Rab3a

22/03/2016

هلا

"ندي انا مسافرة الأردن بالعجلة" .. فجأة لقيت ماما بتقولي كده .. تاني يوم قالتلي انا لغيت الأردن وهروح الهند .. وراحت الهند فعلاً وجت بالسلامة عشان نشوف موضوع الأردن ده :D أحكيلكم عن ماما شوية ..

ناس كتير بتقول اني شبه مامتي شكلاً .. أنا مش مقتنعة أبداً، رغم إنها جميلة ويشرفني أكون شبهها😃.. بس اللي أنا مقتنعة بيه جداً اني شبهها في حاجات تانية كتير.

أنا بعشق السفر زيها، بواجه زيها، بجري ورا أحلامي زيها.

مامتي من وهي صغيرة بتحب تكتب وعندها طموح في الصحافة. وبدأت الطريق على خفيف بس لما خلفتني أنا وأخويا كنا أهم حاجة في الدنيا عندها. حياتها كلها كانت إحنا وتفاصيل حياتنا، لدرجة اننا كنا بنحكي لبعض حلمنا بإيه كل يوم😃

لما كبرنا شوية رجعت تفكر في طموحاتها تاني. بقت تقضي معانا اليوم من أوله لأخره وتنزل الشغل بعد ماتنيمنا عشان متاخدش من وقتنا ولا دقيقة. طبيعة شغل الصحافة كانت بتساعد على ده. وبدأت تاخد كورسات في علم النفس والتنمية البشرية وكل حاجة في الدنيا عشان تنمي اهتماماتها وفي نفس الوقت تربينا أصح. كل مانكبر أكتر ويقل احتياجنا لتواجدها، تبتدي تدي وقت أكتر للشغل علي مدي سنين تعبت وواجهت مصاعب كتير فيهم.

دلوقتي مامتي عندها صفحة كاملة في الأهرام المسائي اسمها "حياتك"، وعملت أقوى حوارات مع أهم وأكبر علامات الأدب والسياسة والفن، ولسه ..

أما بالنسبة لعشقها للسفر، فهي كانت حريصة إن كل سنة نسافر كلنا لبلاد جديدة ونعمل مغامرات مختلفة من واحنا صغيرين. ولما كبرنا شوية بقت تشجعنا على أي فرصة سفر وتتحمس أكتر مننا. دلوقتي لما كبرنا انطلقت وبقت بتلف وتسافر لوحدها أو معانا، وتعمل مغامراتها المجنونة، لدرجة مرة لقيتها فجأة بتقوللي "أنا رايحة الأردن بالعجلة"..وبعدين تاني يوم قالتلي "أنا لغيت الأردن وهروح الهند". وفعلاً راحت الهند.

لما بسافر لشغل أو غيره، بتجيلي بعد ما أخلص ونفضل نلف سوا. من سنتين كان عندي Project في البرازيل ولما خلصت جتلي ولفيناها بالأتوبيس. بس وهي جاية عملت ترانزيت في المغرب ٣ ليالي، من غير حجز فندق ولا أي حاجة. أول ليلة باتت عند واحدة اتعرفت عليها في المطار، تاني ليلة باتت عند واحدة اتعرفت عليها عن طريق صديق، تالت ليلة باتت عند واحدة اتعرفت عليها في الشارع! واحدة منهم جت تزور مصر ومقيمة عندنا حالياً.

مامتي Backpacker عظيمة .. بتسافر من غير ترتيب، معهاش غير تذكرة الطيارة وشنطة على ضهرها وبسكوت😃

وعشان هي بتقدَّر الفصلان بتاع السفر، لما بسافر مبتكلمنيش خالص عشان متفصلنيش عن الأجواء اللي أنا فيها. عملت معايا اتفاق اني كل يوم قبل ما أنام أطمنها برقم من ١ ل ١٠ بيعبر أنا مبسوطة قد ايه من غير تفاصيل. لو حكيت حاجة تزعقلي وتقوللي خللي الحكايات لما ترجعي، دلوقتي استمتعي بس.

مامتي من أقوى الشخصيات اللي ممكن حد يقابلها، وأكثرهم إصراراً وحيوية وإيجابية. هي لسة عندها طموحات بتحققها، ولسة عندها خطط بتنفذها، ومغامرات بتعملها.

يمكن من كتر ماعلمتني حاجات وحببتني في حاجات، بقيت شبهها جداً في شخصيتي. ويمكن ده خلاني شبهها كمان شكلاً، بس ياريت أبقى في نص كمالها.

ندى المرجاوي عن مامتها منال عبيد.

22/03/2016

"ندي انا مسافرة الأردن بالعجلة" .. فجأة لقيت ماما بتقولي كده .. تاني يوم قالتلي انا لغيت الأردن وهروح الهند .. وراحت الهند فعلاً وجت بالسلامة عشان نشوف موضوع الأردن ده :D أحكيلكم عن ماما شوية ..

ناس كتير بتقول اني شبه مامتي شكلاً .. أنا مش مقتنعة أبداً، رغم إنها جميلة ويشرفني أكون شبهها😃.. بس اللي أنا مقتنعة بيه جداً اني شبهها في حاجات تانية كتير.

أنا بعشق السفر زيها، بواجه زيها، بجري ورا أحلامي زيها.

مامتي من وهي صغيرة بتحب تكتب وعندها طموح في الصحافة. وبدأت الطريق على خفيف بس لما خلفتني أنا وأخويا كنا أهم حاجة في الدنيا عندها. حياتها كلها كانت إحنا وتفاصيل حياتنا، لدرجة اننا كنا بنحكي لبعض حلمنا بإيه كل يوم😃

لما كبرنا شوية رجعت تفكر في طموحاتها تاني. بقت تقضي معانا اليوم من أوله لأخره وتنزل الشغل بعد ماتنيمنا عشان متاخدش من وقتنا ولا دقيقة. طبيعة شغل الصحافة كانت بتساعد على ده. وبدأت تاخد كورسات في علم النفس والتنمية البشرية وكل حاجة في الدنيا عشان تنمي اهتماماتها وفي نفس الوقت تربينا أصح. كل مانكبر أكتر ويقل احتياجنا لتواجدها، تبتدي تدي وقت أكتر للشغل علي مدي سنين تعبت وواجهت مصاعب كتير فيهم.

دلوقتي مامتي عندها صفحة كاملة في الأهرام المسائي اسمها "حياتك"، وعملت أقوى حوارات مع أهم وأكبر علامات الأدب والسياسة والفن، ولسه ..

أما بالنسبة لعشقها للسفر، فهي كانت حريصة إن كل سنة نسافر كلنا لبلاد جديدة ونعمل مغامرات مختلفة من واحنا صغيرين. ولما كبرنا شوية بقت تشجعنا على أي فرصة سفر وتتحمس أكتر مننا. دلوقتي لما كبرنا انطلقت وبقت بتلف وتسافر لوحدها أو معانا، وتعمل مغامراتها المجنونة، لدرجة مرة لقيتها فجأة بتقوللي "أنا رايحة الأردن بالعجلة"..وبعدين تاني يوم قالتلي "أنا لغيت الأردن وهروح الهند". وفعلاً راحت الهند.

لما بسافر لشغل أو غيره، بتجيلي بعد ما أخلص ونفضل نلف سوا. من سنتين كان عندي Project في البرازيل ولما خلصت جتلي ولفيناها بالأتوبيس. بس وهي جاية عملت ترانزيت في المغرب ٣ ليالي، من غير حجز فندق ولا أي حاجة. أول ليلة باتت عند واحدة اتعرفت عليها في المطار، تاني ليلة باتت عند واحدة اتعرفت عليها عن طريق صديق، تالت ليلة باتت عند واحدة اتعرفت عليها في الشارع! واحدة منهم جت تزور مصر ومقيمة عندنا حالياً.

مامتي Backpacker عظيمة .. بتسافر من غير ترتيب، معهاش غير تذكرة الطيارة وشنطة على ضهرها وبسكوت😃

وعشان هي بتقدَّر الفصلان بتاع السفر، لما بسافر مبتكلمنيش خالص عشان متفصلنيش عن الأجواء اللي أنا فيها. عملت معايا اتفاق اني كل يوم قبل ما أنام أطمنها برقم من ١ ل ١٠ بيعبر أنا مبسوطة قد ايه من غير تفاصيل. لو حكيت حاجة تزعقلي وتقوللي خللي الحكايات لما ترجعي، دلوقتي استمتعي بس.

مامتي من أقوى الشخصيات اللي ممكن حد يقابلها، وأكثرهم إصراراً وحيوية وإيجابية. هي لسة عندها طموحات بتحققها، ولسة عندها خطط بتنفذها، ومغامرات بتعملها.

يمكن من كتر ماعلمتني حاجات وحببتني في حاجات، بقيت شبهها جداً في شخصيتي. ويمكن ده خلاني شبهها كمان شكلاً، بس ياريت أبقى في نص كمالها.

ندى المرجاوي عن مامتها منال عبيد.

07/03/2016

الواحد بيسافر برة مصر عشان يزور حد من أهله عايش برة .. حد من صحابه .. حد من معارفه .. رنا كانت مسافرة عشان تقابل رئيس فنلندا!

رنا خالد، صحفية مصرية ومدرس مساعد في الجامعة وحاصلة علي الماجيستير في الإعلام، عمرها ٢٤ سنة، وتم إختيارها لتمثيل مصر في برنامج تدريب الصحفيين الدوليين في فنلندا .. واللي تضمن حوار مع رئيس فنلندا عن مستقبل العملية الديموقراطية في المنطقة العربية .. وجدير بالذكر أن البرنامج ده من ضمن ألاف المتقدمين من العالم تم إختيار ٢١ مرشح فقط! رنا منهم.

رنا الحقيقة من الناس المبهجة للمتابعة جداً وصعب تلاقيها مبتضحكش في صورة، وصحابها مبهجين زيها، بعد برنامج تدريب الصحفيين اتعرفت علي مجموعة أصدقاء وسافروا جنب فنلندا السويد واستونيا! وتخيل أنت بقي صحاب طالعين من برنامج تدريب صحفيين دوليين .. جنسيات من كل حتة .. رنا من مصر وFabienne من ألمانيا وMayra من المكسيك وOzum من تركيا، وغيرهم من الصين واثيوبيا وفرنسا.

سألت رنا السؤال اللي كل البنات اللي عايزة تسافر لوحدها بتسأله: هو البنت وهي مسافرة لوحدها فيه حاجات معينة تاخد بالها منها يعني بتفرق يا رنا؟ قالت السفر أكتر حاجة بتعلم البنت أنها تكون قوية وسريعة التصرف وتقدر تاخد قرارات لوحدها، أنا كنت بعمل كل حاجة لنفسي وأنا مسافرة وجربت كل أنواع المواصلات برة مصر المترو والقطر والطيارات والبواخر والترام كان ناقص أركب الهوا، أهم حاجة الواحد يكون بيحترم الإختلاف وبيقدر يتعامل معاه بدون ما هو نفسه يفقد هويته.

طب يعني غير كده شايفة البنت في مصر محتاجة ايه يا رنا؟

"محتاجة تبطل تفكير في الجواز والطبخ وتشوف مستقبلها شوية".

وانتي نفسك في ايه؟

"أنا دلوقتي مدرس مساعد في الجامعة، نفسي يكون عندي طلبة في كل مكان في العالم .. لحد دلوقتي درّست في القاهرة وأسكندرية بس، لكن نفسي أعلّم الناس في كل مكان".

#سافر

07/03/2016

مطلوب مواقع للبيع زوارها 10 الاف وانت طالع
( مجرد وسيط ) والراجل جاد جدا

07/03/2016

مجرد انك تقتنع وتتاكد ان كل الاشخاص اللى وضعوا قوانين وقواعد فى العالم كله ليسوا اذكى منك ساعتها هتقدر تغير العالم