22/11/2025
جاءت سيدة عجوز مع زوجة إبنها لتتعالج من تأخر الحمل فقالت:
كما تعلم يا إبني المال والبنون زينة الحياة الدنيا فأكملت : والباقيات الصالحات خير عند ربك ثوابًا وخير أملًا .
قلت : والله بداية كويسة.
فقالت : كنتي ما بتحمل يا دكتور.
عملتلها الفحص ...طلعت أمورها ممتازة ، بدأت أعطيها جرعات الأمل والتفاؤل وأحدّثها قصة من هناوقصة من هناك.
دار بيننا هذا الحوار أنا والعجوز المرافقة .
▪️ أول مرة بتزوريني ؟
▫️نعم ،إبنها صار في الروضة وما حملت.
▪️فرحتيني لأنه عندها ولد الحمدلله أعتقدت بأنها لم تنجب أبدًا عَصبت العجوز وصرخت :
▫️(فال الله ولا فالك يا زلمة😡).
عندها أربعة أولاد وثلاث بنات وأصغرهم ولد بالروضة.
▪️ وأنا بقول أمورها بالفحص ممتازة !!! طيّب من شو بدها تتعالج ، ما شاء الله عندها عيلة.؟!
▫️بدها تتعالج للحمل مالك يا دكتور؟!!
▪️حمل شو يا حجة الله يطول عمرك ...أنا دكتور مش فاهم ...فهميني أنت يا بركة ...أو الأخت اللي معك صاحبة الشأن تفهمني.
قالت العجوز:
▫️صليت عالنبي؟
▪️صليت يا حجة ...اللهم صل وسلم وبارك على سيدنا محمد.
▫️إبني وحيدي ...وإحنا بدنا إله عشر أولاد ...بدنا عيلة كبيرة وعزوة...ومرته بطلّت تخلّف..
▪️حولتيني يا حجة ، تحمليني شوي...مرته هاي ...ولا متجوز عليها وحدة ثانية ...؟
▫️لا هاي ما في غيرها ...كيف يتجوز عليها ...إحنا بنحبها.
▪️خلص فهمت ياحجة...وصلت...الفكرة بدكم عشر ولاد.
▫️أيوه بالزبط...أخيرًا فهمت علي.
▪️غلبتك يا حجة معلش.
▫️لا يمة ولا يهمك ،نرجع لموضوعنا
كنتنا ليه ما بتخلف...؟
▫️ما في شيء يا حجة ..أمورها عال العال...بس المخلوقة ماخذة بريك.
▪️شو هو هاد كمان البريك؟
▫️شوية راحة ياحجة
▪️طيب ما بدك تكتبلها دواء ...تحاليل..؟
▫️ ما في داعي ياحجة؟
▪️ طيّب متى تراجعك؟
▫️ما في داعي يا حجة...ليريد الله.
وطلعوا مستغربين وأنا مستغرب والجهاز الحديث نفسه مستغرب .
🌹🌹🌹
