الدكتور أحمدالمصري-اختصاصي الطب النفسي والإدمان

  • Home
  • Jordan
  • Amman
  • الدكتور أحمدالمصري-اختصاصي الطب النفسي والإدمان

الدكتور أحمدالمصري-اختصاصي الطب النفسي والإدمان هدف الصفحة التوعية بالصحة النفسية بشكل عام واضطرابات القلق و الاكتئاب بشكل خاص.

29/12/2025

مش كل كلمة نيتها طيبة بتكون مفيدة
في جمل بنحكيها بدون قصد،بس على الشخص المكتئب بتكون ثقيلة جدا

14/12/2025

كوني أم كويسة،مش أم مثالية.�الأم المثالية بتتعب، وبتتعب ولادها معها.�الطفل ما بده أم بلا أخطاء،�بده أم حاضرة، دافئة، وآمنة نفسيا.
السعي للكمال ممكن يولد:�• توتر دائم عند الأم�• شعور بالذنب المستمر�• قلق عند الطفل�• خوف من الفشل بدل حب التعلم
الخطأ مش فشل،الخطأ جزء من التربية الصحية

05/12/2025

أحيانا العصبية الزايدة مش طبع�هي قلق بيدور على أي طريقة يطلع فيها، وحتى لو كانت بطريقة غلط.�كثير أمهات ممكن يعصبوا أو يصرخوا أو حتى يضربوا بدون ما يفهموا إن السبب الحقيقي مش الطفل.
السبب هو الضغط، الخوف، الإرهاق، والقلق المتراكم.
القلق ما بيظهر دائما كخوف،أحيانا بيظهر كـصوت عالي، نرفزة، سرعة انفجار، وحتى فقدان السيطرة.
العلاج يبدأ من: فهم السبب،طلب المساعدة وتنظيم القلق قبل ما يتحول لنوبة غضب مؤذية إلك ولطفلك
إذا بتشوفي حالك بهاي الأعراض، إنت مش وحدك وفهمك إلها هو أول خطوة للتغيير.

بصير عندكم عصبية و نرفزة زيادة؟ و كيف بتعبروا عنها؟

03/12/2025

الاكتئاب مش قرار ومش "مود" بنختاره.
هو حالة بتغير الطريقة اللي الشخص بفكر فيها، بحس فيها، وبتعامل فيها مع أبسط تفاصيل يومه.
لما نفهم إنه الاكتئاب مش ضعف، بنقدر نكون أقرب لدعم الشخص بدل ما نحمله مسؤولية الألم اللي بمر فيه.
الكلمة اللي بنحكيها، والنظرة اللي بنعطيها ممكن تخفف عبء كبير ما بنشوفه.

02/12/2025

ضغوط العمل، من وين بتبلش وكيف نتعامل معها؟

مقابلتي اليوم عبر إذاعة الأمن العام كانت عن موضوع ضغوط العمل وحكينا عن نقطتين رئيسيتين:
أبرز أسباب ضغوط العمل مثل تراكم المهام، غياب
الوضوح، وضعف التواصل داخل الفريق.
وكيف نتعامل معها من خلال إدارة الانفعالات، وتحديد الأولويات، والتواصل الهادئ مع الزملاء لتجنّب الخلافات.

الضغط موجود بس طريقة تعاملنا معه هي اللي بتصنع الفرق.

28/11/2025

تبدد الشخصية وتبدد الواقع مش جنون ومش فقدان عقل.
هي طريقة الدماغ لما يتعرض لضغط عالي أو قلق شديد،كأنه بيفصل الكهرباء شوي ليتحمل.
الإحساس إنك مش أنت، أو إنه المكان غريب مزعج، بس مش خطير وبيتحسن بالعلاج.
إذا حسيت إنك خارج جسمك، أو كأنك بتتفرج على حياتك من بعيد اعرف إنه هاي أعراض معروفة، إلها تفسير وإلها حلول.

25/11/2025

رهاب الساح (Agoraphobia)
رهاب الساح مش خوف من الأماكن هو خوف من فقدان السيطرة إذا ظهرت الأعراض.�بحسب DSM-5، الخوف لازم يكون واضح ومستمر من "موقفين أو أكثر" مثل:�• التواجد خارج البيت لوحدك�• المساحات المفتوحة�• المساحات الضيقة أو المغلقة�• الوقوف بطابور أو بين حشد�• استخدام وسائل النقل العام

النقطة المهمة
الخوف مش من المكان نفسه،الخوف من صعوبة الهروب أو إنك ما تلاقي مساعدة لو صارت الأعراض.
الأعراض اللي ممكن تظهر:�• تسارع نبض�• دوخة أو عدم توازن�• ضيق نفس�• رجفة�• خوف من فقدان السيطرة أو الإغماء�• وتجنب المواقف اليومية،أحيانا لدرجة بتأثر على الحياة بشكل واضح

عمره صار عندك خوف من هاي المواقف؟

20/11/2025

زوجوه بيعقل
جملة بنسمعها كل يوم، بس تأثيرها الحقيقي مؤلم على الزوجة، وعلى العائلة، وعلى المجتمع كله.
الزواج مش خطة علاجية، ولا وسيلة تربية ولا طريقة تهرب فيها من مشاكل نفسية وسلوكية.
لما ندخل شخص غير جاهز على علاقة، إحنا ما منصلح إحنا عم ننقل المشكلة لشخص ثاني.
الاستقرار النفسي بيبدأ من الفرد مش من الخاتم.
والزواج علاقة ناضجة مش أداة إصلاح.
خليها توصل للناس:
مش كل إنسان جاهز يكون شريك ومش كل مشكلة بتنحل بزفاف .

15/11/2025

مش كل ارتباك اسمه خجل، مرات اسمه رهاب اجتماعي.
و للأسف الأشخاص اللي بعانوا من الرهاب الاجتماعي عم يتأخروا لما يراجعوا العيادة لأنه عم يفكروا انه هذا الموضوع ضعف بشخصيتهم أو قلة ثقة و ممكن خجل.

03/11/2025

الغضب بيخلي الكلام يسبق التفكير 
وممكن كلمة وحدة تغير علاقات، وتفتح أبواب ما بدنا نفتحها أصلا.
خذ نفس، هدي ، و اعطي حالك وقت قبل ما تفضفض
مو كل شعور لازم يسمعوه الناس، في مشاعر تنفهم منك بس إنت .
خليك واعي،وما توقع بفخ الفضفضة وقت العصبية

إنت من الناس اللي بتفضفض؟ ولا بتفضل تسكت وتهدى؟

27/10/2025

‎اليوم كان اللقاء تحت الرعاية الملكية لصاحبة السمو الملكي الأميرة غيداء طلال،في منتدى الصحة النفسية والسرطان

‎كلمات الأميرة كانت صادقة وملهمة:
وصمة المرض النفسي يجب أن تكسر،لأن الصحة النفسية جزء لا يتجزأ من الشفاء

الرسالة واضحة، آن الأوان نكسر وصمة المرض النفسي.
‎الصحة النفسية مش رفاهية،هي جزء من الشفاء

Address

Amman

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Saturday 09:00 - 17:00
Sunday 09:00 - 17:00

Telephone

+962790044840

Website

Alerts

Be the first to know and let us send you an email when الدكتور أحمدالمصري-اختصاصي الطب النفسي والإدمان posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to الدكتور أحمدالمصري-اختصاصي الطب النفسي والإدمان:

Shortcuts

Featured

Share

Category