مساحة نفسية psychological space

04/01/2026

كثير علاقات ما بتتعب لأن الحب خلص،
بتتعب لأن الحكي تأخر.

نستنى الطرف الثاني يفهم،
نراهن على الصمت،
وننسى إن الوضوح أمان.

العلاقة الصحية
مش اختبار صبر،
هي مساحة نحكي فيها قبل ما نتوجّع.

✨ احكوا…
قبل ما يصير الصمت عادة

02/01/2026

في السنة الجديدة
ما بدي أكون أقوى
بدي أكون أرحم على نفسي

أي قاعدة أكتر وحدة حسّيتيها بتحكي عنك؟ 💭
احكيلي بالكومنت…



#وعي
#حدود
حب_الذات
سنة_جديدة

إ

29/12/2025

في العلاج النفسي بنشوف كثير ناس
حاسين إنهم “تأخروا”،
أو إنهم “ما أنجزوا كفاية”.

بس الحقيقة النفسية مختلفة شوي…

في مراحل بالحياة
أكبر إنجاز فيها
إنك تضل واقف،
إنك ما تخسر نفسك،
وإنك تكمّل
حتى وإنت مش متأكد من الطريق.

إذا هاي السنة ما جابت كل اللي كنت بدك إياه،
يمكن كانت عم تعلّمك
كيف تكون ألطف على حالك،
وأصدق مع وجعك،
وأقرب لقلبك.

وهاد… بداية شغف جديد 🤍

27/12/2025

نوايانا كأهل غالبًا تكون حماية…
بس أحيانًا الخوف اللي جوانا
نزرعه بدون ما ننتبه بعقول أولادنا.

لما نربّيهم على إنّه
“الكل مش ثقة”
و“الدنيا ما فيها أمان”
إحنا ما عم نجهّزهم للحياة…
إحنا عم نعلّمهم يعيشوها وهم خائفين.

التربية الآمنة مش معناها سذاجة،
ولا ثقة عمياء.
هي إننا نعلّمهم يكونوا بخير من جوّا،
ويثقوا بالعالم
إلى أن يثبت العكس.

الأمان الداخلي هو الأساس
والحذر وعي…
مش شك مرضي.

—
د. إيمان غانم
إرشاد نفسي وتربوي
تربية_نفسية



ً

25/12/2025

يسعدنا إنضمام "الدكتوره أيمان غانم" لكادر أكاديمية همم الغد للاستشارات والتدريب.
🔻حاصله على درجة الدكتوراه في الارشاد النفسي التربوي .
🔻حاصله على درجة الماجستير في الارشاد النفسي التربوي.
🔻حاصله على درجة البكالوريوس في الارشاد النفسي التربوي.
🔻دبلوم المستشار الأسري.
🔻مزاوة ومعتمدة لممارسة علاج CBT.
🔻مزاولة مهني الإرشاد النفسي التربوي/ من وزارة الصحة الأردنية.
🔻خبرة واسعة في القطاع العام والخاص.

🎗️مجالات الاختصاص:
▪️تعديل السلوك للأطفال والمراهقين
▪️الإرشاد باللعب (Play Therapy)
▪️الإرشاد النفسي والتربوي الفردي
▪️الإرشاد الأسري والزواجي
▪️التعامل مع الاضطرابات النفسية والسلوكية
▪️دعم الأطفال ذوي الصعوبات الانفعالية والسلوكية

يسعدنا تواصلكم معنا لحجز الجلسات والإستشارات من خلال رسائل الصفحة أو التواصل هاتفياً على الارقام التالية:

📱 للحجز والاستفسار:
00962798659881‪
📍موقعنا:
عمان - الجبيهة - بالقرب من وزارة التعليم العالي ـ مجمع الظاهر التجاري ـ الطابق الثالث https://maps.app.goo.gl/vMndPcmj2kEwFBae6

22/12/2025

كل سنة بتمرّ… بتعلّمنا الناس من جديد.

مش كل سنة بتضيف علاقات،
بعض السنين بتيجي عشان تخفّف الحمل عن القلب.

كبرنا،
فصرنا نفهم أكتر،
ونحط حدود بدون قسوة،
ونختار القرب بدون استنزاف.

تعلمنا إنو
مش كل انسحاب خذلان،
ولا كل صمت قسوة،
ولا كل علاقة لازم نكمّلها.

العلاقات الصحية
بدها مساحة،
وبدها هدوء،
وبدها نقرّب شويه
لأن التكبير الزائد للتفاصيل
أحيانًا بيشوّه الصورة بدل ما يوضحها.

النضج الاجتماعي
مش تغيّر للأسوأ…
هو شفاء.

💬 خبريني:
شو أهم درس اجتماعي تعلمتيه مع كل سنة جديدة؟

11/12/2025

05/12/2025

يمكن ما حدا شافني وقت كنت أوقع،
وقت كنت أشتّت تعبي بين بيت ودراسة وحياة،
وقت كنت أنام وأنا بحكي: “بكرا أحسن… لازم يكون أحسن”.

2025 ما كانت مجرّد سنة…
كانت امتحان روح.
كانت المرحلة اللي اكتشفت فيها:
إنّي مش ضعيفة…
بس كنت متعبة.
ومش ضايعة…
بس كنت أدور على نفسي بين الزحمة.

وتعلمت إنه:
• الطريق الطويل بده قلب طويل.
• والحلم الحلو عمره ما إجا بسهولة.
• واللحظة اللي بتبكيك اليوم… بكرا بتوقف فيها بفخر.

واليوم؟
اليوم بطلع على كل صورة… وبشوفني.
بشوف البنت اللي كانت توقف مليون مرة،
وترجع تكمل… حتى وهي مش قادرة.

نجاحي مش صدفة.
نجاحي مش حظ.
نجاحي قصة إنسانة بلشت من العدم،
وصنعت نفسها من أول وجع… لأول فرحة.

ولكل واحد اليوم حاسس حاله مش قادر…
اسمعني:
الحلم ما بيهرب…
الخطوة اللي بتتأخر اليوم، بتوصل بكرا.
وإنت بتقدر، حتى لو الدنيا كلها بتحكي غير هيك.

من قلب تعِب… ووصل.
د.إيمان غانم
✨

26/11/2025