ឱសថស្ថាន សុខ វិសាល កំពង់ថ្ម

20/11/2025

របៀបម៉ាស្សាពោះទារក ដើម្បីជួយសំរួលដល់ការបន្ទោរបង់ និងមានសុខភាពល្អ 👶🩷
#ឱសថស្ថានសុខវិសាល017304508

20/11/2025

សំនួរសួរថាតេីយេីងអាចបញ្ឆេះរថយន្តគេងបានទេ?? ?

ចម្លើយ​:​ មិនគួរឡេីយ​ 🚫

ការបញ្ឆេះចោល (ទុកម៉ាស៊ីនដើរ) ហើយគេងនៅក្នុងឡានប្រើសាំង ឬម៉ាស៊ូតយូរ គឺជាទង្វើ ប្រកបដោយគ្រោះថ្នាក់ខ្លាំង និងអាចបណ្តាលឱ្យស្លាប់បាន។
🚨 គ្រោះថ្នាក់ចម្បង: ឧស្ម័នកាបូនម៉ូណូអុកស៊ីត (Carbon Monoxide - CO)
នេះជាហេតុផលសំខាន់បំផុតដែលអ្នកមិនគួរគេងក្នុងឡានប្រើសាំង/ម៉ាស៊ូតដែលកំពុងបញ្ឆេះចោល៖
1. ការផលិតឧស្ម័ន CO: នៅពេលម៉ាស៊ីនដំណើរការ វាបញ្ចេញឧស្ម័ន កាបូនម៉ូណូអុកស៊ីត (CO) ចេញតាមទុយោស៊ីម៉ាំង។
2. ការសាយភាយចូលក្នុងកាប៊ីន: ឧស្ម័ន CO អាចលេចធ្លាយចូលទៅក្នុងកាប៊ីនឡានបានយ៉ាងងាយស្រួល។
3. គ្រោះថ្នាក់ដល់ជីវិត: ឧស្ម័ន CO ត្រូវបានគេហៅថា "ឃាតករគ្មានវិញ្ញាណ’ ព្រោះវា គ្មានពណ៌ គ្មានក្លិន និងគ្មានរសជាតិ ដោយសម្លាប់មនុស្សយ៉ាងស្ងៀមស្ងាត់បំផុត 😔
👉នៅពេលអ្នកដកដង្ហើមចូល CO វានឹងចូលទៅជំនួសអុកស៊ីហ្សែននៅក្នុងឈាមរបស់អ្នក។
👉រោគសញ្ញាដំបូងមានដូចជា វិលមុខ ឈឺក្បាល ឬចង្អោរ ប៉ុន្តែដោយសារអ្នកកំពុងគេង អ្នកនឹងមិនដឹងខ្លួនឡើយ រហូតដល់អ្នកបាត់បង់ស្មារតី និងអាចស្លាប់ក្នុងដំណេកផងដែរ។

13/11/2025

ក្រោយសំរាល កុំអាងកំលាំងមាំនៅមើលកូនតែឯងៗរឺសំងំតែម្នាក់ឯង ហូបអាហារអោយដូចចាស់ៗថាគឺ អោយចេះស្ងួនចំនី មិនមែនហូបប៉ាតណាប៉ាតណីទេ ជាពិសេសទារកបៅដោះម្ដាយ បើហូបផ្តេសផ្តាស់មិនរើសមុខអាហារគឺយ៉ាប់ទាំងម្ដាយសាយដល់កូន ពាក្យថាទាស់គឺពិតជាមានមែន កុំអាងខ្លួនជាពេទ្យថាមិនអីមិនអី ខ្ញុំក៏ពេទ្យដែរហើយក៏មានបទពិសោធន៍ជួបអស់ហើយដែររឿងទាស់រួញដៃជើង រឹងថ្គាម រឹងចង្កេះ.. រកពុទ្ធោ...ល្មមអាចចែករំលែកបទពិសោធន៍ទៅកាន់បងប្អូនស្រ្តីទាំងឡាយបាន បងប្អូនត្រូវចាំថាការពារប្រសើរជាងព្យាបាល រឺការពារប្រសើរជាងហួសពេល។
សូមជូនពរស្រ្តីទាំងឡាយមុនរឺក្រោយសំរាលអោយគាត់មានសុខភាពល្អទាំងម្ដាយនិងកូន ដើម្បីមានអាយុយឺនយូរបន្តធ្វើជាធនធានមនុស្សដ៏រឹងមាំសំរាប់ជាតិយើង🙏🇰🇭💗🤰🤱👶

សែនសង្វេគ ប្តីត្រលប់មកពីបរទេសវិញដើម្បីជូនដំណើរភរិយា ខណៈដែលកូនទើបបានមួយខែ «ប្ដីជូនប្រពន្ធឡើងផ្ទះថ្មីហើយសូមប្រពន្ធសម្លាញ់ទៅបានសុខណា កូនអើយៗបេះដូងប៉ាបែ/កខ្ទិចអស់ហើយ ទឹកភ្នែកប៉ាហូរមិនឈប់ទេបេះដូងប៉ាទទួលយកមិនបានទេ»។ គួរបញ្ជាក់ថា ស្វាមីគាត់ធ្វើការនៅក្រៅប្រទេស គាត់ជាកូននាក់ស្រែតស៊ូរៀនទាល់តែចប់ដុកទ័រ រៀនចប់រៀបការឆ្នាំ២០២៤ ហើយមានកូន សម្រាលទើបមិនទាន់បានមួយខែ ស្រាប់តែបាត់បង់ជីវិត។ តាមប្រភពបញ្ជាក់ថា គាត់ខលជាមួយស្វាមីនៅក្រៅប្រទេស ហើយស្រាប់តែប្រាប់ស្វាមីថា មិនសូវស្រួលខ្លួនសុំគេងបន្តិច ស្រាប់តែរឹងថ្គា/ម ស្លា/ប់តែម្តង ពិតជាស្ដាយធនធានណាស់ 09/11/2025

25/10/2025

ក្រោយ​សម្រាល​កូន​រួច ស្រ្តី​អាច​មាន​រដូវ​ដូច​ធម្មតា​វិញ ​នៅចន្លោះ​ពី ១ខែកន្លះ-៣ខែ ឬ​យូរ​ជាង​នេះ អាស្រ័យ​ទៅ​លើ​លក្ខខណ្ឌ​នៃ​ការ​បំបៅ​ដោះ​កូន។
👉បើ​ស្រ្តី​បំបៅ​ដោះ​កូន​កាន់​តែយូរ
ហើយ​ញឹក​ញាប់ នោះ​អាច​ពន្យាការ​មក​រដូវ​កាន់​តែ​យូរ អ្នក​ខ្លះ​អាច​យូររហូតដល់ ៦ខែ ឬ១ឆ្នាំ​ក៏​មាន​ដែរ។
👉ក្រោយ​សម្រាល​កូនបាន៦សប្តាហ៍
គ្រូពេទ្យ​តែង​តែ​ណាត់​ស្រ្តី​ឲ្យ​ទៅ​ជួប​គ្រូពេទ្យ​ម្តង​ទៀត​ដើម្បី​ពិនិត្យ​សុខភាព
👉តើ​មាន​បញ្ហា​អី​រឺអត់?
👉ស្បូន​ត្រលប់​មក​ធម្មតា​វិញ​រឺនៅ?
👉 ប្រសិន​បើ​ពិនិត្យ​មិន​ឃើញ​មាន
បញ្ហា​អី​នោះ​ទេ ស្ត្រី​អាច​រួមភេទ​ជាមួយ​ដៃគូ ឬ​ស្វាមី​បាន​ធម្មតាវិញ​ហើយ​អំឡុង​ពេល​នេះ។
👉ដូចនេះ ដៃគូស្វាមីភរិយាគួរធ្វើការប្រឹក្សាជ្រើសរើសមធ្យោបាយ
ពន្យាកំនើតណា១ក្នុងករណីមានផែនការគ្រួសារជាក់លាក់👌
#ប្រឹក្សាយោបល់ជូនបងប្អូនមាមីងដោយរីករាយនិងឥតគិតថ្លៃ🥰
#ឱសថស្ថានសុខវិសាល017304508

23/07/2025

សំរាប់កុមារកេីតជំងឺទឹកនោមផ្អែមប្រភេទទី១

1- ចាក់អាំងស៊ុយលីនជាប្រចាំ

2- ធ្វេីលំហាត់ប្រាណខ្ជាប់ខ្ជួន

3- ទទួលចំណីអាហារដែលគួរ

4- ជោះជាតិស្ករ និង តាមដានជាប្រចាំជាមួយវេជ្ជបណ្ឌិត

20/07/2025

🍀គួរយល់ដឹងអំពី #វីតាមីន🍀
1.☘️ កង្វះវីតាមីន C៖
- ហូរឈាមអញ្ចាញធ្មេញ ឈាមច្រមុះ
- ហូរឈាមនៅក្រោមស្បែក។ ស្បែកមានស្នាមជាំ
- ស្បែកមានស្នាមជ្រីវជ្រួញ ភាពធន់ថយចុះ។
-ងាយមាន​អា​ឡែ​ស៊ី ធ្មេញ​ងាយ​នឹង​ជ្រុះ​
- រលាកអញ្ចាញធ្មេញ ឬផ្តាសាយ។

. វីតាមីន C លើស
- ជំងឺរំលាយអាហារ ដំបៅក្រពះ រលាកក្រពះ រាគ។
- បង្កើតគ្រួសក្នុងតម្រងនោម
- កើតរោគប្រគ្រីវ
- រារាំងការស្រូបយកវីតាមីន A ។
- ការថយចុះស្ថេរភាពនៃគ្រាប់ឈាមក្រហម។

2. ☘️ កង្វះវីតាមីន E៖
- ភាពចាស់នៃស្បែកជ្រីវជ្រួញ,
– សក់​ឆាប់​សំពោង និង​បែក​ចុង
- ងាយបែកញើស​, ស្ត្រេ​ស​។
-មនុស្សចាស់មានជំងឺពុកឆ្អឹង ស្ត្រេស គេងមិនលក់។
☘វីតាមីន E លើស
- ចង្អោរ រាគរ៉ាំរ៉ៃ
- ថយចុះនៃប្រពន្ធ័ចក្ខុសាស្រ្ត
- វដ្តរដូវមិនទៀងទាត់ចំពោះស្ត្រី។

3. កង្វះខូឡាជែន៖
- ស្បែកយារធ្លាក់ ជ្រួញ ភាពចាស់
- ស្បែកមានសភាពទ្រុឌទ្រោម។
- ស្បែកខ្មៅស្រអាប់ ស្ងួត
- សក់និងក្រចកស្ងួត
- ភ្នែកស្រវាំង
- ឈឺចុករោយសន្លាក់។
- ងាយនឹងកើតជំងឺអញ្ចាញធ្មេញ។
- គេងមិនលក់ អស់កម្លាំង។
- ស្នាមរបួសត្រូវចំណាយពេលយូរដើម្បីជាសះស្បើយ។

4. កង្វះអរម៉ូនអ៊ឹស្ត្រូសែន៖
- ទ្វាមាសស្ត្រីមានសភាពស្ងួត កាត់បន្ថយចំណង់ផ្លូវភេទ។
- បំរែបំរួលវដ្តរដូវ មកមិនទៀងទាត់ ងាយប្រឈមជំងឺរោគស្រ្តី៕
- ឆាប់ខឹង ស្ត្រេស...
- ស្បែកស្រអាប់ មានពណ៌ស្បែកស្លេក។
- សុដន់យារធ្លាក់។
- ស្បែកស្ងួត ជ្រីវជ្រួញ ។
-ងាយមានខ្លាញ់​ក្បាល​ពោះ​កកកុញ​ច្រើន​។

5. កង្វះវីតាមីន A៖
- កាត់បន្ថយការមើលឃើញ, ងងឹតភ្នែកពេលយប់។
- ឈឺភ្នែកពីស្រាលទៅធ្ងន់ធ្ងរ។
- ឬឈឺរន្ធប្រស្រីភ្នែក មើលឃើញមិនច្បាស់។
- ខ្លាចពន្លឺ។
- ងាយនឹងមានបញ្ហារលាក​ស្បែក​។
- របួសនៅលើស្បែកងាយនឹងមានការឆ្លងមេរោគ។
- ងាយកើតជម្ងឺក្រិនថ្លើម។
☘លើសវីតាមីន A ប្រសិនបើប្រើក្នុងកម្រិតខ្ពស់ក្នុងរយៈពេលយូរ។
- បណ្តាលឱ្យរលូតកូនចំពោះស្ត្រីមានផ្ទៃពោះ។
- ឈឺក្បាល ចង្អោរ វិលមុខ។
- ស្បែកស្ងួត និងរមាស់។
- បបូរមាត់ស្ងួត ប្រេះ សក់ជ្រុះ។
- រលាកភ្នាសមាត់ ឈឺឆ្អឹង លើសជាតិខ្លាញ់ក្នុងឈាម លើសជាតិកាល់ស្យូម។
- កុមារតូចៗអាចមានសម្ពាធ intracranial កើនឡើង ហើម fontanelle ឈឺក្បាលប្រកាច់។
- កុមារមានជម្ងឺខាន់លឿងនៅបាតដៃ និងជើង...

6. 🍀 កង្វះជាតិកាល់ស្យូម៖
- មនុស្សពេញវ័យដែលមានការឈឺចាប់សន្លាក់,ជំងឺពុកឆ្អឹង។
- កុមារក្រិន និងលូតលាស់យឺត។
- ឆ្អឹងផុយស្រួយ
- រមួលក្រពើ ស្ពឹកដៃ និងជើង។
- ការគេងមិនលក់ចំពោះមនុស្សពេញវ័យ។
- ធ្មេញងាយលឿង និងបាក់។
- ចំណុចពណ៌សលេចឡើងនៅលើក្រចក។
- ឈឺសាច់ដុំ។
☘កាល់ស្យូមលើស
- អស់កម្លាំងល្ហិតល្ហៃ, ងាយនឹងមានវិប្តតិផ្លូវចិត្ត។
- វិលមុខ ចង្អោរ ស្រេកទឹក នោមញឹកញាប់។
- កាត់បន្ថយការស្រូបយកសារធាតុចិញ្ចឹម។

7. ☘️កង្វះវីតាមីន B1៖
- ស្រកទម្ងន់លឿន។
- មិនឃ្លានអាហារ ញ៉ាំមិនសូវឆ្ងាញ់។
- រាគរាំរ៉ៃ
- ឈឺចាប់ក្នុងសរសៃប្រសាទ
- ឈឺចាប់នៅបាតជើង។
- អស់កម្លាំង ខ្វះថាមពល។
☘️វីតាមីន B1 លើស។
- ទល់លាមក ស្ពឹកឫងាប់សរសៃប្រសាទ ឈឺសាច់ដុំ។
- ចង្វាក់បេះដូងលោតញាប់។

8. 🍀 កង្វះវីតាមីន B2៖
- ងាយមានដំបៅក្នុងក្រអូមមាត់មាត់
- ឈឺអណ្តាត បបូរមាត់ប្រេះ។
- ធ្វើឱ្យភ្នែកឡើងបាយ ស្រវាំងភ្នែក។
- ក្រចកដៃ និងក្រចកជើង ផុយ និងងាយបាក់។
☘លើស វីតាមីន B2
- រមួលក្រពើ។
-ស្ត្រីមានផ្ទៃពោះអាចប៉ះពាល់សុកកូន កុមារលូតលាស់យឺត។

9. កង្វះវីតាមីន B3 (pp):
- ក្តៅក្រហាយ ឈឺដូចម្ជុលចាក់ចូលស្បែក។
- មានវិបត្តិ ប្រពន្ធ័រំលាយអាហារ។
- ឈឺក្បាល វិលមុខ។
- ការរំខានដល់ការមើលឃើញ, ការចុះខ្សោយនៃការចងចាំ
🍀លើសវីតាមីនB3(PP)។
- ចង្អោរ វិលមុខ ញ័រទ្រូង។

10. កង្វះវីតាមីន B5៖
- សក់ស្តើង ផុយ ងាយបែកចុង។
- ក្រពេញញើសសកម្មភាពខ្លាំងពេក ធ្វើអោយស្បែកបញ្ចេញជាតិខ្លាញ់ច្រើន ងាយនឹងកើតមុន
- ឈឺក្បាល អស់កម្លាំង ឆាប់ខឹង។
- ស្បែក​ងាយនឹងរលាកដោយសារ​ជាតិ​ខ្លាញ់​ច្រើន​។

11.☘️ កង្វះវីតាមីន B6៖
- ហត់នឿយ អស់កម្លាំង មិនស្រួលខ្លួន
- គេងមិនលក់រ៉ាំរ៉ៃ
-អារម្មណ៍ឆាប់ប្រែប្រួល ម៉ួលម៉ៅ។
- បបូរមាត់ប្រេះស្ងួត។
- កើតមុនច្រើន។
– ភ្នែក​ច្រើន​តែ​ឡើង​ក្រហម ភ្នែក​មិន​ច្បាស់
- ស្មាមរបួសយឺតនឹងលូតលាស់ស្បែកថ្មីមកវិញ
☘️លើសវីតាមីន B6
- ងាយនឹងរងវិបត្តិប្រពន្ធ័ប្រសាទ
- ស្ពឹកដៃ និងជើង។

12. កង្វះវីតាមីន B9៖
- ឈឺចុករោយសន្លាក់។
- បញ្ហាប្រព័ន្ធរំលាយអាហារ៖ ចង្អោរបន្ទាប់ពីញ៉ាំអាហារ រាគបន្ទាប់ពីញ៉ាំ។
- ដំប៉ៅ ពងបែកមាត់

13. កង្វះវីតាមីន B12៖
- អស់កម្លាំង។
- ងងុយដេក ហត់នឿយ។
-ស្ពឹកដៃជើង
- ស្បែកស្លេក។
- ងាយហើមរលាកអណ្តាត។
- ទល់លាមក រាគ ហើមពោះ បាត់បង់ចំណង់អាហារ។
- កាត់បន្ថយការមើលឃើញ(ចក្ខុសាស្រ្ត)
- ងាយមានជំងឺធ្លាក់ទឹកចិត្ត។
- បាត់បង់ការចងចាំ។
- ឆ្អឹងខ្សោយ។
☘លើសវីតាមីន B12
- មិនឃ្លានអាហារ អស់កម្លាំង ចង្អោរ រាគ
- ឈឺក្បាល រមាស់។
- ខ្សោយ ទន់ដៃជើង សាច់ដុំ។
- បង្កើនហានិភ័យនៃជំងឺមហារីកក្រពេញប្រូស្តាត។
- បង្កើនការកកឈាម កំណកឈាម ងាយនឹងស្ទះសរសៃឈាម។

14. 🍀 កង្វះវីតាមីន B7 (Biotin)
- សក់ងាយដាច់ ខ្សោយ បែកចុង
- ក្រចកដុះមិនស្មើគ្នា ខូច និងស្រួយ។
☘លើស វីតាមីន B7 (Biotin)
- ឡើងស្នាមមុន, ស្បែករោលក្រហម។
- ងាយឈឺក្រពះ កន្ទួលលើស្បែក អាឡែកហ្សី

15. 🍀 កង្វះវីតាមីន D
- កុមារក្រិន និងលូតលាស់យឺត។
- រមួលក្រពើ ស្ពឹកដៃ និងជើង។
- ធ្មេញងាយលឿង និងឆាប់បាក់
☘លើសវីតាមីន D
- បង្កើនជាតិកាល់ស្យូមក្នុងឈាម។
- ឈឺក្បាល វិលមុខ បាត់បង់ចំណង់អាហារ ស្ងួតមាត់។
- រមួលក្រពើ ទល់លាមក ចង្អោរ ឈឺសាច់ដុំ។
- សរសៃឈាមងាយឡើសរឹងស្ងួត

11/07/2025

👉ថ្នាំបំបាត់ការឈឺចាប់ មិនប្រាកដថាអាចព្យាបាលគ្រប់ប្រភេទជំងឺដែលនាំអោយឈឺចាប់នោះទេ😊
🙏🙏🙏ខ្ញុំសូមស្នើសុំអោយពុកម៉ែបងប្អូនប្រើប្រាស់ឱសថគ្រប់ប្រភេទទៅតាម ការណែនាំរបស់ឱសថការី រឺគ្រូពេទ្យ ជាជាង ទិញឱសថប្រើតាមចិត្តខ្លួនឯង ដែលនាំអោយបងប្អូនមិនបានធូរស្រាលពីជំងឺ ហើយនាំអោយគ្រោះថ្នាក់ធ្ងន់ធ្ងរដល់សុខភាព និង អាចគំរាមកំហែងដល់អាយុជីវិតទៀតផង។
👉ទន្ទឹមនឹងនេះដែរ ខ្ញុំសូមណែនាំ ឱសថ ប៉ូលឌែនមិក ដែលមានប្រសិទ្ធភាពខ្ពស់ ក្នុងការបំបាត់អាការះឈឺក្បាល/ឈឺ១ចំហៀងក្បាល/ឈឺក្បាលប្រកាំង🥰👍
#ឱសថប៉ូលឌែនមិកបំបាត់អាការះឈឺក្បាលឈឺក្បាលប្រកាំង


#ឱសថស្ថានសុខវិសាលកំពង់ថ្ម017304508
#ទីតាំងខាងកើតផ្សារកំពង់ថ្ម២០០ម៉ែត្រទល់មុខការ៉ាសសាំងតេលាញឹមគឹមអុី017304508

08/07/2025

ខ្ញុំសូមបង្ហាញពីរបៀបអានសំពាធឈាមក្នុងម៉ាសុីនវាស់សម្ពាធឈាមជូនបងប្អូន ៖

✔️ លេខ 1 ៖ សំពាធឈាម SYS ធម្មតាចន្លោះពី 90 - 120
✔️ លេខ 2 ៖ សំពាធឈាម DIA ធម្មតាចន្លោះពី 60 - 80
✔️ លេខ 3 ៖ ចង្វាក់បេះដូង PUL ធម្មតាគឺចន្លោះពី 60-100/min

❗️លេខ 4 ៖ សញ្ញាបញ្ជាក់ពីកម្រិតសម្ពាធឈាម (5, 6, 7)

📌លេខ 5 ៖ សញ្ញាបញ្ជាក់នៅត្រឹមពណ៏បៃតង មានន័យថាកម្រិតសម្ពាធឈាមអ្នក ធម្មតា

📌លេខ 6 ៖ សញ្ញាបញ្ជាក់នៅត្រឹមពណ៏ទឹកក្រូច មានន័យថាកម្រិតសម្ពាធឈាមអ្នក ចាប់ផ្តើមគួរបារម្ភ (សូមប្រុងប្រយ័ត្ន)

📌លេខ 7 ៖ សញ្ញាបញ្ជាក់នៅត្រឹមពណ៏ក្រហម មានន័យថាអ្នកកំពុង លើសសម្ពាធឈាម (សូមប្រញ៉ាប់ទៅពិគ្រោះជាមួយគ្រូពេទ្យជំនាញ)

ចំណាំ: មុនធ្វើការវាស់សម្ពាធឈាម សូមអង្គុយស្ងៀមរឺសំរានលើផ្ទៃរាបស្មើ រយះពេល 5 ទៅ 10នាទី ដើម្បីអោយចរន្តឈាមរត់ស្រួល ហើយចាប់ផ្តើមវាស់ ក្នុងអំឡុងពេលវាស់ សូមនៅអោយស្ងៀម‼️

#ឱសថស្ថានសុខវិសាលកំពង់ថ្ម017304508

08/07/2025

ហេតុអ្វីបានជាស្ត្រីកើតជំងឺរលាកតំរង់នោមរឺរលាកផ្លូវបង្ហូរទឹកនោម ញឹកញាប់ជាងបុរស?

ការឆ្លងមេរោគប្លោកនោម (cystitis) គឺនៅពេលដែលមេរោគចូលទៅក្នុងខ្លួនរបស់អ្នកពីរន្ធគូថ ទ្វារមាស ឬស្បែករបស់អ្នក ចូលទៅក្នុងប្លោកនោម វាអាចបណ្តាលឱ្យមានរោគសញ្ញានៃការក្រហាយនៅពេលបត់ជើងតូច (dysuria) ការនោមញឹកញាប់ (frequency) និងត្រូវទៅនោមភ្លាមៗ (urgency) ជួនកាលអាចមានឈាមនៅក្នុងទឹកនោម (hematuria) នាំមកនៅការឈឺចាប់នៅផ្នែកខាងក្រោមពោះផងដែរ

ហេតុអ្វីបានជាស្ត្រីឆ្លងមេរោគនេះញឹកញាប់ជាងបុរស?

នេះក៏ព្រោះតែបង្ហួរនោមរបស់ស្ត្រីមានប្រវែងខ្លីណាស់ប្រហែល៤សង់ទីម៉ែត្រ ចំណែកឯបង្ហួរនោមរបស់បុរសមានប្រវែងប្រហែល២០សង់ទីម៉ែត្រ វាងាយស្រួលសម្រាប់មេរោគចូលទៅក្នុងប្លោកនោមរបស់ស្ត្រីជាងបុរស រឿងមួយទៀតគឺថា បង្ហួរនោមរបស់ស្ត្រីក៏នៅជិតរន្ធគូថ និងទ្វារមាសដែរ

តើកត្តាហានិភ័យអ្វីខ្លះទៀតដែលធ្វើឲ្យអ្នកងាយនឹងឆ្លងមេរោគប្លោកនោម?

ជាការពិតណាស់ ការផឹកទឹកតិចនឹងធ្វើឱ្យនោមតិច បាក់តេរីអាចលូតលាស់នៅក្នុងប្លោកនោមក្នុងរយៈពេលយូរ ការរួមភេទរួមទាំងការប្រើថ្នាំសម្លាប់មេជីវិតឈ្មោលក៏អាចធ្វើឱ្យអ្នកងាយឆ្លងមេរោគផងដែរ ការដាក់កងក្នុងស្បូន ចំពោះស្ត្រីអស់រដូវ អនាម័យប្រដាប់បន្តពូជ ការមានផ្ទៃពោះ ជំងឺទឹកនោមផ្អែម ជំងឺផ្លូវទឹកនោម ការមានអាយុច្រើន។

08/07/2025

ជំងឺគ្រុនឈាម គួរតែសម្រាកព្យាបាលនៅមន្ទីរពេទ្យរដ្ធ⚠️
ដែលមានឧបរកណ៍សង្គ្រោះបន្ទាន់គ្រប់គ្រាន់និងទាន់ពេល។ មិនថាក្មេងឬមនុស្សចាស់នោះទេ ព្រោះជំងឺនេះមើលសំបកក្រៅស្រាល តែបើវិវត្តន៍ទៅធ្ងន់ជួយមិនទាន់ទេ ម៉្យាងត្រូវសម្រាកពេទ្យតាមដានយូរ នៅពេទ្យរដ្ធចំណាយតិច។
ការព្យាបាលជំងឺគ្រុនឈាមគឺព្យាបាលតាមរោគសញ្ញា គ្មានថ្នាំសម្លាប់មេរោគគ្រុនឈាមទេ
-គ្មានសេរ៉ូមណាបញ្ចូលហើយជាគ្រុនឈាមទេ ដាក់សេរ៉ូមច្រើនលើសកម្រិតឲ្យលើសជាតិទឹកហើមសួត ប៉ះពាល់បេះដូង
-គ្មានថ្នាំផ្សះណាសម្លាប់មេរោគគ្រុនឈាមទេ ព្រោះវាជាពួកវីរុសមិនមែនបាក់តេរី
-ថ្នាំដែលប្រើមានតែថ្នាំបញ្ចុះកម្តៅ និងថ្នាំកាត់បន្ថយរោគសញ្ញាមួយចំនួន និងត្រូវប្រើដោយប្រុងប្រយ័ត្នបំផុត
-ត្រូវចំណាយពេលយ៉ាងតិច៥ទៅ៧ថ្ងៃដើម្បីតាមដានការវិវត្តន៍របស់ជំងឺ
-ត្រូវពិនិត្យឈាមច្រើនដងដើម្បីច្បាស់ថាគ្រាប់ឈាមមិនធ្លាក់ចុះ
-ត្រូវតាមដានខ្លាចវិវត្តន៍ទៅគ្រុនឈាមធ្ងន់ ឲ្យហូរឈាម ធ្លាក់សម្ពាធឈាម គ្រោះថ្នាក់ដល់ជីវិត។
⚠️⚠️គ្រុនឈាមពេលក្តៅខ្លួនមិនគ្រោះថ្នាក់ទេ តែវានឹងអាចធ្ងន់និងគ្រោះថ្នាក់ពេលចាប់ផ្តើមចុះត្រជាក់⚠️⚠️
👩‍⚕️👨‍⚕️ គ្មានគ្រូពេទ្យណាដែលពូកែព្យាបាលគ្រុនឈាមនោះទេ ព្រោះមកដល់ឥលូវមិនទាន់មានថ្នាំសម្លាប់មេរោគគ្រុនឈាមនៅឡើយ បើឆ្លងប៉ះចំមេរោគធ្ងន់ស្រាប់ ទោះបីបានទទួលការព្យាបាលលឿនយ៉ាងណាក៏នៅតែអាចវិវត្តន៍ទៅធ្ងន់ដដែល ដូចនេះមានតែការការពារកុំឲ្យមូសខាំទើបអាចទប់ស្កាត់មេរោគគ្រុនឈាមនេះបាន⚠️