21/10/2025
ព្រះគ្រូ សាគររូមាគាម៌ថ ព្រះមេត្តាចែករំលែកពីវិធីសមាធិឧបកិច្ច ដែលជាវិធីសមាធិអាលោកកសិណភាវនា (សមាធិពន្លឺ) សម្រាប់អ្នកដែលចង់រៀនសមាធិ ដើម្បីសេចក្ដីសុខសាន្តនៅខាងក្នុងចិត្ត ប៉ុន្តែមិនទាន់មាននិស្ស័យ ឬបុណ្យកុសលគ្រប់គ្រាន់ដើម្បីចូលមកនឹងព្រះធម្មវិធីសមាធិបុរាណ លំហូរព្រះស័ព្ទ នៃព្រះជាម្ចាស់ (សំឡេង និងពន្លឺនៅខាងក្នុង) ។
លោកអ្នកអាចអង្គុយក្នុងឥរិយាបថណាក៏បាន ឲ្យតែលោកអ្នកមានអារម្មណ៍ថាខ្លួនឯងបានធូរស្រាល សុខស្រណុក ។ ក្រោយពីលោកអ្នកបានអង្គុយចុះហើយ ៖ ចូរបន្ធូររាងកាយ ដៃទាំងពីរអាចដាក់ស្រាលៗ អញ្ចឹង ដាក់លើភ្លៅ ឬដាក់អញ្ចឹងក៏បាន ។
បន្ទាប់មក លោកអ្នកទាញការផ្ចង់អារម្មណ៍ទាំងឡាយ ហើយផ្ចង់នៅទីនេះ ភ្នែកមហាប្រាជ្ញាញាណ គឺចំណុចចំកណ្ដាលថ្ងាស កន្លែងដែលយើងបានបង្ហាញឲ្យលោកអ្នក ។ ប្រមូលអារម្មណ៍ចំកណ្ដាលថ្ងាស ។ ផ្ចង់នៅត្រង់នេះ ។ ចាប់ពីចំណុចនេះ លោកអ្នកសម្លឹងទៅខាងមុខ ។
នៅខាងមុខនេះ លោកអ្នកនឹងមានអារម្មណ៍ថាមានផ្ទាំងបញ្ចាំងមួយដ៏ធំ ហើយមានអារម្មណ៍ថាសុខសាន្តបំផុត ។ ហើយភាពមហស្ចារ្យ នៃមេឃាចក្រវាឡនឹងកើតមាន ។
