ہمارا پرسکون جہلم پنجاب

04/01/2023

02/01/2023

جہلم کے رہنے والوں سے
جہلم کے بارے پُوچھا جب
جہلم میں رہنے والوں نے
جہلم کے بارے بتلایا

جہلم میں دریا بہتا ہے
برسوں سے وہ یہ کہتا ہے
جو درد غموں کے سہتا ہے
وہ شخص سُکوں سے رہتا ہے

جہلم میں ریل گاڑی بھی
پُل پر سے جب گُزرتی ہے
غُربت کے مارے بچوں کی
صورت سی پھر نِکھرتی ہے

جہلم کے سب بازاروں میں
چوکو میں سب اِشاروں میں
سڑکوں کے سب کناروں میں
خوشیاں ہیں سب نظاروں میں

جہلم میں جو بھی آتا ہے
رہتاس تو وہ جاتا ہے
اور گُن وہاں کے گاتا ہے
پھر قِصّے ہمیں سُناتا ہے

جہلم میں منگلا دینہ بھی
جہلم میں مرنا جینا بھی
جہلم میں کھانا پینا بھی
جہلم میں گاما مِینا بھی

جہلم کی سر زمیں سے
کئی تجھ کو رنگ ملیں گے
سپنے حسیں آنکھوں کے
پلکوں کے سنگ ملیں گے

وہ پُرسکوں ہوائیں
وہ لذت کہاں ملے گی
جہلم سی سر زمیں کی
وہ جنت کہاں ملے گی

جہلم کو جا رہے ہو تو اتنا ہے کام کہنا
جہلم کے رہنے والوں کو میرا سلام کہنا
جہلم کے رہنے والوں کو میرا سلام کہنا