Баткенский межрайонный центр санэпидем надзора

12/04/2026

Бүткүл дүйнөлүк ден соолук күнүнө карата Баткен облусунда Баткен облустук үй-бүлөлүк дарыгерлер борбору тарабынан уюштурулган спорттук иш-чарада санитардык-эпидемиологиялык көзөмөл борборунун кыздар командасы катышып, 3-орунду камсыз кылышты.

Бул иш-чаранын максаты – коомчулуктун ден соолукка болгон жоопкерчилигин жогорулатуу, сергек жашоо образын жайылтуу жана медициналык кызматкерлердин ролун белгилөө болду.

Командалар спорттун волейбол түрү боюнча күч сынашты.

#спорт
#баткен
#санэпидемстанция
#денсоолук

11/04/2026

Баткен санэпид көзөмөл борборунун адистери Мин-Булак айылындагы башталгыч мектебинин мугалимдерине жана окуучуларына жугуштуу кутурма, бруцеллез оорулары боюнча маалымат берип, түшүндүрүү, алдын алуу иш чарасын өткөрдү

#жугуштууоорулардыалдыналуу

11/04/2026

Рахат Мажитова: Биздин максат - жарандарды тамак-аштан ууланууну алдын алуу жана жугуштуу оорулардан коргоо

@Рахат Мажитова

11/04/2026

Баткен санэпид көзөмөл борборунун кызматкерлери УТРК Баткен телеканалы менен биргеликте жайкы эс алуучу жайларына рейддик-түшүндүрүү иштерин жүргүзүштү

УТРК Баткен телеканалынын каналына жазылууну унутпаңыз. #Баткен #жаңылыктар #новости #Кыргызстан #чекара #утркбаткен #утрк #кабарлар

09/04/2026

Кенеден сактануу жол-жобосу менен таанышып алыңыз

09/04/2026

Баткен санэпид көзөмөл борборунун адистери Көк-Таш айылындагы Шайдулла Ганы атындагы мектебинин мугалимдерине жана окуучуларына жугуштуу кутурма, бруцеллез, эхинококкоз ооруларыы алдын алуу, коргонуу боюнча түшүндүрүү иштерин жүргүзүп, маалымат берди

09/04/2026

Лейлек районунда кене энцефалитинин алдын алуу боюнча семинарлар өткөрүлдү

Лейлек РОАА жана МСЭКБнын эпидемиолог дарыгери тарабынан кене энцефалитинин алдын алуу, анын белгилери жана коркунучтары тууралуу түшүндүрүү иштерин жүргүзүү максатында бир катар семинардык сабактар уюштурулду.

Атап айтканда, Лейлек ЖДПБнын медайымдарына семинар уюштурулуп, анда кене энцефалитинин жугуу жолдору, алдын алуу чаралары жана калк арасында маалыматтык түшүндүрүү иштерин жүргүзүү боюнча сунуштар берилди.

Мындан тышкары, Раззаков шаар башкармалыгына караштуу мектептердин жана бала бакчалардын социалдык педагогдоруна жана медициналык айымдарына да өзүнчө семинар уюштурулуп, балдар арасында оорунун алдын алуу, коопсуз жүрүм-турум эрежелери жана ата-энелерге маалымат жеткирүү жолдору талкууланды.

Өткөрүлгөн иш-чаралардын негизги максаты кене энцефалити боюнча калктын маалымдуулугун жогорулатуу жана оорунун алдын алуу иштерин күчөтүү болуп саналат.

Кыргыз Республикасынын саламаттык сактоо министрлиги
Департамент профилактики заболеваний и госсанэпиднадзора МЗ КР
Лейлек районунун жалпы дарыгердик практика борбору

09/04/2026

Билим берүү мекемелеринин жетекчилерине жугуштуу оорулардын алдын алуу жана тамак аш коопсуздугу боюнча маалымат берилди

Баткен РОАА жана МСЭБ кызматкерлери тарабынан Баткен районунун жана шаарынын мектеп директорлору, бала бакча башчылары жана ашпозчулары үчүн тамак-аш коопсуздугу, жугуштуу оорулар (кургак учук, кызамык, кутурма), эмдөө жана санитардык талап-эрежелердин сакталышы боюнча семинар-кеңешме өткөрүлдү.

Иш-чаранын жүрүшүндө катышуучуларга тамак-ашты туура сактоо, даярдоо жана бөлүштүрүү эрежелери, жугуштуу оорулардын алдын алуу жолдору, белгилери жана аларга каршы көрүлүүчү чаралар тууралуу кеңири маалыматтар берилүүдө.

Ошондой эле эмдөөнүн мааниси, санитардык нормаларды так сактоонун зарылдыгы баса белгиленип, катышуучулардын суроолоруна жооптор берилүүдө.

Семинардын негизги максаты – билим берүү мекемелеринде коопсуз шарттарды камсыз кылуу жана жугуштуу оорулардын алдын алуу иштерин күчөтүү болуп саналат.

Кыргыз Республикасынын саламаттык сактоо министрлиги
Департамент профилактики заболеваний и госсанэпиднадзора МЗ КР
Баткен Шаардык Мэриясы (Баткен Шаарынын Мэриясы)
Баткенский межрайонный центр санэпидем надзора
Asel Koshbaeva
Кадамжай Санэпид Козомол Борбору
Сүлүктү Шаардык Санэпид Бөлүмү
Дыканали Жунусалиев
Прививка Баткен
Ден соолукту чыңдоо борбору
Баткен облустук үй-бүлөлүк дарыгерлер борбору
Баткен областык кургак учук менен күрөшүү борбору
Баткен Облусу
Гулмира Козубаева
Баткен районундагы жаңылыктар.

08/04/2026

Лейлекте мите курт ооруларынын алдын алуу боюнча иш чаралар уюштурулууда (ДЭН)

Лейлек райондук санитардык-эпидемиологиялык көзөмөлдөө бөлүмүнүн адистери Г. Кулматова, У. Джураева жана Н. Субанкулова тарабынан Лейлек районундагы бир катар билим берүү мекемелеринде пландуу иш-чаралар жүргүзүлдү.

Аталган иш-чаралар төмөнкү мектептерде уюштурулду:
• Казыев Кожояр атындагы жалпы билим берүү мектеби;
• Наркозу Батыров атындагы жалпы билим берүү мектеби;
• Кара-Булак атындагы жалпы билим берүү мектеби.

Иш-чара Кыргыз Республикасынын №525 буйругунун негизинде 04.05.2023-жылы өткөрүлүп, башталгыч класстын окуучулары арасында мите курттарды аныктоо максатында лабораториялык анализдер алынды.

Мындан тышкары, мугалимдер арасында эхинококкоз жана башка мите курт оорулары боюнча кеңири түшүндүрүү иштери жүргүзүлүп, алардын жугуу жолдору, белгилери жана алдын алуу чаралары тууралуу маалыматтар берилди.

Окуучулардан алынган анализдер Лейлек райондук санитардык-эпидемиологиялык борборунун лабораториясында текшерилип, жыйынтыктарына жараша тиешелүү медициналык мекемелер менен биргеликте кошумча алдын алуу жана дарылоо иш-чаралары жүргүзүлөт.

Иш-чаранын негизги максаты жаш өспүрүмдөр арасында жугуштуу мите курт ооруларынын алдын алуу, өз убагында аныктоо жана алардын жайылышын азайтуу болуп саналат.

Кыргыз Республикасынын саламаттык сактоо министрлиги
Департамент профилактики заболеваний и госсанэпиднадзора МЗ КР
Лейлек районунун жалпы дарыгердик практика борбору
Сүлүктү Шаардык Санэпид Бөлүмү
Кадамжай Санэпид Козомол Борбору
Asel Koshbaeva
Дыканали Жунусалиев
Баткенский межрайонный центр санэпидем надзора

08/04/2026

❗️❗️❗️БИЛДИРҮҮ

Облустун координациялык милдети жүктөлгөн Баткен мамлекеттик санитардык-эпидемиологиялык көзөмөл борборунун түзүмүндө Лейлек району жана Сүлүктү шаары бөлүнүп чыккандыгына байланыштуу, мекемедеги бардык мөөрлөр (печаттар) алмаштырылууда.

Ушуга байланыштуу, БАК лабораториясына анализ тапшырууга жана санитардык минимум алуу үчүн келген жарандардан ушул жуманын ичинде келбей турууну суранабыз.

Түшүнүү менен кабыл алганыңыздар үчүн ыраазычылык билдиребиз.

07/04/2026

Сүлүктүдө мектептин санитардык абалы текшерилди

Сүлүктү шаардык ОАА жана МСЭК бөлүмүнүн адистери тарабынан Р. Жолбаев атындагы №4 орто мектебинде пландуу текшерүү жүргүзүлдү. Текшерүүнүн жүрүшүндө санитардык-эпидемиологиялык талаптардын сакталышы, окуу жайдын жалпы абалы, класстардын тазалыгы жана окуучулар үчүн түзүлгөн шарттар каралды.

Мындан тышкары, окуучулардын ден соолугун коргоо, жугуштуу оорулардын алдын алуу боюнча түшүндүрүү иштери жүргүзүлүп, тиешелүү сунуштар берилди. Зарыл болгон жерлерде лабораториялык анализдер үчүн үлгүлөр алынып, адистер тарабынан методикалык жардам көрсөтүлдү.

Сүлүктү Шаардык Санэпид Бөлүмү
Шахтер Жолу Гезити

07/04/2026

Баткен санэпид көзөмөл борборунун Чет-Кызыл айылындагы Сабир Момунов атындагы жалпы билим берүү мекемесинде окуучуларга кургак учук жана кутурма оорулары боюнча түшүндүрүү иштери жүргүзүлдү. Иш-чаранын алкагында окуучуларга оорулардын жугуу жолдору, негизги белгилери жана алдын алуу чаралары тууралуу кеңири маалымат берилди.

Мындан тышкары, С. Момунов атындагы орто мектепте пландуу текшерүү жүргүзүлүп, санитардык-эпидемиологиялык талаптардын сакталышы көзөмөлдөндү. Текшерүүнүн жүрүшүндө лабораториялык анализдер алынып, тиешелүү иштер жүргүзүлдү.
#санэпидемстанция #баткен #жугуштууоорулардыалдыналуу