14/01/2020
خروفك صار عمرو ٤ أشهر😍
#استعدووووو
#ولكن
يا خلق الله🤔
احنا قلنا الاكل من الشهر الرابع......
مش معناها كل يوم اشوف شغلات غريبة....
غير مسموح نهائيا إعطاء الأكل أو التلحيس للبيبيات قبل عمر ٤ أشهر بحجة كنا نطعمي زمان هيك أو والله نفسو هفت على الطبيخ😂
وبسبب تكرار الأسئلة😀
#للتذكير
#طعام
كتير أسئلة يوميا بتجيني على موضوع متى أدخل الاكل للبيبي عندي😁
#الاستناد
😀في دراسات جديدة بتأكد انو ممكن البيبي يبدا ياكل ابتدائا من الشهر الرابع بتوفر شروط معينة مذكورة بالأسفل.
😀أغلب الامهات بيستطولو مدة ٦ اشهر لذلك بيبلشوا يعطو ابدر بكتير....بنظري لما نحكي للرابع ممكن يتحملو ويصبرو.
😀في دراسات بتحكي انو نبدى بين الرابع والسادس ممكن يخفف من الحساسية.
😀ما عمرك تأخري ادخال الطعام للبيبي لبعد الشهر السادس لانو ممكن هون يرفض الاكل ويستمر موضوع الرفض معو للسنة او بعد السنة.
#لذلك
يعني لحتى النسوان ما يتوهو😉كل وحدة عندها بيبي وعمرو أشهر احكولها تقرأ🥒🍐🍏🥔
#الشروط
ألا وهي
✔إذا طفلك صار عمرو ٤ أشهر
✔وبيشد راسو ورقبتو
✔ووزنو صار ضعف وزن الولادة
✔وبس يشوف الأكل من بعيد بيصير يحرك براسو ولسانو ويفتح تمو.
✔وبس تحطي الأكل بتمو بيقدر يحرك الاكل بلسانو لورا ويبلع من غير ما يتشردق.
#وقتها
بتقدري تبدي تدخلي الاكل للبيبي😊
⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️
أهم شي لازم تعرفيه كأم جديدة وما في عندك خبرة
#دائما
لما بدك تبدي تتدخلي الطعام لطفلك
أول الطعام لازم يكون من الخضراوات وبعدين الفواكه.
اهم الخضراوات
✔البطاطا
✔الكوسا
✔الجزر
✔الافوكادو
مسلوقين ومهروسين ويكون بين كل صنف وصنف ٣ ايام
لحتى إذا كان في حساسية لصنف معين بتبين ووقتها بنتجنب نعطيه بالمستقبل??
#لذلك
❌ما تخبصي بالاكل وتعطي أكتر من صنف مع بعض.
❌ما تعطي الفواكه قبل الخضراوات لانو وقتها راح يطلب الفواكه لانها حلوة المذاق ويرفض الخضراوات بعديها😓
#الفواكه
الموز والتفاح والأجاص بشكل مهروس أو انواع الفواكه الي الطفل لازم يتذوقها.
⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️
حكينا إنو أفضل فترة نبدى فيها هي بين الشهر ٤ والشهر السادس وحكينا عن الشروط.
وقلنا البداية بتكون بالخضراوات وبعدها بالفواكه بداية من الشهر الرابع😊
بنضيف الهم الأرز المطحون والشوفان✔
🔺️السيريلاك
🔺️بيضة كاملة..بشرط ما يكون في حساسية في العائلة للبيض.
🔺️اللحوم بأنواعها...بشكل مهروس.
🔺️البقوليات
🔺️منتجات الألبان والمهلبية والرز بحليب😀
يعني المنتجات الي بنسويها من حليب بقري مطبوخ.
#ملاحظة
✔العسل قبل السنة ممنوع
✔الحليب البقري كحليب يعتمد عليه الطفل قبل السنة ممنوع.
✔ما تضيفوا للاكل لا سكر ولا ملح
✔واذا طفلك رفض الاكل ما تجبريه...اصبري عليه وبترجعي تجربي بعد فترة.
⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️⚠️
الكميات
دكتور كم الكمية واكم وجبة😊
#قواعد
✅الحليب أساسي حتى عمر السنة
يعني الطفل بيبدى نهارو بالحليب وبيختم نهارو بالحليب.
🔺️الاكل بيكون..سناكس...بين وجبات الحليب.
🔺️أول ما بنبلش ..بكمية قليلة بمقدار ملعقة على الشهر الرابع ووجبة واحدة صباحا.
🔺️على الشهر الخامس بنرفع لمعلقتين من الطعام ووجبتين صباحا..والظهر
🔺️الشهر السادس ٣ ملاعق ووجبتين يوميا وبنزيد تدريجيا لحد ٤ وجبات يوميا على الشهر ١٠
🔺️اذا الطفل كان رافض الاكل ..ما تجبريه..بس حاولي إضحكي عليه واعطيه الاكل خلال الرضاعة .
🔺️سكر ملح بهارات...ممنوع
شاركي الموضوع لحتى الجميع يستفيد😊
شو اول شغلة زلطها البيبي عندك😂
اي وحدة بتعرفيها عندها حميدان وكي جي ١ خبريها😉
بينوبك حسنات ودعاوي الك.
صديقتي تاليا انس القدسي بتصبح عليكم😍
Dr.Mohanad 👧🍼👶.
⬅️⬅️⬅️⬅️⬅️⬅️⬅️⬅️⬅️⬅️⬅️⬅️⬅️⬅️
👨⚕️الدكتور مهند نيروخ
أخصائي أطفال وحديثي ولادة
دوام العيادة يوميا
🕟من الساعة ١١-٢
🕛من الساعة ٥-٨ مساء
🏠الخليل عين سارة بجانب kfc
فوق سوبرماكت النتشة
مقابل Turkey style
☎️جوال٠٥٩٨١٩٩٩٢٦
_______________________________
