02/08/2025
👶🏻 لازم تعرفي يا ماما أنو بأول ولادتي وليصير عمري شهر لازم ضل عم أرضع كل ساعتين ل3 ساعات ولو ما أنا طلبت هالشي وفقت لازم تفيقيني أنتِ وتطعميني أنتِ ❤️
👶🏻 بأول 5 أيام من الولادة بفقد وزن وهاد شي طبيعي وبكون بولي وبرازي ككمية قليلة وحتى حليبك وكلو هاد طبيعي 👌🏻
👶🏻 بعد هال5 أيام لازم بلش أكسب وزن يا ماما ولازم خلال اليوم تبدليلي 6 حفوضات
كمان لون البول ما لازم يكون غامق ولون البراز ما لازم يكون شاحب
هيك أنتِ بتعرفي أني عم أرضع وأشبع 🥹
👶🏻 من العلامات التانية يلي بتقلك أني عم أشبع وقت تشوفيني مرتاح ومبسوط ونشيط ماني سهيان ، وحتى بس أرضع بتسمعي صوت بلعتي 🐥
👶🏻 ما في كمية محددة ولا وقت محدد لرضعتي هالشي بيختلف من بيبي للتاني بس بشكل عام ما يكون وقت جلسة الرضاعة أقل من 10 دقايق أو أكتر من 20 دقيقة والكمية حسب الطلب يا مامي عقولة ستي كل ما حامت الدبانة 😁
👶🏻 أنتِ بتعرفي أني ممكن مر بطفرات نمو صير أطلب أرضع كتير وتفكريني ما عم أشبع بس بالعكس جسمي عم ينمو بسرعة فطلبي بزيد لهيك وقتها بجننك من كتر ما باكل 🥲
وعهالسيرة لازم تعرفي رضاعة بالليل كتير كتير مهمة لأنها رضاعة دسمة وطيبة ومفيدة ولأني بالليل بنمو أكتر وبطلب أكتر وبجوع أكتر 🐥
❤️بحبك يا ماما❤️
منقول .....
