ក្រុមការងារគ្រូពេទ្យស្ម័គ្រចិត្ត ឯកឧត្តម ហ៊ុន ម៉ានី ខេត្តបាត់ដំបង

16/08/2025

#កម្ពុជាត្រូវការសន្តិភាព មិនមែនសង្គ្រាមទេ!❤️🕊️
Wants Peace, Not Wars🇰🇭🕊️

05/01/2025

✍️ ក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ប្រចាំខេត្តបាត់ដំបង បានចូលរួមចុះពិនិត្យព្យាបាលជំងឺ និងចែកឱសថជូនប្រជាពលរដ្ឋដោយឥតគិតថ្លៃ នៅខេត្តកោះកុង!
————————
ខេត្តកោះកុង៖ នៅថ្ងៃទី៤ ខែមករា ឆ្នាំ២០២៥ លោកឱសថបណ្ឌិត វឿង ប៊ុនរេត ប្រធានមន្ទីរសុខាភិបាលនៃរដ្ឋបាលខេត្តបាត់ដំបង និងជាអនុប្រធានប្រតិបត្តិទទួលបន្ទុកប្រធានក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ប្រចាំខេត្តបាត់ដំបង បានចាត់បញ្ជូនក្រុមការងារសរុបចំនួន ០៦នាក់ ដើម្បីចូលរួមជាមួយក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ចុះពិនិត្យព្យាបាលជំងឺ និងផ្តល់សេវាសុខភាពជូនដល់ប្រជាពលរដ្ឋប្រកបដោយក្រមសីលធម៌វិជ្ជាជីវៈ លើការផ្តល់សេវាមានដូចជា ការពិនិត្យសញ្ញាជីវិត ការប្រឹក្សា និងពិនិត្យជំងឺទូទៅ ជំងឺកុមារ សម្ភព-រោគស្រ្តី ប្រព័ន្ធប្រសាទ សុខភាពភ្នែក ជំងឺមាត់ធ្មេញ ការពិនិត្យអេកូសាស្រ្ត និងការផ្តល់ឱសថសមស្របសម្រាប់គ្រប់អ្នកជំងឺទាំងអស់ នៅវិទ្យាល័យហ៊ុនសែន ចាំយាម ឃុំប៉ាក់ខ្លង ស្រុកមណ្ឌលសីមា ខេត្តកោះកុង បានសរុបចំនួន ៥ ៦៧៩នាក់ (ស្រ្តី ៣ ៩១៨នាក់)។

👉 ក្នុងកម្មវិធីនេះក៏មានវត្តមានថ្នាក់ដឹកនាំខេត្តកោះកុង អាជ្ញាធរមូលដ្ឋាន និងស្ថាប័នពាក់ព័ន្ធ ដែលបានរួមចំណែកដ៏សំខាន់ក្នុងការផ្តល់សេវាសុខភាពប្រកបដោយវិជ្ជាជីវៈជូនប្រជាពលរដ្ឋនៅមូលដ្ឋាន ជាពិសេសលោកជំទាវ មិថុនា ភូថង អភិបាលនៃគណៈអភិបាលខេត្តកោះកុង បានកោតសរសើរ និងគោរពថ្លែងអំណរគុណឯកឧត្តមឧបនាយករដ្ឋមន្ត្រី ហ៊ុន ម៉ានី ប្រធានកិត្តិយសក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី បានចាត់តាំងបញ្ជូនក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី ជាច្រើនលើកមកខេត្តកោះកុង ក្នុងការពិនិត្យព្យាបាលជំងឺ ចែកឱសថ ទឹកសុទ្ធ ភេសជ្ជៈ នំប៉័ង នំបញ្ចុក ជូនប្រជាពលរដ្ឋ ផ្តល់សេវាដោយឥតគិតថ្លៃ និងឥតគិតថវិកាបេសកកម្មនេះ។

📆 04-01-2025

06/10/2024

✍️ សិក្ខា​សាលា​ផ្សព្វផ្សាយ​ “ឯកសារ​ទស្សនា​ទានសហភាព​សម្ព័ន្ធ​យុវជនកម្ពុជា​ ២.០​ (UYFC 2.0)“ តាមប្រព័ន្ធ​និមិត្ត​ ZOOM
———
✅ លោកឱសថបណ្ឌិត​ វឿង ប៊ុនរេត អនុប្រធានប្រតិបត្តិ ទទួលបន្ទុកប្រធានក្រុមការងារគ្រូពេទ្យស្ម័គ្រចិត្ត
ឯកឧត្តម ហ៊ុន ម៉ានី ខេត្តបាត់ដំបង បានចូលរួមដឹកនាំសិក្ខា​សាលា​ផ្សព្វផ្សាយ​ “ឯកសារ​ទស្សនា​ទានសហភាព​សម្ព័ន្ធ​យុវជនកម្ពុជា​ ២.០​ (UYFC 2.0)“ តាមប្រព័ន្ធ​និមិត្ត​ ZOOM ក្រោមអធិបតីភាព​ឯកឧត្ដម​ លេង​ ផាលី​ សមាជិក​គណៈ​អចិន្ត្រៃយ៍​ គណៈ​កម្មាធិការ​កណ្ដាល​សហភាព​សហព័ន្ធ​យុវជន​កម្ពុជា​ និងជាប្រធាន​ប្រតិបត្តិ​ក្រុម​ការងារ​គ្រូពេទ្យ​ស្ម័គ្រ​ចិត្ត​ឯកឧត្តម​ ហ៊ុន​ ម៉ានី​។

👉 នៅសាលប្រជុំ "ក" មន្ទីរសុខាភិបាលនៃរដ្ឋបាលខេត្តបាត់ដំបង
📆 ថ្ងៃទី៦ តុលា ២០២៤

#យុវជនក្នុងបុព្វហេតុជាតិមាតុភូមិនិងប្រជាជនជាចម្បងផ្សារភ្ជាប់ខ្លួនយើងទៅនឹងដំណើរនៃជាតិ🇰🇭

15/04/2024

✅ សកម្មភាព​របស់​ក្រុម​ការងារ​គ្រូពេទ្យ​ស្ម័គ្រចិត្ត​ ឯកឧត្ដម​ ហ៊ុន​ ម៉ានី​ ខេត្តបាត់ដំបង​ បាន​ចូលរួម​សង្រ្គោះ​បឋម​ និង​អប់រំ​សុខភាព​ ជូន​ដល់​បងប្អូន​ប្រជាពលរដ្ឋ​ដែល​អញ្ជើញ​មក​កម្សាន្ត​ក្នុង​កម្មវិធី​បុណ្យ​ចូលឆ្នាំថ្មី​ប្រពៃណី​ជាតិ​ខ្មែរ​ ឆ្នាំ​រោង​ ឆស័ក​ ព.ស.២៥៦៨​ ខេត្តបាត់ដំបង​។

09/04/2024

✍️ស្រុកប្រតិបត្តិ​ សំពៅលូន៖​ ការវាយតម្លៃ គុណភាពសេវា​តាម​ឧបករណ៍​ NQEMT-2 នៅមណ្ឌលសុខភាព​ រស្មីសាមគ្គី ប្រចាំឆមាសទី១ ឆ្នាំ២០២៤!
———
👉ក្រុមវាយតម្លៃស្រុកប្រតិបត្តិ (OD Assessor) បានចុះវាយតម្លៃគុណភាពសេវា​ តាម​សំណុំឧបករណ៍ជាតិសម្រាប់តាមដានគុណភាពសវា សុខាភិបាលកម្រិត២ (NQEMT-2) ប្រើប្រាស់ក្នុង គម្រោងលើកកម្ពស់គុណភាព និងសមធម៌សុខាភិបាល ដំណាក់កាលទី២ (H-EQIP 2) សម្រាប់មណ្ឌលសុខភាពរស្មីសាមគ្គី។
👉ការវាយតម្លៃនេះត្រូវបានអនុវត្តតាមនិតិវិធីនៃឧបករណ៍វាយតម្លៃរួមមាន៖
១-ផ្នែកវាយតម្លៃគុណភាពសេវាដោយខ្លួនឯង
២-ស្តង់ដារជាតិគុណភាពថែទាំសុខភាពសម្រាប់ ថ្នាក់មណ្ឌលសុខភាព
៣-ការធ្វើតេស្ត ចំណេះដឹង (ករណីសិក្សាគ្លីនិក) និងតេស្តសមត្ថភាព។
📆21-03-2024
——
#វិន័យ #សុជីវធម៌​ #សីលធម៌​ #គុណធម៌
#ក្រមសីលធម៌វិជ្ជាជីវៈសុខាភិបាល
#ទុក្ខរបស់អ្នកជំងឺ_ជាទុក្ខរបស់គ្រូពេទ្យ
#ការពារប្រសេីរជាងព្យាបាល
#យេីងពិនិត្យថែទាំព្យាបាលអ្នកជំងឺដូចឪពុកម្តាយយេីងដែរ
#សុខុមាលភាពប្រជាពលរដ្ឋជាកង្វល់របស់យើងទាំងអស់គ្នា
#អំពេីល្អមិនសាបសូន្យ
#ដោយបំណងល្អពីមន្ទីរសុខាភិបាលនៃរដ្ឋបាលខេត្តបាត់ដំបង

29/10/2023

29-10-2023: សកម្មភាព​របស់​ក្រុម​ការងារ​គ្រូពេទ្យ​ស្ម័គ្រចិត្ត​ ឯកឧត្ដម​ ហ៊ុន​ ម៉ានី​ ខេត្តបាត់ដំបង​ បាន​ចូលរួម​សង្រ្គោះ​បឋម​ និង​អប់រំ​សុខភាព​ ជូន​ដល់​បងប្អូន​ប្រជាពលរដ្ឋ​ដែល​អញ្ជើញ​មក​កម្សាន្ត​ក្នុង​កម្មវិធី​បុណ្យ​អុំទូក​ និង​បណ្តែត​ប្រទីប​ ខេត្តបាត់ដំបង​ ឆ្នាំ​២០២៣។

19/09/2023

09/04/2023

09/04/2023:
កិច្ចប្រជុំបូកសរុបលទ្ធផលការងារផ្សព្វផ្សាយ និងទំនាក់ទំនងសាធារណៈ ប្រចាំត្រីមាសទី១ ឆ្នាំ២០២៣ និងលើកទិសដៅបន្តត្រីមាសទី២ ឆ្នាំ២០២៣ ក្រោមអធិបតីភាពដ៏ខ្ពង់ខ្ពស់ ឯកឧត្តម លេង ផាលី ប្រធានប្រតិបត្តិក្រុមការងារគ្រូពេទ្យស្ម័គ្រចិត្តឯកឧត្តម ហ៊ុន ម៉ានី។

គោលបំណង៖ បូកសរុបលទ្ធផលការងារផ្សព្វផ្សាយ និងទំនាក់ទំនងសាធារណៈ ប្រចាំត្រីមាសទី១ ឆ្នាំ២០២៣ និងលើកទិសដៅបន្តត្រីមាសទី២ ឆ្នាំ២០២៣។

មតិសំណេះសំណាល និងបើកអង្គប្រជុំ ដោយឯ.ឧ.បណ្ឌិត កែរ រដ្ឋា រដ្ឋលេខាធិការក្រសួងសុខាភិបាល និងជាអនុប្រធានប្រតិបត្តិក្រមការងារគ្រូពេទ្យស្ម័គ្រចិត្ត ឯ.ឧ. ហ៊ុន ម៉ានី។ ឯ.ឧ. បានបញ្ជាក់ពីបច្ចុប្បន្នភាពសមាជិកក្រុមការងារគ្រូពេទ្យស្ម័គ្រចិត្តឯ.ឧ. ហ៊ុន ម៉ានី មានចំនួន ១១,៧០៦នាក់ (ស្រ្តី ៦,៣៦៥) ការពិនិត្យ ព្យាបាលជូនប្រជាពលរដ្ឋដោយឥតគិតថ្លៃក្នុង ២៥រាជធានី-ខេត្ត បានចំនួន ៩០៩លើក ស្មើនឹង ១១,៦៦៤,៣៤០នាក់ (ស្ត្រី ៥,៩៥១,៧៩៨នាក់) ការចាក់វ៉ាក់សាំងកូវីដ ១៩ ដោយឥតគិតថ្លៃ និងដោយស្ម័គ្រចិត្តឥតគិតថវិកាបេសកកម្ម ជូនប្រជាពលរដ្ឋបានប្រមាណ ១០,៥១៤,៥៤៥ដូស ក្នុង២៥រាជធានី-ខេត្ត។

លោក រៀម ស៊ីណា​ បានរាយការណ៍ពីលទ្ធផលការងារផ្សព្វផ្សាយ និងទំនាក់ទំនងសាធារណៈ ប្រចាំត្រីមាសទី១ និងលើកទិសដៅបន្តត្រីមាសទី២ ឆ្នាំ២០២៣ ដោយមានគោលបំណងចំនួន 0៥៖
១- ចូលរួមចំណែកក្នុងការងារមនុស្សធម៌ និងកិច្ចការសង្គមផ្សេងៗ
២-ប្រមូលផ្តុំ អប់រំ ពិសេសសំណូមពរដល់យុវជនឱ្យងាកមកគាំទ្រនូវសកម្មភាពល្អៗរបស់ប្រមុខរាជរដ្ឋាភិបាលកម្ពុជា ក៏ដូចជាសកម្មភាពការងាររបស់ឯកឧត្តមប្រធាន
៣-ក្ដាប់ជាប់ និងវាយបករាល់សកម្មភាពបំភ្លៃដែលខុសពីការពិត
៤-បង្ហាញមហាជនមើលឃើញកាន់តែច្បាស់ថា គោលជំហររបស់ក្រុមការងារគ្រូពេទ្យស័្មគ្រចិត្ត ឯកឧត្តម ហ៊ុន ម៉ានី មិនដែលទុកប្រជាពលរដ្ឋឲ្យហែលឆ្លងការលំបាក ឬមហន្តរាយទាំងឡាយតែឯកឯងឡើយ
៥-ចូលរួមបំផុសចលនាក្នុងជួរយុវជន និងប្រមូលផ្តុំកម្លាំងក្រុមការងារគ្រូពេទ្យស័្មគ្រចិត្ត ឯកឧត្តម ហ៊ុន ម៉ានី ដើម្បីពិនិត្យ និងព្យាបាលជូនប្រជាពលរដ្ឋដោយឥតគិតថ្លៃ។

ទិសដៅបន្ត៖
- បន្តផ្តល់សេវាសុខភាព ជារៀងរាល់ខែ ជូនប្រជាពលរដ្ឋនៅតាមបណ្តាមូលដ្ឋានផ្សេងៗ និងនៅតាមតំបន់ដាច់ស្រយាល តាមខ្នងផ្ទះ
- បន្តស្ម័គ្រចិត្តចូលរួមយុទ្ធនាការចាក់វ៉ាក់សាំង ក្នុងក្របខណ្ឌទូទាំងប្រទេស សម្រាប់ដូសទី១ ដល់ ដូសទី៦ ដោយឥតគិតថ្លៃ និងឥតគិតថវិកាបេសកកម្មឡើយ ក្នុង២៥ រាជធានី-ខេត្ត។
-​ រៀបចំជាក្រុមការងារតូច ធំ បន្តចុះអប់រំផ្សព្វផ្សាយ បណ្តុះបណ្តាលវគ្គសង្គ្រោះបឋម
- បន្តសកម្មភាពពិនិត្យ ព្យាបាលជំងឺ ជូនប្រជាពលរដ្ឋដោយឥតជិតថ្លៃ នៅតាមបណ្ដាលខេត្តផ្សេងៗទៀត តាមស្ថានភាពជាក់ស្ដែង

ជាចុងបញ្ចប់ ឯ.ឧ. បណ្ឌិត កែរ រដ្ឋា រដ្ឋលេខាធិការក្រសួងសុខាភិបាល និងជាអនុប្រធានប្រតិបត្តិក្រុមការងារគ្រូពេទ្យស្ម័គ្រចិត្ត ឯ.ឧ. ហ៊ុន ម៉ានី បានថ្លែងអំណរគុណដល់លោក លោកស្រី ដែលបានចូលរួមក្នុងកិច្ចប្រជុំនេះ ជាពិសេសអរគុណដល់ខេត្តបាត់ដំបង និងត្បូងឃ្មុំ ដែលមានរបាយការណ៍បង្ហាញជូនកិច្ចប្រជុំ និងបានកោតសរសើរខេត្តបាត់ដំបង និងសៀមរាប ដែលតែងតែបញ្ចូលក្រុមគ្រូពេទ្យស្ម័គ្រចិត្ត ឯ.ឧ. ហ៊ុន ម៉ានី នៅក្នុងសកម្មភាព ឬព្រឹត្តិការណ៍ធំៗនៅក្នុងខេត្ត ដូចជាព្រឹត្តិការណ៍សង្រ្កាន្តបាត់ដំបងខាងមុខនេះជាដើម។

23/10/2022

23-10-2022: សកម្មភាពរបស់ក្រុមការងារគ្រូពេទ្យស្ម័គ្រចិត្ត ឯកឧត្ដម ហ៊ុន ម៉ានី ខេត្តបាត់ដំបង បានចូលរួមចាក់វ៉ាក់សាំងកូវីដ-១៩
ដូសជម្រុញដល់សិស្សានុសិស្ស នៃវិទ្យាល័យ​ព្រះមុនីវង្ស​ ខេត្តបាត់ដំបង។