoru megin við spjaldið og liðamót í lífbeini eiga alla jafna að hreyfast lítið. Spjaldliðir eru ekki klæddir liðbrjóski og það er engin liðvökvi sem smyr liðfletina og þessvegna veldur hreyfing á þessum liðamótum verkjum.

Það eru þó ekki bara grindarverkir sem hrjá konur á meðgöngu. Ég fæ líka ófrískar konur til mín af ýmsum öðrum ástæðum, eins og t.d. mjóbaksverkir, verkir í brjóstbaki, vöðvabólga og höfuðverkir. Það eru miklar breytingar í líkamanum og ekki óeðlilegt að upp komi einhverjir verkir eða óþægindi í kjölfarið.

Meðferð hjá kírópraktor getur dregið úr einkennum ásamt því að kírópraktor getur gefið ýmsar upplýsingar og ráðleggingar.

Tímabókanir:
https://noona.is/kiropraktikselfossi