مجتمع سيدات jo

مجتمع سيدات jo قضايا اجتماعيه نسويه

12/02/2026

من عضوة بالصفحه...
بدي اغلبك لوسمحتي تنشريلي بدون اسم يساعدوني برقم شيخ بالرصيفة يعالج بالرقية القران والسنة ضروري والله لحاله جدا مستعصية ولكم الاجر وجزيل الشكر

04/02/2026

السلام عليكم ورحمة الله وبركاته
قصتي اني انا انظلمت بحياتي وانفصلت عن جوزي ومعي ولدين بعد الطلاق حبيت شب عزابي وصارلي سنتين معه انا بحبه وهو بحبني متعلقين ببعض...بس اهله رافضيني لاني منفصله..اجا خطبني لحاله اهلي م وافقو بدهم اهله ييجو معه...شو الحل..ليش هيك المجتمع بنقص من قيمة المنفصله ليش يعني ...بدون تجريح الواحد بكفيه الي فيه ...الي عندو كلمة خير يحكيها ...انا طالبه حل وبس

17/10/2025

مرحبا بدي نصيحة منكم
انا متزوجه الي شهر تقريبا والى الان ماصار بينا علاقه( دخول) يعني زوجي كلشي تمام عندو بس لما بقرب الي مابعرف شو بصير الو وحكيت الو انو راح أضل معه لحتى نلاقي حل وعملنا كل الفحوصات وعند اكثر من دكتور مافي اي مشاكل مش هون المشكله المشكله انو زوجي حتى بنفس التخت ما بنام معي وانا بضل اتعذب طول الليل وبحس بنقص وبياكلني التفكير انو انا شو ناقصني وليش هيك بتصرف معي وبالصدفه مسكت تلفوني لقيت مليون رساله مع بنات وعلاقات واجهته وانكر وصار يحلف وانا بعرف انو بكذب وحسيتو ندم كثيير مع العلم أخذنا بعض عن حب وقناعة مابعرف شو ااي صار بينا والحيره اكلتني وزوجي كان طبيعي قبل الزواج مرات بفكر بالطلاق بس هالشي مستحيل عند اهلي وراح اذوق كل أنواع العذاب عندهم وماراح يسمحوا الي حتى الطلعه برا البيت ادعو الي ربنا يفرج همي لان انا صرت ما بنام الليل كله بضل ادعي واقرا قرأن ان شاء الله ربنا يفرجها من عنده وشكرا لكل شخص يعطيني نصيحه لوجه الله

13/10/2025

السلام عليكم
الرجاء نشر بدون اسم.. ياريت اذا في هون محامي شرعي ينصحني شو اعمل. انا اكتشفت زوجي اكثر من مرة بحكي مع بنات وبكل مرة ازعل فيها اترك البيت وارجعله وهذا الشي خلاه يتمادى اكثر.... هي المرة تركت البيت بدون رجعة ان شاءالله. هل انه ارفع عليه قضية وعندي مسجات تثبت هالشي صورتها من تلفونه ياريت حد ينصحني

نستقبل رسائلكم💜
08/10/2025

نستقبل رسائلكم💜

08/10/2025

من عضوة بالصفحة....

بدون اسم لو سمحتو
انا بعترف اني غلطت انا متجوزه وحكيت مع شخص متجوز وبعدين صحيت على حالي وتبت لرب العالمين والله بيقبل التوبه
بس هاد الشخص مأعم يتركني بحالي عم يبعتلي رسائل تهديد أنه يحكي لجوزي وانا تبت توبه نصوح معد بدي ولإعاد رديت عليه علماً انه ما عنده الي اي صوره ولا شي الا رسائل عالواتس والمسنجر.
شو الحل انا خايفه وعم انهار أنه يبعت لجوزي وهددتو للأمن العام قال ماعندو اي مشكله شو الحل مشان الله عطوني حل

07/10/2025

من عضوة بالصفحة...

السلام عليكم ورحمة الله وبركاته
بدي أسأل البنات يلي تطلقوا ظُلم كيف كانت أول ليلة بعد الطلاق كيف تخطيتوا انا زوجي طلقني ظُلم حسبي الله ونعم الوكيل و يشهد علي ربي ماقصرت بشي ولا غلطت كتير مقهورة وموجوعة صدمني مافي شي بينا ولافي سبب

06/10/2025

من عضوة بالصفحة...

السلام عليكم....الرجاء النشر بدون اسم

أنا ارمله واربي الوادي ومشكلتي بابني عمره 22سنه بالعربي تصرفاته غريبه وارهقني حاولت اصلاحه بشتى الطرق لكن بلافائده ساعه طيب ومسكين وفجاءه بنجن على اتفه سبب وبتلفظ بكلمات قذره وبكسر اغراض البيت وانا بسكت بفكر انه هيك زلمه وسيطر علي واعذروني مماساقوله لكن فعلا ارهقني دائما غرفته قذره بكب العصير والقهوه على الأرض وسقايره معبيه الارض ماشي للبيت يبصق بكل مكان يخاف امشي حافيه وبنظف انفه بالبشكير وبكبلي بزر بالمغسله ليسكرها غير تحكمه باخوته واهانتهم وتحقيرهم وبقاومه بكل قدرتي وبدعيله لكن مافي فايده فعلا انا تعبت هو بشتغل بشركة خاصه وراتبه اله ودائما الاكل مش عاجبه وينتقدني بشكل مؤذي جدا وبرغم اني امه الا انه يتعامل معي كاني من شارع اوخادمه عنده ويتلفظ بكلمات قذره لي واخاف ان يزورني احد لانه لايستحي ان يقلل ادب علي امام الناس ...وضعي النفسي انا واخوته سئ واخاف ان اطردته رح يتشرد والمصيبه اهل ابوه مش سائلين عنه بلعكس ممكن يحرضوه علي على اساس هو رجل البيت ....صدقا تعبت منه

06/10/2025

من عضوة بالصفحة...

ادمن بدون اسم الله يجزيكي الخير... مابعرف شو ابلش او هيه فضفضه او مشكله انا وحده تزوجت ع سن ال17سنة وعندي بنت ولد ونفصلت ع لاسباب عدة منها انه مدمن وصلت معه ضرب والاهانه وفضحني بعرضي وشرفي وحكا عليه الي مابينحكا ونفصلت وضليت قاعده اربي اولادي حرمهم من كل اشي وعقدهم نفسيا وعقدني معهم بطل الي نفس بالحياة الي رح يحكيلي اطلع اشتغل احنا بمجتمع اغلبه استغلالي وانا مامعي شهادة يعني رح يكون شغل تحت رحمت حدا ومابدي اهمل اولادي اعطيتهم كل وقتي وحياتي وعلمتهم اصول الدين وركزت عليهم بس العمر مشي وانا ماعملت اشي لحالي بس بحكي ان شاء الله ربنا يعوضني فيهم خير مابعرف ازا انا صح او غلط الوحده قاتله حتى همه بحزن عليهم بحكي بكرى بيكبرو وبصير عندهم ناس ومعارف وحياة وبطلعو من هل وحدة والله صبرنا كتير انا وياهم ومشيت لسنين واحنا عنفس الحياة وتحت رحمت المصاريف القليله ونستنا يصرف علينا ونستنا من اهلي والاهل دايما حلولهم اتزوجي وشوفي حياتك والله الحياة مش بساهل المغامرة ولافي زلمه بيستاهل اترك اضفر بنتي عشانه.

02/10/2025

من شب

أنا شاب عمري الان 31 سنة وبعاني من تأنيب الضمير لشغلة صارت معي من سنين بس جد كابوس كبير بحياتي ومش بس كابوس مصيبة كبيرة

انا كنت شاب بسيط ورغم الفقر والعجز الا اني الحمد لله حققت كثير اشياء بحياتي وكملت تعليمي ودراسة الماجستير وشغلي والحمد لله بالخليج واتزوجت من سنة

بس لسا الموضوع قديم من 9 سنوات ليلة وفاة امي انا خدمتها والحمد لله مش منية خدمتها اكثر من 3 سنوات

وقت مرضها وما خليتها تحتاج شيء لغاية قبل ما تتوفى بيوم كانت الساعة 12 بالليل وانا عندي الصبح امتحان جامعة وغير التعب الي كنت بعاني منو

وهي من تعبها كانت تصيح بصوت عالي ونادتني وللأسف ما رديت عليها وضليت بفراشي ومن عصبيتها قالتلي الله يغضب عليك

ونمت وصحيت بعد ساعتين وهي متوفية وهالكابوس بحياتي وعمري ما راح اسامح نفسي أنا كثير بتصدق عندها وبدعيلها وما بنساها بكل وقت

بس كلمتها ملازميتني بكل شيء بحياتي نفسي أرتاح نفسي احط راسي على مخدتي وما اتذكر كلمتها

02/10/2025

من عضوة بالصفحه...

يسعد مساكم يا صبايا بدي احكيلكم قصتي وشورو عليه
انا بنت عمري ٢٠ سنة خطبت الي شهرين كتب كتاب المهم قصتي كالتالي خطيب نرجسي ولسااان وسخخ غير الغلط والانتقاد بدي احكيلكم مواقف من يوم الخطبة وهو ينتقد يعني لي عيد سمرة ليش ناصحه انتي لي وجهك عليه حب وهيك وبدعي وبغلط قدامي عادي غير هيك من يوم ما خطبنا وردة الي حقها دينار ما فات فيها عليه اقسم بالله العظيم ما بزود
ثالث اشي بضلوو يحكي قدامي انا بدي كنت بنت بيضة وشقرة وعيونها خضر ومن وقاحته هذيك اليوم بقلي وينتا بدك تطلبيلي البنت بهاي المواصفات غير هيك اقسم بالله من يوم الخطبة مكالمة ما حكى معي يوم بقله ليش بنحكيش بقلي كيفك شو اخبارك كثير منيح هيك شو بدك أكثر من هيك وصح كمان شغلة ولكم طرطور بس بتقاوى قدامي لما تكبر المشكلة بقله بدي اقول لأبوك بصير يترجى ما اقول وانا ما بدي هيك ولكم ما بكون عحاله رح تقولولي شو بتسوي لساتك معه اهلي أخ منهم مش راضيين الله يسامحهم بس والله يا بنات عايشة بجحيم متمني اموت ولا اضل معه امانه أنقذوني منه والله اعطوني حل والله ما ضل غير انتحر أقسم بالله العظيم ما ببالغ لسا هاد الحكي واحد بالمية من الي بعمله تعبت وتعبت نفسيتي لو تشوفو وجهي بخوف من الهالات والعياط صايرة هزلانه وما اتحمل حدا الحمد لله على كل حال
امانه امانه يا صبايا نصيحه مني اذا كنتي حاسه واحد بالمية في اشي في قصة ما توافقي اوعي لأنك رح تندمي طول حياتك انصحوني اعطوني حل قصة اشي

02/10/2025

من عضوة بالصفحة...

جارتي عمرها ستين سنه
كانت متزوجه واحد عنده اولاد ابنها الكبير من لما خطبتله وهيه مو طايقه كنتها بتضل تحكي والله لا أطلقها لو معها ست انفار ما بدي ياه مش اجتماعيه مش لايقه لا ابني ابني مهندس وين عيوني لما اخذتها طبعا كنتها يشوفها بالمناسبات شقرا وعيونها زرق وحلوه ما شاء الله عليها بس الي بحكيلها سلام عليكم تحكيلو وعليكم السلام الي بحكي معها بتحكي معه مش متطفله وبتلزق بالرايح والجاي بتحكيلها حرام عليكي ابنك صار عنده بنتين ولد خليهم بحالهم بتحكي والله لا اخرب عليها ومبين بحبو بعض فجئه أسمعت اليوم من دون طلاق رفع شقاق ونزاع وبحكي للرايح والجاي انا ما بدي ياها ومرت ابنها والله حزنت عليها رحت ع جارتي بحكيلها اليوم سمعت والمره زعلانه بدار أهلها ست اشهر حرام رجعوها بتحكيلي القرار قراري ولا تتدخلي وابني اصلا عمره ما حبها وما بدو ياها يا جماعه رنيت ع أخته بحكيلها حرام مرت اخوكي معها بنتين ولد وابغض عند الله طلاق ما بصير واحنا كلنا ما منا باها وابن جوزها باقي حالف يمين أنها مرت اخوه سابه ع حماتها والمره هادئه
وين اروح وين اجي اكون محايد ولا اساعد وكيف اساعد وصلت للشاق ونزاع وإذا بدي اروح ع مرته شو احكيلها تحميلها شو كانت حماتها تحكي عنها شاورو علي ادعولها ما تتطلق ويقلب علا بناتها والله حارقه عصابي

Address

Amman

Website

Alerts

Be the first to know and let us send you an email when مجتمع سيدات jo posts news and promotions. Your email address will not be used for any other purpose, and you can unsubscribe at any time.

Shortcuts

Featured

Share

Share on Facebook Share on Twitter Share on LinkedIn
Share on Pinterest Share on Reddit Share via Email
Share on WhatsApp Share on Instagram Share on Telegram